Anlam tercümesi Sure Sûretu'l-Mürselât - الترجمة القيرغيزية للمختصر في تفسير القرآن الكريم - Kur'an-ı Kerim Ansiklopedisi

Мурсалат

Surenin hedefleri:

الوعيد للمكذبين بالويل يوم القيامة.

Жалганга чыгаруучуларга Кыямат күнү "вайл" (азап) убада кылынган.

---

Ayet: 1

وَٱلۡمُرۡسَلَٰتِ عُرۡفٗا

Аллах аттын жалындай үлгүлтүксүз шамал менен ант берди.

Ayet: 2

فَٱلۡعَٰصِفَٰتِ عَصۡفٗا

Катуу соккон шамал менен ант берди.

Ayet: 3

وَٱلنَّٰشِرَٰتِ نَشۡرٗا

Жамгырды тараткан шамал менен ант берди.

Ayet: 4

فَٱلۡفَٰرِقَٰتِ فَرۡقٗا

Акыйкат менен жалганды ажыратуу үчүн түшкөн периштелерге менен ант берди.

Ayet: 5

فَٱلۡمُلۡقِيَٰتِ ذِكۡرًا

Вахий менен түшкөн периштелер менен ант берди.

Ayet: 6

عُذۡرًا أَوۡ نُذۡرًا

Алар Аллахтын алдында адамдар актанбаш үчүн жана аларга Аллахтын азабын эскертүү максатта вахий менен түшүшөт.

Ayet: 7

إِنَّمَا تُوعَدُونَ لَوَٰقِعٞ

Чындыгында силерге убада кылынган кайра тирилүү, сурак алуу жана жаза-сыйлык берүү сөзсүз түрдө болот.

Ayet: 8

فَإِذَا ٱلنُّجُومُ طُمِسَتۡ

Жылдыздардын нуру өчүп, жарыгы кеткенде.

Ayet: 9

وَإِذَا ٱلسَّمَآءُ فُرِجَتۡ

Периштелер түшүү үчүн асман ачылганда.

Ayet: 10

وَإِذَا ٱلۡجِبَالُ نُسِفَتۡ

Тоолор өз ордуларынан жулунуп, чаңдай болгончо майданалып бытыраганда.

Ayet: 11

وَإِذَا ٱلرُّسُلُ أُقِّتَتۡ

Пайгамбарлар белгилүү бир убакытка чогултулганда.

Ayet: 12

لِأَيِّ يَوۡمٍ أُجِّلَتۡ

Өз үммөттөрүнө күбө болуш үчүн кечиктирилген улуу күн үчүн.

Ayet: 13

لِيَوۡمِ ٱلۡفَصۡلِ

Пенделердин ортосун ажыратуучу күн үчүн. Ошондо чынчылдар жана жалганчылар, бактылуулар жана бактысыздар ачык билинет.

Ayet: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Оо, пайгамбар! Сен ажыратуу күнү эмне экенин кайдан билмек?

Ayet: 15

وَيۡلٞ يَوۡمَئِذٖ لِّلۡمُكَذِّبِينَ

Ал күндө пайгамбарлар Аллах тараптан алып келген нерсени жалганга чыгаргандар үчүн кыйроо, азап жана жоготуу болсун!

Ayet: 16

أَلَمۡ نُهۡلِكِ ٱلۡأَوَّلِينَ

Биз Аллахка каапырлык кылган, пайгамбарларын жалганга чыгарган мурунку коомдорду жок кылбадык беле?

Ayet: 17

ثُمَّ نُتۡبِعُهُمُ ٱلۡأٓخِرِينَ

Алардын артынан кийинки муундарды кошуп, тигилерди жок кылгандай жок кылабыз.

Ayet: 18

كَذَٰلِكَ نَفۡعَلُ بِٱلۡمُجۡرِمِينَ

Тигил коомдорду жок кылган сыяктуу Мухаммад алып келгенди жалганга чыгарган күнөөкөрлөрдү да жок кылабыз.

Ayet: 19

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын күнөөкөрлөрдү жазалайм деген убадасын жалганга чыгаргандарга кыйроо, азап жана жоготуу болсун!

Bu sayfadaki ayetlerin faydaları:

• خطر التعلق بالدنيا ونسيان الآخرة.

Дүйнөгө байлануунун жана акыретти унутуунун коркунучу.

• مشيئة العبد تابعة لمشيئة الله.

Пенденин каалоосу Аллахтын каалоосуна баш ийет.

• إهلاك الأمم المكذبة سُنَّة إلهية.

Жалганчы коомдорду жок кылуу – Аллахтын белгилеген жолу.

Ayet: 20

أَلَمۡ نَخۡلُقكُّم مِّن مَّآءٖ مَّهِينٖ

Оо, адамдар! Биз силерди жийиркеничтүү болор-болбос бел суудан жаратпадык беле?

Ayet: 21

فَجَعَلۡنَٰهُ فِي قَرَارٖ مَّكِينٍ

Анан Биз ал жийиркеничтүү бел сууну коопсуз жай болгон аялдын жатынына жайгаштырдык.

Ayet: 22

إِلَىٰ قَدَرٖ مَّعۡلُومٖ

Белгилүү мөөнөткө чейин – ал кош бойлуулук мөөнөтү.

Ayet: 23

فَقَدَرۡنَا فَنِعۡمَ ٱلۡقَٰدِرُونَ

Жана Биз жаңы төрөлгөн баланын сыпатын, өлчөмүн, өң-түсүн жана башка нерселерин белгилеп койгонбуз. Ушунун баарын кылган Биздин кудуреттүүлүгүбүз кандай сонун!

Ayet: 24

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын кудуреттүүлүгүн жалганга чыгаргандарга кыйроо, азап жана жоготуу болсун!

Ayet: 25

أَلَمۡ نَجۡعَلِ ٱلۡأَرۡضَ كِفَاتًا

Биз жерди адамдардын баарысын өзүнө сыйдыруучу кылбадыкпы?

Ayet: 26

أَحۡيَآءٗ وَأَمۡوَٰتٗا

Ал тирүүлөрдү үстүндө жашатуу жана гүлдөтүү менен, ал эми өлүктөрдү ага көмдүрүү менен сыйдырат.

Ayet: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Жана аны силкинүүдөн сактаган бекем, бийик тоолорду жаратты. Оо, адамдар! Биз силерге таза суу бердик. Ушуларды жараткан Зат силерди кайра жаратууга алсыз эмес.

Ayet: 28

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын кылган жакшылыктарын жалганга чыгаргандарга кыйроо, азап жана жоготуу болсун!

Ayet: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Пайгамбарлары алып келгенди жалганга чыгаргандарга айтылат: «Эй, жалганчылар! Силер жалган деп эсептеген азапты көздөй жөнөгүлө!

Ayet: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Үч бөлүккө бөлүнгөн тозок түтүнүнүн көлөкөсүнө жөнөгүлө».

Ayet: 31

لَّا ظَلِيلٖ وَلَا يُغۡنِي مِنَ ٱللَّهَبِ

Анда көлөкөнүн салкындыгы жок жана ал тозоктун жалыны менен ысыктыгынын силерге өтүүсүн токтото албайт.

Ayet: 32

إِنَّهَا تَرۡمِي بِشَرَرٖ كَٱلۡقَصۡرِ

Чындыгында тозок сепилдей болгон чоңдуктагы учкундарды чачып турат.

Ayet: 33

كَأَنَّهُۥ جِمَٰلَتٞ صُفۡرٞ

Андан чачыраган учкундар каралыгында жана чоңдугунда кара тору төөлөргө окшойт.

Ayet: 34

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын кудуреттүүлүгүн жалганга чыгаргандарга кыйроо, азап жана жоготуу болсун!

Ayet: 35

هَٰذَا يَوۡمُ لَا يَنطِقُونَ

Бул күнү алар эч нерсе тууралуу сүйлөй алышпайт.

Ayet: 36

وَلَا يُؤۡذَنُ لَهُمۡ فَيَعۡتَذِرُونَ

Аларга каапырлыктары жана күнөөлөрү үчүн Раббисинен кечирим суроого уруксат берилбейт. Бирок алар Андан кечирим сурашат.

Ayet: 37

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын кылган жакшылыктарын жалганга чыгаргандарга кыйроо, азап жана жоготуу болсун!

Ayet: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Бул күн – макулуктарды ажыратуучу күн. Биз силерди жана мурунку коомдорду бир жерге чогулттук.

Ayet: 39

فَإِن كَانَ لَكُمۡ كَيۡدٞ فَكِيدُونِ

Эгерде силерде Аллахтын азабынан кутулуу үчүн колдоно турган айла-амалыңар болсо, аны Мага каршы колдонгулачы!

Ayet: 40

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллахтын кудуреттүүлүгүн жалганга чыгаргандарга кыйроо, азап жана жоготуу болсун!

Ayet: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Ал эми Раббисинин буйруктарын аткарып, тыйгандарын таштап Андан корккондор бейиштин жапжашыл дарактарынын көлөкөсүндө, аккан таза суу булактарында.

Ayet: 42

وَفَوَٰكِهَ مِمَّا يَشۡتَهُونَ

Жана жегиси келген мөмө-жемиштерде болушат.

Ayet: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

Аларга айтылат: «Дүйнөдө жакшылык иштерди кылганыңар себептүү таза нерселерден жегиле жана зыянсыз жагымдуу суусундуктардан ичкиле».

Ayet: 44

إِنَّا كَذَٰلِكَ نَجۡزِي ٱلۡمُحۡسِنِينَ

Биз силерге берген мындай сыйлыкты жакшылык иштерди кылгандарга да беребиз.

Ayet: 45

وَيۡلٞ يَوۡمَئِذٖ لِّلۡمُكَذِّبِينَ

Ал күнү Аллах такыбалар үчүн даярдап койгон нерселерди жалганга чыгаргандарга кыйроо, азап жана жоготуу болсун!

Ayet: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Жалганчыларга айтылат: «Жегиле жана дүйнөдө аз гана убакыт жашоо жыргалчылыктарын пайдаланып калгыла. Силер Аллахка каапырлык кылганыңар жана Анын элчилерин жалганга чыгарганыңар себептүү күнөөкөрсүңөр».

Ayet: 47

وَيۡلٞ يَوۡمَئِذٖ لِّلۡمُكَذِّبِينَ

Сурак күндөгү жазаларын жалганга чыгаргандарга ал күнү кыйроо, азап жана жоготуу болсун!

Ayet: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Ал жалганчыларга «Аллах үчүн намаз окугула» деп айтылса, Ал үчүн намаз окушпайт.

Ayet: 49

وَيۡلٞ يَوۡمَئِذٖ لِّلۡمُكَذِّبِينَ

Пайгамбарлар Аллах тараптан алып келгенди жалган деген жалганчыларга ал күнү кыйроо, азап жана жоготуу болсун!

Ayet: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Эгер алар Раббиси тараптан түшкөн бул Куранга ишенишпесе, анда мындан башка кайсы сөзгө ишенишет?

Bu sayfadaki ayetlerin faydaları:

• رعاية الله للإنسان في بطن أمه.

Аллах инсанга энесинин курсагында кам көрөт.

• اتساع الأرض لمن عليها من الأحياء، ولمن فيها من الأموات.

Жер өзүнө үстүндөгү тирүүлөрдү жана андагы өлүктөрдү да камтыйт.

• خطورة التكذيب بآيات الله والوعيد الشديد لمن فعل ذلك.

Аллахтын аяттарын жалганга чыгаруунун коркунучу жана андай кылган адамга катуу эскертүү айтылган.