Anlam tercümesi Sure Sûretu'l-Kıyâmeh - الترجمة الياؤو - Kur'an-ı Kerim Ansiklopedisi

Al-Qiyâmah

Ayet: 1

لَآ أُقۡسِمُ بِيَوۡمِ ٱلۡقِيَٰمَةِ

Ngulilumbila lisiku lya Kiyama.

Ayet: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ni nguulumbila soni ntima wakuliigamba.

Ayet: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Ana akuganichisya mundu kuti ngaŵa nkusonganganya Uwwe maupa gakwe?

Ayet: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Elo (tuchigasonganganya), ngati Uwwe tuli ŵakombola kwalanya chenene (tumisela twa) songa sya yala yakwe,^[1] (kuli uli maupa)!

(75:1) Mundu jwalijose jukwete tumisela twa songa sya yala yakwe twangalandana ni jwine. Ayi ikulosya ukombosi wa Allah pa kagumbe. (Nnole chilaaki cha aji Ȃyaji mu THE NOBLE QUR’AN).

Ayet: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Nambo mundu (akukanila ya Kiyama) pakusachilila kwendelechela kusakasya m'bujo mwakwe.

Ayet: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Akuusya (mwa chipongwe kuti): “Ana lisiku lya Kiyama lichiŵa chakachi?”

Ayet: 7

فَإِذَا بَرِقَ ٱلۡبَصَرُ

Sano ndema ja lichikolondoka liso (ligongo lya woga).

Ayet: 8

وَخَسَفَ ٱلۡقَمَرُ

Ni kutyoka kuŵala kwa mwesi.

Ayet: 9

وَجُمِعَ ٱلشَّمۡسُ وَٱلۡقَمَرُ

Ni kusonganganyisyidwa lyuŵa ni mwesi.

Ayet: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Lyele lisikulyo mundu tachiti: “Kwakutilila ni kwapi?”

Ayet: 11

كَلَّا لَا وَزَرَ

Iyayi, pangali kwakutilila.

Ayet: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Kwa Ambuje ŵenupe (Allah) lyele lisikulyo nikuchipelela kwakuujila.

Ayet: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Tachisalilidwa mundu lyele lisikulyo ichindu yajwalongwesye (kupanganya) ni yajwalesile (munyuma).

Ayet: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Nambo mundu tachilichonjela nsyene (ligongo kutandila lipende, makono ni ngongolo syakwe ichijuwula masengo gakusakala ga jwapanganyisye).

Ayet: 15

وَلَوۡ أَلۡقَىٰ مَعَاذِيرَهُۥ

Namuno tatole madandawusi gakwe (pakuliŵalanga ngasigankamuchisya).

Ayet: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Ngasin'jitenganyila (Qur’aniji mmwe Muhammadi ﷺ) lulimi lwenu (ndema jajikutuluka) kuti n'jikulumisye (kujisunga ni kujisooma).

Ayet: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Chisimu ili Kukwetu Uwwe kujisonganganya (mu ntima mwenu) ni kumpa ukombosi wakujisooma.

Ayet: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Sano pati tuchinsoomelaga, basi kuyichisyani kusoomwa kwakwe.

Ayet: 19

ثُمَّ إِنَّ عَلَيۡنَا بَيَانَهُۥ

Soni chisimu ili Kukwetu Uwwe kujisalichisya.

Ayet: 20

كَلَّا بَلۡ تُحِبُّونَ ٱلۡعَاجِلَةَ

Ngaŵa (chine chikuntendekasya kaanila Kiyama), nambo kuti ŵanganyammwe nkunonyelwa umi wachitema (wa duniya).

Ayet: 21

وَتَذَرُونَ ٱلۡأٓخِرَةَ

Ni nkujileka Akhera.

Ayet: 22

وُجُوهٞ يَوۡمَئِذٖ نَّاضِرَةٌ

Ngope sine lyele lisikulyo sichiŵa syakuŵala.

Ayet: 23

إِلَىٰ رَبِّهَا نَاظِرَةٞ

Sili nkwalola Ambuje ŵao (Allah).

Ayet: 24

وَوُجُوهٞ يَوۡمَئِذِۭ بَاسِرَةٞ

Sano nambo ngope sine lyele lisikulyo sichiyinda.

Ayet: 25

تَظُنُّ أَن يُفۡعَلَ بِهَا فَاقِرَةٞ

Sichisimichisya yanti chiitendekwe kukwakwe yakuniula n'gongo.

Ayet: 26

كَلَّآ إِذَا بَلَغَتِ ٱلتَّرَاقِيَ

Ngaŵa (yanti nikanila), ndema jauchiika ntima paligongwa (papasimanile maupa gammakoyo).

Ayet: 27

وَقِيلَ مَنۡۜ رَاقٖ

Nikuŵechetedwa (yanti): “Ŵani ŵampaka aposye (chilwelechi)?”

Ayet: 28

وَظَنَّ أَنَّهُ ٱلۡفِرَاقُ

Nikumala mwakusimichisya (chilwelecho) kuti kwalakweku ni kulekangana (najo duniya).

Ayet: 29

وَٱلۡتَفَّتِ ٱلسَّاقُ بِٱلسَّاقِ

Mwanti lusonjo nikusajikana ni lusonjo (lujakwe ndema jakutyoka ntima).

Ayet: 30

إِلَىٰ رَبِّكَ يَوۡمَئِذٍ ٱلۡمَسَاقُ

Kwa Ambuje ŵenupe lyele lisikulyo ni kwakuwujila mwakuchinjidwa.

Ayet: 31

فَلَا صَدَّقَ وَلَا صَلَّىٰ

Mwanti (kafili) nganijukunda (chikulupi) soni (namuno swala) nganijuswali.

Ayet: 32

وَلَٰكِن كَذَّبَ وَتَوَلَّىٰ

Nambo jwakaaniile ni kunyosya.

Ayet: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Kaneka jwapite kwiŵasa lyakwe (juli nkwenda) mwakutwanga.

Ayet: 34

أَوۡلَىٰ لَكَ فَأَوۡلَىٰ

Chonasiko nichenu! Chonasiko chisyene!

Ayet: 35

ثُمَّ أَوۡلَىٰ لَكَ فَأَوۡلَىٰٓ

Soni chonasiko nichenu! Chonasiko chisyene!

Ayet: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ana jukuganichisya mundu yanti chijugambe kulechedwa wambape (ngapedwa malamusi soni ngaja kulipidwa)?

Ayet: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Ana nganijuŵa lindondwa lya ulume wakutajidwa (m’chiŵelechelo)?

Ayet: 38

ثُمَّ كَانَ عَلَقَةٗ فَخَلَقَ فَسَوَّىٰ

Kaneka jwaliji chipande cha myasi, niŵan'gumbile ni kunkolosya.

Ayet: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ni ŵagumbile kuumila mwalakwemo mitundu jiŵili (jaŵandu) jwannume ni jwankongwe.

Ayet: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ana Jwalakwe (Allah jwaŵapakombwele kutenda yele) nganaŵa jwanti ni kombola kwasyusya (ŵandu) ŵawe?