مەنالار تەرجىمىسى سۈرە شۇئەرا - قۇرئان كەرىم قىسقىچە تەپسىرىنىڭ فۇلانىچە تەرجىمىسى - بەت نومۇرى 370 - قۇرئان كەرىم ئىنىسكىلوپىدىيىسى

ئايەت: 61

فَلَمَّا تَرَٰٓءَا ٱلۡجَمۡعَانِ قَالَ أَصۡحَٰبُ مُوسَىٰٓ إِنَّا لَمُدۡرَكُونَ

Tuma nde Fir'awna e yimɓe mu'un ɓen fewtundirnoo e Muusaa e yimɓe mu'un, nokku ka wonnoo fedde kala no yi'ude ndeya, yimɓe Muusaa ɓen wi'i: "Pellet, Fir'awna e yimɓe mu'un ɓen ɓe hewtitoto en, en alaa dartantooɗo en ɓe".

ئايەت: 62

قَالَ كَلَّآۖ إِنَّ مَعِيَ رَبِّي سَيَهۡدِينِ

Muusaa maakani yimɓe makko ɓen: "Fiyaake ɗen wanaa no miijorton non. Pellet, Joomi am no wonndiri e am semmbinngol e wallugol, O fewnay lam O tinndina lam faade e laawol daɗugol".

ئايەت: 63

فَأَوۡحَيۡنَآ إِلَىٰ مُوسَىٰٓ أَنِ ٱضۡرِب بِّعَصَاكَ ٱلۡبَحۡرَۖ فَٱنفَلَقَ فَكَانَ كُلُّ فِرۡقٖ كَٱلطَّوۡدِ ٱلۡعَظِيمِ

Men Wahayini e Muusaa ko Men yamiray ɓe mo yo o piyir maayo ngon tuggordu makko ndun, o piyiri ngo ndu, maayo ngon seekii ngo wonti boli sappoo e ɗiɗi yeru limoore leƴƴi ɓiɗɓe Israa'iila ɓen, kala huntere e ceeki maayo ngon foti e fello mawngo ka tiiɗugol e ka tabitugol haa nokku ka ndiyam ilataa e majje.

ئايەت: 64

وَأَزۡلَفۡنَا ثَمَّ ٱلۡأٓخَرِينَ

Men ɓanni Firawna e yimɓe makko ɓen haa ɓe naati ka maayo ko ɓe sikkuɓe wonnde laawol ngol ko lummbu ngol.

ئايەت: 65

وَأَنجَيۡنَا مُوسَىٰ وَمَن مَّعَهُۥٓ أَجۡمَعِينَ

Men danndi Muusaa e ɓen wonnduɓe e makko immorde e ɓiɗɓe Israa'iila ɓen, hay gooto e maɓɓe halkanooka.

ئايەت: 66

ثُمَّ أَغۡرَقۡنَا ٱلۡأٓخَرِينَ

Refti Men halkiri Fir'awna e yimɓe makko ɓen yooleede ka maayo.

ئايەت: 67

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Pellet, no e seekanagol maayo ngon Muusaa e daɗugol makko e halkeede Fir'awana e yimɓe makko ɓen ɗum ko Aaya tinndinɗo e dow goongugol Muusaa. Ɓurɓe heewude e ɓen wonndunooɓe e Fir'awna ɓe wonaano gomɗinɓe.

ئايەت: 68

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Anndu Joomi maaɗa -an Nulaaɗo-ko Kanko woni tedduɗo Yoɓtotooɗo ayɓe Makko ɓen, Yurmeteeɗo on tuubuɗo e maɓɓe.

ئايەت: 69

وَٱتۡلُ عَلَيۡهِمۡ نَبَأَ إِبۡرَٰهِيمَ

Janngu e taweede maɓɓe -an Nulaaɗo- fillayee fii Ibraahiima.

ئايەت: 70

إِذۡ قَالَ لِأَبِيهِ وَقَوۡمِهِۦ مَا تَعۡبُدُونَ

Tuma nde o wi'annoo baaba makko Aajara e yimɓe mu'un ɓen: "Ko honɗum wonuɗon rewude gaanin Alla?"

ئايەت: 71

قَالُواْ نَعۡبُدُ أَصۡنَامٗا فَنَظَلُّ لَهَا عَٰكِفِينَ

Yimɓe makko ɓen wi'ani mo: "Ko sanamuuji men rewata, men ñalla ñiiɓude e rewugol ɗi, ko men jokkuɓe ɗi".

ئايەت: 72

قَالَ هَلۡ يَسۡمَعُونَكُمۡ إِذۡ تَدۡعُونَ

Ibraahiima maakani ɓe: "Yalli sanamuuji ɗin no nana noddaandu mo'on ndun tuma noddoton ɗi?"

ئايەت: 73

أَوۡ يَنفَعُونَكُمۡ أَوۡ يَضُرُّونَ

Kaa hiɗi nafa on si on ɗoftike ɗi, maaɗum ɗi lorra on si on yeddii ɗi?

ئايەت: 74

قَالُواْ بَلۡ وَجَدۡنَآ ءَابَآءَنَا كَذَٰلِكَ يَفۡعَلُونَ

Ɓe wi'i: "Ɗi nanantaa men dey si men noddii ɗi, ɗi nafataa men kadi si men ɗoftike ɗi, ɗi lorrataa men kadi si men yeddiiɗi. Ko woni, tigi-tigi on, menen men tawiino baabiraaɓe amen ɓen hiɓe gollira nii, meɗen ñentinnde ɓe".

ئايەت: 75

قَالَ أَفَرَءَيۡتُم مَّا كُنتُمۡ تَعۡبُدُونَ

Ibraahiima maaki: "Enee, on taskike on yi'ii ko wonuɗon e rewude gaanin Alla immorde e sanamuuji ɗin".

ئايەت: 76

أَنتُمۡ وَءَابَآؤُكُمُ ٱلۡأَقۡدَمُونَ

Kon ko baabiraaɓe mooɗon aranɓe ɓen laatinoo no rewa.

ئايەت: 77

فَإِنَّهُمۡ عَدُوّٞ لِّيٓ إِلَّا رَبَّ ٱلۡعَٰلَمِينَ

Pellet, kamɓe ɓe fow maɓɓe ko ɓe ayɓe am; sabu kamɓe ko ɓe meere si wanaa Alla Jooma tageefooji ɗin fow.

ئايەت: 78

ٱلَّذِي خَلَقَنِي فَهُوَ يَهۡدِينِ

On Taguɗo lam ko Kanko fewnata lam faade e moƴƴere aduna e Laakara.

ئايەت: 79

وَٱلَّذِي هُوَ يُطۡعِمُنِي وَيَسۡقِينِ

On ko Kanko tun ñamminta lam si mi weelaama, O yarna lam si mi ɗonɗaama.

ئايەت: 80

وَإِذَا مَرِضۡتُ فَهُوَ يَشۡفِينِ

Si mi nawnii ko Kanko tun woni sellinayɗo lam immorde e nawnaare nden, mi alaa sellinoowo ngoo tanaa makko.

ئايەت: 81

وَٱلَّذِي يُمِيتُنِي ثُمَّ يُحۡيِينِ

E On tawɗo ko Kanko tun warata lam si lajal am ngal timmii, O wurnita lam kadi ɓaawo mayde am nden.

ئايەت: 82

وَٱلَّذِيٓ أَطۡمَعُ أَن يَغۡفِرَ لِي خَطِيٓـَٔتِي يَوۡمَ ٱلدِّينِ

Ko Kanko tun mi jortii yawtanay lam goopi am ɗin Ñalnde njoɓdi ndin.

ئايەت: 83

رَبِّ هَبۡ لِي حُكۡمٗا وَأَلۡحِقۡنِي بِٱلصَّٰلِحِينَ

Ibraahiima noddi Joomi makko o maaki: Joomam okkam faamugol Diina kan, wattidaa mi e moƴƴuɓe ɓen immorde e Annabaaɓe adiiɓe lam ɓen, ɗum woni naadaa mi ka Aljanna wonndude e maɓɓe".

بۇ بەتتىكى ئايەتلەردىن ئېلىنغان مەزمۇنلار:

• الله مع عباده المؤمنين بالنصر والتأييد والإنجاء من الشدائد.

Alla hiMo wonndiri e jeyaaɓe Makko gomɗinɓe ɓen ballal e semmbinngol e ndanndugol immorde e caɗeele ɗen.

• ثبوت صفتي العزة والرحمة لله تعالى.

Tabitanngol Alla O Toowii Sifaaji ɗiɗi Teddungal ngal e Yurmeende nden.

• خطر التقليد الأعمى.

Nawaare munnagol ñemmba ngol.

• أمل المؤمن في ربه عظيم.

Yela gomɗinɗo on ka Joomi makko no mawni.