مەنالار تەرجىمىسى سۈرە شۇئەرا - قۇرئان كەرىم قىسقىچە تەپسىرىنىڭ فۇلانىچە تەرجىمىسى - بەت نومۇرى 374 - قۇرئان كەرىم ئىنىسكىلوپىدىيىسى

ئايەت: 160

كَذَّبَتۡ قَوۡمُ لُوطٍ ٱلۡمُرۡسَلِينَ

Yimɓe Luutu ɓen fenni Nulaaɓe ɓen, sabu fennugol maɓɓe Annabaajo maɓɓe on Luutu (yo o his).

ئايەت: 161

إِذۡ قَالَ لَهُمۡ أَخُوهُمۡ لُوطٌ أَلَا تَتَّقُونَ

Tuma nde Luutu wi'annoo ɓe: Enee, on hulataa Alla, acciron sirkangol Mo sabu kulol Makko?!

ئايەت: 162

إِنِّي لَكُمۡ رَسُولٌ أَمِينٞ

Min, ko mi Nulaaɗo mooɗon, Alla Nulii lam e mooɗon, ko mi hoolaaɗo e nder ko mi yottinanta Mo kon, mi ɓeydataa e dow mu'un mi uytataa kadi.

ئايەت: 163

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamirta on kon, e ko mi haɗata on kon e muuɗum.

ئايەت: 164

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

Mi ɗaɓɓiraali on njoɓdi fii ko mi yottinanta Joomi am kon e mooɗon, njoɓdi am ndin fawaaki si wanaa Alla Jooma tageefooji ɗin wanaa e tanaa Makko.

ئايەت: 165

أَتَأۡتُونَ ٱلذُّكۡرَانَ مِنَ ٱلۡعَٰلَمِينَ

Enee, on aray worɓe ɓen immorde e yimɓe ɓen ka duburiiji maɓɓe?!

ئايەت: 166

وَتَذَرُونَ مَا خَلَقَ لَكُمۡ رَبُّكُم مِّنۡ أَزۡوَٰجِكُمۚ بَلۡ أَنتُمۡ قَوۡمٌ عَادُونَ

Accon arugol e kon ko Alla tagiri fii yo on huntude tuuyaaji mooɗon e mu'un immorde e farjuuji sonnaaɓe mooɗon?! Ko woni, onon ko on yawtirɓe keeri Alla ɗin ndee ɓoylaare añaande.

ئايەت: 167

قَالُواْ لَئِن لَّمۡ تَنتَهِ يَٰلُوطُ لَتَكُونَنَّ مِنَ ٱلۡمُخۡرَجِينَ

Yimɓe makko ɓen wi'ani mo: Men woodii si a accaali an Luutu haɗugol men e ngaal gollal e añidugol men e maggal, ma a wonu sanne an e ɓen wonnduɓe e maaɗa jayaaɓe e yaltinteeɓe ɓen ka saare amen.

ئايەت: 168

قَالَ إِنِّي لِعَمَلِكُم مِّنَ ٱلۡقَالِينَ

Luutu maakani ɓe: Min dey, miɗo jeyaa e añuɓe ɓen konnii ɗee golle mooɗon ɗe wonuɗon e gollude ɗum.

ئايەت: 169

رَبِّ نَجِّنِي وَأَهۡلِي مِمَّا يَعۡمَلُونَ

O noddi Joomi makko, o maaki: Jooma, danndam, danndaa ɓeynguure am ndin kadi kon ko saatii heɓude ɓee immorde e Lepte ɗen sabu bonɗi ɗi ɓe gollata ɗin.

ئايەت: 170

فَنَجَّيۡنَٰهُ وَأَهۡلَهُۥٓ أَجۡمَعِينَ

Men jaabini du'aa makko on, Men danndi mo kanko e ɓeynguure makko nden ɓe fow maɓɓe.

ئايەت: 171

إِلَّا عَجُوزٗا فِي ٱلۡغَٰبِرِينَ

Si wanaa debbo makko on, on ɗon gomɗii o wonii geddo, o woni jeyaaɗo e yahuɓe halkaaɓe ɓen.

ئايەت: 172

ثُمَّ دَمَّرۡنَا ٱلۡأٓخَرِينَ

Refti ɓaawo yaltugol Luutu e ɓeynguure makko nden ka saare (Saduuma) Men halki yimɓe makko heddiiɓe ɓen ɓaawo makko ko ɓuri saɗtude halkugol.

ئايەت: 173

وَأَمۡطَرۡنَا عَلَيۡهِم مَّطَرٗاۖ فَسَآءَ مَطَرُ ٱلۡمُنذَرِينَ

Men saaƴini e dow maɓɓe kaaƴe immorde ka kammu yeru saaƴinngol toɓo, bonii toɓo ɓee ɓe Luutu wonunoo jertinnde, o rentina ɓe kadi immorde e Lepte Alla si ɓe jokkii ko ɓe woni kon e muuɗum immorde e waɗɗitagol bonɗi ɗin.

ئايەت: 174

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Pellet, wonii e koo ko jaŋtaa ɗoo immorde e Lepte jippiiɗe ɗen e yimɓe Luutu (yo o his), sabu waɗugol maɓɓe pankare ɗen, ko tasakuyee wonannde taskotooɓe ɓen, ɓurɓe heewude e maɓɓe wonaali gomɗinɓe.

ئايەت: 175

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Pellet, Joomi maaɗa -an Nulaaɗo- ko Kanko woni tedduɗo Yoɓtotooɗo ayɓe Makko ɓen, Yurmeteeɗo on tuubuɗo immorde e jeyaaɓe Makko ɓen.

ئايەت: 176

كَذَّبَ أَصۡحَٰبُ لۡـَٔيۡكَةِ ٱلۡمُرۡسَلِينَ

Yimɓe saare joomiraare leɗɗe sukkuɗe nden takko madyana, ɓen fenniino Nulaaɓe ɓen, tuma nde ɓe fennunoo Annabaajo maɓɓe on Su'aybu (yo o his).

ئايەت: 177

إِذۡ قَالَ لَهُمۡ شُعَيۡبٌ أَلَا تَتَّقُونَ

Tuma nde Su'aybu Annabaajo maɓɓe on wi'annoo ɓe: Enee, on hulataa Alla, acciron sirkangol Mo sabu kulol Makko?!

ئايەت: 178

إِنِّي لَكُمۡ رَسُولٌ أَمِينٞ

Min, ko mi Nulaaɗo mooɗon, Alla Nulii lam e mooɗon, ko mi hoolaaɗo e nder ko mi yottinanta Mo kon, mi ɓeydataa e dow ko O Yamiri lam kon yottinngol ɗum mi uytataa kadi.

ئايەت: 179

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamiri on kon, e ko mi haɗi on kon e muuɗum.

ئايەت: 180

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

Mi ɗaɓɓiraali on njoɓdi fii ko mi yottinanta Joomi am kon e mooɗon, njoɓdi am ndin fawaaki si wanaa Alla Jooma tageefooji ɗin wanaa e tanaa Makko.

ئايەت: 181

۞ أَوۡفُواْ ٱلۡكَيۡلَ وَلَا تَكُونُواْ مِنَ ٱلۡمُخۡسِرِينَ

Timminanee yimɓe ɓen ɓetu ngun tuma nde yeeyoton ɓe, wata on wonu jeyaaɓe e ɓen ustooɓe ɓetu ngun si hiɓe yeeyude yimɓe ɓen.

ئايەت: 182

وَزِنُواْ بِٱلۡقِسۡطَاسِ ٱلۡمُسۡتَقِيمِ

Manndikiree si hiɗon manndikannde tanaa mooɗon manndikirɗe feewuɗe ɗen.

ئايەت: 183

وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Wata on ustan yimɓe ɓen hakkeeji maɓɓe ɗin, wata on hebbinir bone ɗen ka leydi waɗɗitagol geddi ɗin.

بۇ بەتتىكى ئايەتلەردىن ئېلىنغان مەزمۇنلار:

• اللواط شذوذ عن الفطرة ومنكر عظيم.

Luutiyaaku ngun ko seluɗum fitra on ko bone mawɗo kadi.

• من الابتلاء للداعية أن يكون أهل بيته من أصحاب الكفر أو المعاصي.

No jeyaa e jarrabuyeeji heɓayɗi noddoowo on, nde wonata yimɓe suudu makko ndun ko jeyaaɓe e yimɓe keefeeru ngun maaɗum geddi ɗin.

• العلاقات الأرضية ما لم يصحبها الإيمان، لا تنفع صاحبها إذا نزل العذاب.

Gollondire ɗen ka leydi si tawii ɗe wonndaa e gominal ngal, ɗe nafataa jom majje si Lepte ɗen jippike.

• وجوب وفاء الكيل وحرمة التَّطْفِيف.

Waɗɗagol humnugol ɓetu ngun e harmugol ustugol ngol.