අර්ථ කථනය පරිච්ඡේදය අෂ් ෂුඅරාඋ - ශුද්ධ වූ අල්කුර්ආන් අර්ථ විිවරණයේ සංෂිප්ත අනුවාදය - ෆුලානි පරිවර්තනය - පිටු අංක 374 - පාරිශුද්ධ අල් කුර්ආනයේ විශ්ව කෝෂය

වාක්‍යය: 160

كَذَّبَتۡ قَوۡمُ لُوطٍ ٱلۡمُرۡسَلِينَ

Yimɓe Luutu ɓen fenni Nulaaɓe ɓen, sabu fennugol maɓɓe Annabaajo maɓɓe on Luutu (yo o his).

වාක්‍යය: 161

إِذۡ قَالَ لَهُمۡ أَخُوهُمۡ لُوطٌ أَلَا تَتَّقُونَ

Tuma nde Luutu wi'annoo ɓe: Enee, on hulataa Alla, acciron sirkangol Mo sabu kulol Makko?!

වාක්‍යය: 162

إِنِّي لَكُمۡ رَسُولٌ أَمِينٞ

Min, ko mi Nulaaɗo mooɗon, Alla Nulii lam e mooɗon, ko mi hoolaaɗo e nder ko mi yottinanta Mo kon, mi ɓeydataa e dow mu'un mi uytataa kadi.

වාක්‍යය: 163

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamirta on kon, e ko mi haɗata on kon e muuɗum.

වාක්‍යය: 164

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

Mi ɗaɓɓiraali on njoɓdi fii ko mi yottinanta Joomi am kon e mooɗon, njoɓdi am ndin fawaaki si wanaa Alla Jooma tageefooji ɗin wanaa e tanaa Makko.

වාක්‍යය: 165

أَتَأۡتُونَ ٱلذُّكۡرَانَ مِنَ ٱلۡعَٰلَمِينَ

Enee, on aray worɓe ɓen immorde e yimɓe ɓen ka duburiiji maɓɓe?!

වාක්‍යය: 166

وَتَذَرُونَ مَا خَلَقَ لَكُمۡ رَبُّكُم مِّنۡ أَزۡوَٰجِكُمۚ بَلۡ أَنتُمۡ قَوۡمٌ عَادُونَ

Accon arugol e kon ko Alla tagiri fii yo on huntude tuuyaaji mooɗon e mu'un immorde e farjuuji sonnaaɓe mooɗon?! Ko woni, onon ko on yawtirɓe keeri Alla ɗin ndee ɓoylaare añaande.

වාක්‍යය: 167

قَالُواْ لَئِن لَّمۡ تَنتَهِ يَٰلُوطُ لَتَكُونَنَّ مِنَ ٱلۡمُخۡرَجِينَ

Yimɓe makko ɓen wi'ani mo: Men woodii si a accaali an Luutu haɗugol men e ngaal gollal e añidugol men e maggal, ma a wonu sanne an e ɓen wonnduɓe e maaɗa jayaaɓe e yaltinteeɓe ɓen ka saare amen.

වාක්‍යය: 168

قَالَ إِنِّي لِعَمَلِكُم مِّنَ ٱلۡقَالِينَ

Luutu maakani ɓe: Min dey, miɗo jeyaa e añuɓe ɓen konnii ɗee golle mooɗon ɗe wonuɗon e gollude ɗum.

වාක්‍යය: 169

رَبِّ نَجِّنِي وَأَهۡلِي مِمَّا يَعۡمَلُونَ

O noddi Joomi makko, o maaki: Jooma, danndam, danndaa ɓeynguure am ndin kadi kon ko saatii heɓude ɓee immorde e Lepte ɗen sabu bonɗi ɗi ɓe gollata ɗin.

වාක්‍යය: 170

فَنَجَّيۡنَٰهُ وَأَهۡلَهُۥٓ أَجۡمَعِينَ

Men jaabini du'aa makko on, Men danndi mo kanko e ɓeynguure makko nden ɓe fow maɓɓe.

වාක්‍යය: 171

إِلَّا عَجُوزٗا فِي ٱلۡغَٰبِرِينَ

Si wanaa debbo makko on, on ɗon gomɗii o wonii geddo, o woni jeyaaɗo e yahuɓe halkaaɓe ɓen.

වාක්‍යය: 172

ثُمَّ دَمَّرۡنَا ٱلۡأٓخَرِينَ

Refti ɓaawo yaltugol Luutu e ɓeynguure makko nden ka saare (Saduuma) Men halki yimɓe makko heddiiɓe ɓen ɓaawo makko ko ɓuri saɗtude halkugol.

වාක්‍යය: 173

وَأَمۡطَرۡنَا عَلَيۡهِم مَّطَرٗاۖ فَسَآءَ مَطَرُ ٱلۡمُنذَرِينَ

Men saaƴini e dow maɓɓe kaaƴe immorde ka kammu yeru saaƴinngol toɓo, bonii toɓo ɓee ɓe Luutu wonunoo jertinnde, o rentina ɓe kadi immorde e Lepte Alla si ɓe jokkii ko ɓe woni kon e muuɗum immorde e waɗɗitagol bonɗi ɗin.

වාක්‍යය: 174

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Pellet, wonii e koo ko jaŋtaa ɗoo immorde e Lepte jippiiɗe ɗen e yimɓe Luutu (yo o his), sabu waɗugol maɓɓe pankare ɗen, ko tasakuyee wonannde taskotooɓe ɓen, ɓurɓe heewude e maɓɓe wonaali gomɗinɓe.

වාක්‍යය: 175

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Pellet, Joomi maaɗa -an Nulaaɗo- ko Kanko woni tedduɗo Yoɓtotooɗo ayɓe Makko ɓen, Yurmeteeɗo on tuubuɗo immorde e jeyaaɓe Makko ɓen.

වාක්‍යය: 176

كَذَّبَ أَصۡحَٰبُ لۡـَٔيۡكَةِ ٱلۡمُرۡسَلِينَ

Yimɓe saare joomiraare leɗɗe sukkuɗe nden takko madyana, ɓen fenniino Nulaaɓe ɓen, tuma nde ɓe fennunoo Annabaajo maɓɓe on Su'aybu (yo o his).

වාක්‍යය: 177

إِذۡ قَالَ لَهُمۡ شُعَيۡبٌ أَلَا تَتَّقُونَ

Tuma nde Su'aybu Annabaajo maɓɓe on wi'annoo ɓe: Enee, on hulataa Alla, acciron sirkangol Mo sabu kulol Makko?!

වාක්‍යය: 178

إِنِّي لَكُمۡ رَسُولٌ أَمِينٞ

Min, ko mi Nulaaɗo mooɗon, Alla Nulii lam e mooɗon, ko mi hoolaaɗo e nder ko mi yottinanta Mo kon, mi ɓeydataa e dow ko O Yamiri lam kon yottinngol ɗum mi uytataa kadi.

වාක්‍යය: 179

فَٱتَّقُواْ ٱللَّهَ وَأَطِيعُونِ

Huliree Alla ɗoftagol Yamiraaɗi Makko ɗin e woɗɗitagol haɗaani Makko ɗin, ɗoftee lam e ko mi yamiri on kon, e ko mi haɗi on kon e muuɗum.

වාක්‍යය: 180

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

Mi ɗaɓɓiraali on njoɓdi fii ko mi yottinanta Joomi am kon e mooɗon, njoɓdi am ndin fawaaki si wanaa Alla Jooma tageefooji ɗin wanaa e tanaa Makko.

වාක්‍යය: 181

۞ أَوۡفُواْ ٱلۡكَيۡلَ وَلَا تَكُونُواْ مِنَ ٱلۡمُخۡسِرِينَ

Timminanee yimɓe ɓen ɓetu ngun tuma nde yeeyoton ɓe, wata on wonu jeyaaɓe e ɓen ustooɓe ɓetu ngun si hiɓe yeeyude yimɓe ɓen.

වාක්‍යය: 182

وَزِنُواْ بِٱلۡقِسۡطَاسِ ٱلۡمُسۡتَقِيمِ

Manndikiree si hiɗon manndikannde tanaa mooɗon manndikirɗe feewuɗe ɗen.

වාක්‍යය: 183

وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Wata on ustan yimɓe ɓen hakkeeji maɓɓe ɗin, wata on hebbinir bone ɗen ka leydi waɗɗitagol geddi ɗin.

මෙ⁣ම පිටුවේ තිබෙන වැකිවල ප්‍රයෝජන:

• اللواط شذوذ عن الفطرة ومنكر عظيم.

Luutiyaaku ngun ko seluɗum fitra on ko bone mawɗo kadi.

• من الابتلاء للداعية أن يكون أهل بيته من أصحاب الكفر أو المعاصي.

No jeyaa e jarrabuyeeji heɓayɗi noddoowo on, nde wonata yimɓe suudu makko ndun ko jeyaaɓe e yimɓe keefeeru ngun maaɗum geddi ɗin.

• العلاقات الأرضية ما لم يصحبها الإيمان، لا تنفع صاحبها إذا نزل العذاب.

Gollondire ɗen ka leydi si tawii ɗe wonndaa e gominal ngal, ɗe nafataa jom majje si Lepte ɗen jippike.

• وجوب وفاء الكيل وحرمة التَّطْفِيف.

Waɗɗagol humnugol ɓetu ngun e harmugol ustugol ngol.