مەنالار تەرجىمىسى سۈرە سۈرە ئىنپىتار - الترجمة السواحلية - علي محسن البرواني - قۇرئان كەرىم ئىنىسكىلوپىدىيىسى

Surat Al-Infitar

ئايەت: 1

إِذَا ٱلسَّمَآءُ ٱنفَطَرَتۡ

Mbingu itapo chanika!

Itakapo pasuka mbingu,

ئايەت: 2

وَإِذَا ٱلۡكَوَاكِبُ ٱنتَثَرَتۡ

Na nyota zitapo tawanyika!

Na nyota zitakapo pukutika na kutawanyika,

ئايەت: 3

وَإِذَا ٱلۡبِحَارُ فُجِّرَتۡ

Na bahari zitakapo pasuliwa!

Na bahari zikafurika na kuingiliana kwa kuondoka viziwizi baina yao,

ئايەت: 4

وَإِذَا ٱلۡقُبُورُ بُعۡثِرَتۡ

Na makaburi yatapo fukuliwa!

Na makaburi yakafunuliwa na wakatoka maiti walio kuwamo,

ئايەت: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Hapo kila nafsi itajua ilicho tanguliza, na ilicho bakisha nyuma.

Hapo basi kila nafsi itajua nini kheri au shari iliyo tanguliza na iliyo chelewesha.

ئايەت: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ewe mwanaadamu! Nini kilicho kughuri ukamwacha Mola wako Mlezi Mtukufu?

Ewe mwanaadamu! Kitu gani kilicho kukhadaa wewe na Mola wako Mlezi Mtukufu hata ukafanya jeuri ya kwenda kumuasi? (Ni dhaahiri kuwa Sayyid Abdulla bin Ali bin Nassir aliye tunga utenzi wa Kiswahili maarufu uitwao Al Inkishaf aliiwaza Aya hii alipo tunga ubeti huu: Moyo wangu nini huzundukani Likughurielo hela ni nni? Hunelezi nami kalibaini Liwapo na sura nisikataye )

ئايەت: 7

ٱلَّذِي خَلَقَكَ فَسَوَّىٰكَ فَعَدَلَكَ

Aliye kuumba, akakuweka sawa, akakunyoosha!

Mungu wako huyo ndiye aliye kuumba nawe hukuwa chochote, akakuumba na viungo vya kukuletea manufaa, akakufanya umenyooka kwa umbo sawa sawa.

ئايەت: 8

فِيٓ أَيِّ صُورَةٖ مَّا شَآءَ رَكَّبَكَ

Katika sura yoyote aliyo ipenda akakujenga.

Akakujenga na akakuleta katika sura yoyote aliyo itaka.

ئايەت: 9

كَلَّا بَلۡ تُكَذِّبُونَ بِٱلدِّينِ

Sivyo hivyo! Bali nyinyi mnaikanusha Siku ya Malipo.

Hamwachi? Bali nyinyi mnakadhibisha malipo ya Siku ya Kiyama!

ئايەت: 10

وَإِنَّ عَلَيۡكُمۡ لَحَٰفِظِينَ

Na hakika bila ya shaka wapo walinzi juu yenu,

Na hakika wapo juu yenu Malaika walinzi, ambao ni waheshimiwa kwetu,

ئايەت: 11

كِرَامٗا كَٰتِبِينَ

Waandishi wenye hishima,

Wanasajili vitendo vyenu vyote mvitendavyo, vya kheri na shari.

ئايەت: 12

يَعۡلَمُونَ مَا تَفۡعَلُونَ

Wanayajua mnayo yatenda.

Wanayajua mnayo yafanya ya kheri na ya shari

ئايەت: 13

إِنَّ ٱلۡأَبۡرَارَ لَفِي نَعِيمٖ

Hakika wema bila ya shaka watakuwa katika neema,

Hakika wale walio ni wa kweli katika Imani yao wapo katika neema kubwa.

ئايەت: 14

وَإِنَّ ٱلۡفُجَّارَ لَفِي جَحِيمٖ

Na hakika waovu bila ya shaka watakuwa Motoni;

Na hakika walio iacha amri ya Mwenyezi bila ya shaka watakuwa katika Moto unao unguza,

ئايەت: 15

يَصۡلَوۡنَهَا يَوۡمَ ٱلدِّينِ

Wataingia humo Siku ya Malipo.

Wataingia humo Siku ya Malipo.

ئايەت: 16

وَمَا هُمۡ عَنۡهَا بِغَآئِبِينَ

Na hawatoacha kuwamo humo.

Na wala hawatatoka katika Jahannamu!

ئايەت: 17

وَمَآ أَدۡرَىٰكَ مَا يَوۡمُ ٱلدِّينِ

Na nini kitakacho kujuulisha Siku ya Malipo ni siku gani?

Na nini kitakujuvya ni nini hiyo Siku ya Malipo, na mambo yake yamepindukia ujuzi wako na fikra zako?

ئايەت: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Tena nini kitakacho kujuulisha Siku ya Malipo ni siku gani?

Tena ni nini kitacho kujuvya ni nini hiyo Siku ya Malipo kwa vitisho vyake na shida zake?

ئايەت: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Siku ambayo nafsi haitakuwa na madaraka yoyote juu ya nafsi; na amri yote siku hiyo ni ya Mwenyezi Mungu tu.

Siku ambayo nafsi haitakuwa na mamlaka yoyote juu ya nafsi ya kuifaa au kuidhuru; na amri yote siku hiyo itakuwa ni ya Mwenyezi Mungu peke yake!