مەنالار تەرجىمىسى سۈرە سۈرە تارىق - ئۇيغۇرچە تەرجىمىسى - قۇرئان كەرىم ئىنىسكىلوپىدىيىسى

سۈرە تارىق

ئايەت: 1

وَٱلسَّمَآءِ وَٱلطَّارِقِ

ئاسمان بىلەن، تارىق (يەنى كېچىدە ئاشكارا بولغۇچى يۇلتۇز) بىلەن قەسەم قىلىمەن^[1].

ئايەت: 2

وَمَآ أَدۡرَىٰكَ مَا ٱلطَّارِقُ

تارىقنىڭ نېمىلىكىنى بىلەمسەن؟^[2]

ئايەت: 3

ٱلنَّجۡمُ ٱلثَّاقِبُ

ئۇ يورۇق يۇلتۇزدۇر^[3].

ئايەت: 4

إِن كُلُّ نَفۡسٖ لَّمَّا عَلَيۡهَا حَافِظٞ

ھەر بىر ئادەم بىلەن (شۇ ئادەمنى) ساقلىغۇچى (پەرىشتە) بار^[4].

ئايەت: 5

فَلۡيَنظُرِ ٱلۡإِنسَٰنُ مِمَّ خُلِقَ

ئىنسان نېمىدىن يارىتىلغانلىقىغا قارىسۇن^[5].

ئايەت: 6

خُلِقَ مِن مَّآءٖ دَافِقٖ

ئۇ ئېتىلىپ چىققۇچى مەنىدىن يارىتىلدى^[6].

ئايەت: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

ئۇ مەنى ئۇمۇرتقا بىلەن قوۋۇرغا سۆڭىكىنىڭ ئارىسىدىن چىقىدۇ^[7].

ئايەت: 8

إِنَّهُۥ عَلَىٰ رَجۡعِهِۦ لَقَادِرٞ

شەك ـ شۈبھىسىزكى، ئاللاھ ئۇنى ئەسلىگە كەلتۈرۈشكە (يەنى تىرىلدۈرۈشكە) قادىردۇر^[8].

ئايەت: 9

يَوۡمَ تُبۡلَى ٱلسَّرَآئِرُ

سىرلار ئاشكارا قىلىنىدىغان كۈندە (يەنى قىيامەتتە)^[9]،

ئايەت: 10

فَمَا لَهُۥ مِن قُوَّةٖ وَلَا نَاصِرٖ

ئۇنىڭدىن (يەنى ئىنساندىن) (ئازابنى دەپئى قىلىدىغان) ھېچ كۈچ ۋە ياردەمچى يوقتۇر^[10].

ئايەت: 11

وَٱلسَّمَآءِ ذَاتِ ٱلرَّجۡعِ

يامغۇرلۇق بۇلۇت بىلەن قەسەمكى^[11]،

ئايەت: 12

وَٱلۡأَرۡضِ ذَاتِ ٱلصَّدۡعِ

يېرىلىپ (گىياھلارنى ئۈندۈرۈپ بېرىدىغان) زېمىن بىلەن قەسەمكى^[12]،

ئايەت: 13

إِنَّهُۥ لَقَوۡلٞ فَصۡلٞ

قۇرئان شەك ـ شۈبھىسىز (ھەق بىلەن باتىلنى ئايرىغۇچى) سۆزدۇر^[13]،

ئايەت: 14

وَمَا هُوَ بِٱلۡهَزۡلِ

ئۇ چاقچاق ئەمەستۇر^[14].

ئايەت: 15

إِنَّهُمۡ يَكِيدُونَ كَيۡدٗا

ئۇلار (يەنى مۇشرىكلار) (قۇرئاننى يوققا چىقىرىش ئۈچۈن) ھەقىقەتەن ھىيلە ـ مىكىر ئىشلىتىدۇ^[15].

ئايەت: 16

وَأَكِيدُ كَيۡدٗا

مەن ئۇلارنىڭ ھىيلە ـ مىكرىگە تاقابىل تۇرىمەن^[16].

ئايەت: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

(ئى مۇھەممەد!) كاپىرلارنىڭ ھالاك بولۇشىغا ئالدىرىمىغىن، ئۇلارغا ئازراق مۆھلەت بەرگىن (ئۇزاققا قالماي ئۇلارغا قانداق قىلغانلىقىمنى كۆرىسەن)^[17].