Traduction des sens Sourate AT-TÂRIQ - الترجمة الأويغورية - الشيخ محمد صالح - Encyclopédie du Noble Coran

سۈرە تارىق

Verset: 1

وَٱلسَّمَآءِ وَٱلطَّارِقِ

ئاسمان بىلەن، تارىق (يەنى كېچىدە ئاشكارا بولغۇچى يۇلتۇز) بىلەن قەسەم قىلىمەن^[1].

Verset: 2

وَمَآ أَدۡرَىٰكَ مَا ٱلطَّارِقُ

تارىقنىڭ نېمىلىكىنى بىلەمسەن؟^[2]

Verset: 3

ٱلنَّجۡمُ ٱلثَّاقِبُ

ئۇ يورۇق يۇلتۇزدۇر^[3].

Verset: 4

إِن كُلُّ نَفۡسٖ لَّمَّا عَلَيۡهَا حَافِظٞ

ھەر بىر ئادەم بىلەن (شۇ ئادەمنى) ساقلىغۇچى (پەرىشتە) بار^[4].

Verset: 5

فَلۡيَنظُرِ ٱلۡإِنسَٰنُ مِمَّ خُلِقَ

ئىنسان نېمىدىن يارىتىلغانلىقىغا قارىسۇن^[5].

Verset: 6

خُلِقَ مِن مَّآءٖ دَافِقٖ

ئۇ ئېتىلىپ چىققۇچى مەنىدىن يارىتىلدى^[6].

Verset: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

ئۇ مەنى ئۇمۇرتقا بىلەن قوۋۇرغا سۆڭىكىنىڭ ئارىسىدىن چىقىدۇ^[7].

Verset: 8

إِنَّهُۥ عَلَىٰ رَجۡعِهِۦ لَقَادِرٞ

شەك ـ شۈبھىسىزكى، ئاللاھ ئۇنى ئەسلىگە كەلتۈرۈشكە (يەنى تىرىلدۈرۈشكە) قادىردۇر^[8].

Verset: 9

يَوۡمَ تُبۡلَى ٱلسَّرَآئِرُ

سىرلار ئاشكارا قىلىنىدىغان كۈندە (يەنى قىيامەتتە)^[9]،

Verset: 10

فَمَا لَهُۥ مِن قُوَّةٖ وَلَا نَاصِرٖ

ئۇنىڭدىن (يەنى ئىنساندىن) (ئازابنى دەپئى قىلىدىغان) ھېچ كۈچ ۋە ياردەمچى يوقتۇر^[10].

Verset: 11

وَٱلسَّمَآءِ ذَاتِ ٱلرَّجۡعِ

يامغۇرلۇق بۇلۇت بىلەن قەسەمكى^[11]،

Verset: 12

وَٱلۡأَرۡضِ ذَاتِ ٱلصَّدۡعِ

يېرىلىپ (گىياھلارنى ئۈندۈرۈپ بېرىدىغان) زېمىن بىلەن قەسەمكى^[12]،

Verset: 13

إِنَّهُۥ لَقَوۡلٞ فَصۡلٞ

قۇرئان شەك ـ شۈبھىسىز (ھەق بىلەن باتىلنى ئايرىغۇچى) سۆزدۇر^[13]،

Verset: 14

وَمَا هُوَ بِٱلۡهَزۡلِ

ئۇ چاقچاق ئەمەستۇر^[14].

Verset: 15

إِنَّهُمۡ يَكِيدُونَ كَيۡدٗا

ئۇلار (يەنى مۇشرىكلار) (قۇرئاننى يوققا چىقىرىش ئۈچۈن) ھەقىقەتەن ھىيلە ـ مىكىر ئىشلىتىدۇ^[15].

Verset: 16

وَأَكِيدُ كَيۡدٗا

مەن ئۇلارنىڭ ھىيلە ـ مىكرىگە تاقابىل تۇرىمەن^[16].

Verset: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

(ئى مۇھەممەد!) كاپىرلارنىڭ ھالاك بولۇشىغا ئالدىرىمىغىن، ئۇلارغا ئازراق مۆھلەت بەرگىن (ئۇزاققا قالماي ئۇلارغا قانداق قىلغانلىقىمنى كۆرىسەن)^[17].