مەنالار تەرجىمىسى سۈرە تەكۋىر - قۇرئان كەرىم قىسقىچە تەپسىرىنىڭ ئۆزبەكچە تەرجىمىسى - بەت نومۇرى 586 - قۇرئان كەرىم ئىنىسكىلوپىدىيىسى

Таквир

سۈرىنىڭ مەقسەتلىرىدىن:

كمال القرآن في تذكير الأنفس باختلال الكون عند البعث.

Қуръон қалбларга қайта тирилиш онида борлиқнинг аралашиб кетишини эслатишда баркамолдир.

---

ئايەت: 1

إِذَا ٱلشَّمۡسُ كُوِّرَتۡ

Қуёшнинг таркибидаги барча моддалар бир жойга тўпланиб, ўзи нурсизланиб қолганида;

ئايەت: 2

وَإِذَا ٱلنُّجُومُ ٱنكَدَرَتۡ

Юлдузлар тўкилиб, зиёси ўчиб қолганида;

ئايەت: 3

وَإِذَا ٱلۡجِبَالُ سُيِّرَتۡ

Тоғлар жойидан силжитилганида;

ئايەت: 4

وَإِذَا ٱلۡعِشَارُ عُطِّلَتۡ

Арабларнинг энг яхши кўрган, фахрланадиган нарсалари бўлган бўғоз туялар эътиборсиз, бекор ташлаб қўйилганда.

ئايەت: 5

وَإِذَا ٱلۡوُحُوشُ حُشِرَتۡ

Ваҳший ҳайвонлару одамлар битта жойга йиғилганларида;

ئايەت: 6

وَإِذَا ٱلۡبِحَارُ سُجِّرَتۡ

Денгизлар ёниб, оловга айланганида;

ئايەت: 7

وَإِذَا ٱلنُّفُوسُ زُوِّجَتۡ

Жонлар ўз тенгини топиб, ёмон ёмон билан, яхши яхши билан бир бўлганида.

ئايەت: 8

وَإِذَا ٱلۡمَوۡءُۥدَةُ سُئِلَتۡ

Тириклай кўмилган қизчадан Аллоҳ сўраганида;

ئايەت: 9

بِأَيِّ ذَنۢبٖ قُتِلَتۡ

Қотил сени қайси жиноятинг учун ўлдирди, деб;

ئايەت: 10

وَإِذَا ٱلصُّحُفُ نُشِرَتۡ

Бандаларнинг номаи аъмоллари очилиб, ҳамма ўз қилмишларини ўқий бошлаганида;

ئايەت: 11

وَإِذَا ٱلسَّمَآءُ كُشِطَتۡ

Қўйнинг териси шилиб олинганидек осмон шилиб олинганида;

ئايەت: 12

وَإِذَا ٱلۡجَحِيمُ سُعِّرَتۡ

Дўзах қиздирилганида;

ئايەت: 13

وَإِذَا ٱلۡجَنَّةُ أُزۡلِفَتۡ

Жаннат тақводорларга яқинлаштирилганида;

ئايەت: 14

عَلِمَتۡ نَفۡسٞ مَّآ أَحۡضَرَتۡ

Мана шу ишлар содир бўлганида ҳар бир жон шу кун учун нима тайёрлаб келганини билади.

ئايەت: 15

فَلَآ أُقۡسِمُ بِٱلۡخُنَّسِ

Аллоҳ тунда чиқишидан олдин кундузи беркиниб турувчи юлдузларга қасам ичди.

ئايەت: 16

ٱلۡجَوَارِ ٱلۡكُنَّسِ

Худди уясига кириб кетадиган кийиклардек, тонг отгач, кўздан ғойиб бўлади ва самоларда юради.

ئايەت: 17

وَٱلَّيۡلِ إِذَا عَسۡعَسَ

Аллоҳ келиб-кетувчи кечанинг кириб келаётган ва чиқиб бораётган пайтига қасам ичди.

ئايەت: 18

وَٱلصُّبۡحِ إِذَا تَنَفَّسَ

Нур сочаётган тонгга қасам ичди.

ئايەت: 19

إِنَّهُۥ لَقَوۡلُ رَسُولٖ كَرِيمٖ

Муҳаммад соллаллоҳу алайҳи васалламга нозил бўлган Қуръони Карим, шак-шубҳасиз, Аллоҳнинг каломидир. Уни Аллоҳ омонат қилиб топширган ишончли фариштаси Жаброил алайҳиссалом олиб келган.

ئايەت: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Жаброил алайҳиссалом Арш соҳиби Аллоҳ наздида мартабаси улуғ ва қудратли фариштадир.

ئايەت: 21

مُّطَاعٖ ثَمَّ أَمِينٖ

Само аҳли унинг амрида бўлиб, унга ваҳийни етказиш вазифаси ишониб топширилгандир.

ئايەت: 22

وَمَا صَاحِبُكُم بِمَجۡنُونٖ

Муҳаммад алайҳиссалом сизлар ўйлагандек мажнун эмас. Даъвойингиз ғирт бўҳтон. Унинг ақли-ҳуши жойида эканини, ўзи омонатдор ва ростгўй эканини жуда яхши биласизлар.

ئايەت: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Дарҳақиқат, соҳибингиз Жаброилни очиқ само уфқида асл суратида кўрди.

ئايەت: 24

وَمَا هُوَ عَلَى ٱلۡغَيۡبِ بِضَنِينٖ

Соҳибингиз сизларга етказиши керак бўлган ваҳийни етказишни қизғанадиган бахил эмасдир ва фолбинлар сингари ҳақ ҳам олмайди.

ئايەت: 25

وَمَا هُوَ بِقَوۡلِ شَيۡطَٰنٖ رَّجِيمٖ

Бу Қуръон Аллоҳнинг раҳматидан қувилган шайтоннинг сўзи ҳам эмасдир.

ئايەت: 26

فَأَيۡنَ تَذۡهَبُونَ

Мана шунча далил-ҳужжатлардан кейин ҳам Қуръони Каримнинг Аллоҳ тарафидан эканини инкор қилиш учун яна қанақа йўлларни ўйлаб топяпсизлар?!

ئايەت: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Қуръон инсу жинга панд-насиҳат ва эслатмадан бошқа нарса эмасдир.

ئايەت: 28

لِمَن شَآءَ مِنكُمۡ أَن يَسۡتَقِيمَ

Орангиздаги ҳақ йўл узра тўғри юришни хоҳлаганлар учун панд-насиҳат ва эслатмадир.

ئايەت: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Барча махлуқотларнинг Парвардигори хоҳласагина тўғри йўлда бўлиш ва бошқа нарсаларни хоҳлай олурсизлар.

بۇ بەتتىكى ئايەتلەردىن ئېلىنغان مەزمۇنلار:

• حَشْر المرء مع من يماثله في الخير أو الشرّ.

Ҳамма ўзига муносиб одам билан бирга тирилади. Яхшилар яхшилар билан. Ёмонлар ёмонлар билан.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Тириклайин кўмилган қизча сўроққа тутилганда уни кўмганларнинг ҳоли не кечишини бир тасаввур қилиб кўринг! Бу маҳшар кунининг нақадар даҳшатли бўлишидан даракдир.

• مشيئة العبد تابعة لمشيئة الله.

Банданинг хоҳиши Аллоҳнинг хоҳишига тобедир.