معانی کا ترجمہ سورت سورۂ اِنفطار - الترجمة القيرغيزية - قرآن کریم انسائیکلوپیڈیا

Инфитар

آیت: 1

إِذَا ٱلسَّمَآءُ ٱنفَطَرَتۡ

Асман жарылып,

آیت: 2

وَإِذَا ٱلۡكَوَاكِبُ ٱنتَثَرَتۡ

Жылдыздар төгүлүп,

آیت: 3

وَإِذَا ٱلۡبِحَارُ فُجِّرَتۡ

деңиздер (толуп-ташып), бири-бирине кошулганда...

آیت: 4

وَإِذَا ٱلۡقُبُورُ بُعۡثِرَتۡ

Жана мүрзөлөр оодарылганда...

آیت: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

(Ар бир) жан (ээси) эмне ишти алып келгенин жана (эмне ишти кечиктирип) калтырганын билип алат.^[1]

[1] Кыяматта мүрзөлөр оодарылып, ичиндеги өлүктөргө жан киргизилип, жер сыртына чыгарылат. Бул жөнүндө пайгамбарыбыз саллаллоху алайхи ва саллам “Силер (ал күнү) жылаңайлак, жылаңач, “сүннөт” кылынбаган абалда (сот-сурак майданына) чогултуласыңар” деген. (“Мишкатул масаабих”. 3/75. 5535-хадис).

آیت: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Оо, (каапыр) инсан! Сени Улук Раббиң жөнүндө (туура ойлонуудан) эмне алдап койду?!

آیت: 7

ٱلَّذِي خَلَقَكَ فَسَوَّىٰكَ فَعَدَلَكَ

Ал сени жаратып, келбетиңди келиштирген эле!

آیت: 8

فِيٓ أَيِّ صُورَةٖ مَّا شَآءَ رَكَّبَكَ

Жана Ал сени Өзү каалаган сүрөттө калыптандырган!

آیت: 9

كَلَّا بَلۡ تُكَذِّبُونَ بِٱلدِّينِ

Жок! силер (ойлонуп, моюн сунуунун ордуна) сурак күнүн «жалган» дедиңер!

آیت: 10

وَإِنَّ عَلَيۡكُمۡ لَحَٰفِظِينَ

Чынында, силердин үстүңөрдө (ар бир ишиңерди) сактоочу периштелер бар!

آیت: 11

كِرَامٗا كَٰتِبِينَ

(Ар бир нерсени) жазып турган улук периштелер бар!

آیت: 12

يَعۡلَمُونَ مَا تَفۡعَلُونَ

Силердин бардык ишиңерди билип турушат.

آیت: 13

إِنَّ ٱلۡأَبۡرَارَ لَفِي نَعِيمٖ

Чынында жакшы кишилер нээмат бейиштеринде.^[1]

[1] Бул жерде «жакшы кишилер» деп Аллахтын жана адамдардын укугун таанып, аларга кыянат кылбаган жана жаман ойду ойлобогон, жаман иштерди жасабаган кишилерге айтылган.

آیت: 14

وَإِنَّ ٱلۡفُجَّارَ لَفِي جَحِيمٖ

Ал эми, бузуку кишилер тозокто болушат!

آیت: 15

يَصۡلَوۡنَهَا يَوۡمَ ٱلدِّينِ

Алар ага (тозокко) сурак күнү ташталат!

آیت: 16

وَمَا هُمۡ عَنۡهَا بِغَآئِبِينَ

Анан андан чыга алышпайт!

آیت: 17

وَمَآ أَدۡرَىٰكَ مَا يَوۡمُ ٱلدِّينِ

(Оо, Мухаммад! Биз айтпасак) сурак күнү эмне экенин сен кайдан билмексиң?

آیت: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Анан, сурак күнү эмне экенин сен кайдан билмексиң?^[1]

[1] Мухаммад саллаллоху алайхи ва саллам кайып кабарларын Алла тааладан вахий аркылуу кабар келмейинче, өз алдынча билген эмес.

آیت: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Ал күнү (Аллахтан уруксат болмоюнча) эч ким эч кимге (пайда) жеткире албайт! Ал күнү бардык иш Аллахтын ыктыярында!