معانی کا ترجمہ سورت مُدثِّر - المختصر فی تفسیر القرآن الکریم کا قیرغیزی ترجمہ - صفحہ نمبر 576 - قرآن کریم انسائیکلوپیڈیا

آیت: 19

فَقُتِلَ كَيۡفَ قَدَّرَ

Каргышка калгыр, азапка калгыр! Кантип болжоду?!

آیت: 20

ثُمَّ قُتِلَ كَيۡفَ قَدَّرَ

Дагы каргышка калгыр, азапка калгыр! Кантип болжоду?!

آیت: 21

ثُمَّ نَظَرَ

Андан соң ал айтканына назар салып ойлонуп көрдү.

آیت: 22

ثُمَّ عَبَسَ وَبَسَرَ

Кийин ал Куранды жамандаганга эч нерсе таппай калганда жүзүн тырыштырып, кабагын чытыды.

آیت: 23

ثُمَّ أَدۡبَرَ وَٱسۡتَكۡبَرَ

Андан соң ыймандан жүз бурду жана пайгамбарды ээрчүүдөн текеберленди.

آیت: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Анан ал мындай деди: «Мухаммад алып келген нерсе Аллахтын сөзү эмес. Тескерисинче, ал башкалар ага айтып берген сыйкыр.

آیت: 25

إِنۡ هَٰذَآ إِلَّا قَوۡلُ ٱلۡبَشَرِ

Бул Аллахтын сөзү эмес, бул адамдын сөзү».

آیت: 26

سَأُصۡلِيهِ سَقَرَ

Мен аны жакында тозоктун катмарларын бири Сакарга киргизем, ал анын ысыктыгынан азап чегет.

آیت: 27

وَمَآ أَدۡرَىٰكَ مَا سَقَرُ

Оо, Мухаммад! Сен Сакар эмне экенин кайдан билмек элең?

آیت: 28

لَا تُبۡقِي وَلَا تَذَرُ

Ал андагы азапталгандын эч нерсесин калтырбайт. Ага сөзсүз келет, аны таштап койбойт. Кийин ал баштапкы абалына кайтканда, ага кайрадан келет. Мына ушинтип айлана берет.

آیت: 29

لَوَّاحَةٞ لِّلۡبَشَرِ

Терини катуу күйгүзөт жана өзгөртөт.

آیت: 30

عَلَيۡهَا تِسۡعَةَ عَشَرَ

Анын үстүндө он тогуз күзөтчү периштелер бар.

آیت: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Биз тозок сакчыларын периштелерден гана кылдык. Адамзаттын аларга күчү жетпейт. Биз, алардын санын Аллахка каапыр болгондорду сыноо үчүн ушундай кылдык. Биз, алар айтар сөзүн айтып, азаптары эселеп көбөйүүсү үчүн, Тоорот берилген жөөттөр менен Инжил берилген христиандар, алардын китептеринде айтылганды тастыктаган Куран түшкөн кезде айкын билүүлөрү үчүн, Китеп ээлеринин (кабары ыймандуулардын ишенимине) дал келгенде ыймандуулардын ыйманын күчөтүү үчүн, жөөттөр да, христиандар да, ыймандуулар да шектенбөөсү үчүн, ыйманга кирүүдө эки анжы болгондор жана каапырлар: «Аллах бул таң калыштуу сан менен эмнени каалап жатат?» – деп айтуулары үчүн ушундай кылдык. Бул санды жокко чыгаргандарды адаштыруу жана ага ишенгендерди туура жолго салган сыяктуу, Аллах каалаганын адаштырып, каалаганын туура жолго салат. Раббиңдин аскерлери көп болгондуктан, алардын санын Өзүнөн башка эч ким билбейт. Тозок адамзатка эскертүү гана, ал аркылуу адамдар Аллах тааланын улуктугун билишет.

آیت: 32

كَلَّا وَٱلۡقَمَرِ

Кээ бир мушриктер ойлогондой, аны шериктери тозоктон чыгарууга тозок сакчыларына жетиштүү деп айткандай эмес. Аллах Ай менен ант берди.

آیت: 33

وَٱلَّيۡلِ إِذۡ أَدۡبَرَ

Жана кайтып бараткан түнгө ант берди.

آیت: 34

وَٱلصُّبۡحِ إِذَآ أَسۡفَرَ

Жана жарык чачкан таңга ант берди.

آیت: 35

إِنَّهَا لَإِحۡدَى ٱلۡكُبَرِ

Чындыгында тозок оту чоң балээлердин бири.

آیت: 36

نَذِيرٗا لِّلۡبَشَرِ

Адамдар үчүн эскертүү жана коркутуу.

آیت: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Оо, адамдар! Силердин араңардагы Аллахка ыйман келтирип, жакшылык иштерди кылууга умтулууну же каапырлыктан жана күнөөлөрдөн кетенчиктөөнү каалагандар үчүн.

آیت: 38

كُلُّ نَفۡسِۭ بِمَا كَسَبَتۡ رَهِينَةٌ

Ар бир жан кылган иштери себептүү кармалып турат. Же кылган иштери аны жок кылат, же аны кыйроодон куткарып, сактап калат.

آیت: 39

إِلَّآ أَصۡحَٰبَ ٱلۡيَمِينِ

Ыймандуулар гана күнөөлөрү үчүн кармалышпайт. Тескерисинче, алар жакшылык иштери себептүү күнөөлөрү кечирилет.

آیت: 40

فِي جَنَّٰتٖ يَتَسَآءَلُونَ

Алар кыямат күнү бейиштерде бири-биринен сурашат.

آیت: 41

عَنِ ٱلۡمُجۡرِمِينَ

Күнөө иштерди кылып өздөрүн кыйроого учураткан каапырлар тууралуу.

آیت: 42

مَا سَلَكَكُمۡ فِي سَقَرَ

Алардан: «Силерди тозокко эмне киргизди?» – деп сурашат.

آیت: 43

قَالُواْ لَمۡ نَكُ مِنَ ٱلۡمُصَلِّينَ

Каапырлар мындай деп жооп беришет: «Биз дүйнө жашоосунда парз намазды окугандардан эмес элек.

آیت: 44

وَلَمۡ نَكُ نُطۡعِمُ ٱلۡمِسۡكِينَ

Жана Аллах бизге берген нерселерден бей-бечараларды тамактандырган эмеспиз.

آیت: 45

وَكُنَّا نَخُوضُ مَعَ ٱلۡخَآئِضِينَ

Биз жалганчылар кайда жүрсө, ошолор менен чогу жүрдүк жана адашкандар менен сүйлөшчүбүз.

آیت: 46

وَكُنَّا نُكَذِّبُ بِيَوۡمِ ٱلدِّينِ

Жана сурак күндү жалган деп айтчубуз.

آیت: 47

حَتَّىٰٓ أَتَىٰنَا ٱلۡيَقِينُ

Бизге өлүм келгенге чейин аны жалганга чыгаруудан баш тартпадык жана ал бизге тообо кылууга тоскоолдук кылды».

حالیہ صفحہ میں آیات کے فوائد:

• خطورة الكبر حيث صرف الوليد بن المغيرة عن الإيمان بعدما تبين له الحق.

Текеберликтин коркунучу, анткени ал Валид ибн аль-Мугийрага чындык ачык болгондон кийин ыймандан баш тартуусуна себеп болду.

• مسؤولية الإنسان عن أعماله في الدنيا والآخرة.

Адамдын кылган иш-аракеттери үчүн дүйнөдөгү жана акыреттеги жоопкерчилиги.

• عدم إطعام المحتاج سبب من أسباب دخول النار.

Муктаждарга тамак-аш бербестик тозокко кирүүнүн себептеринен.