Қуръони Карим маъноларининг таржимаси - Курдча таржима - Салоҳиддин * - Таржималар мундарижаси
إِنَّ رَبَّكَ يَقۡضِي بَيۡنَهُم بِحُكۡمِهِۦۚ وَهُوَ ٱلۡعَزِيزُ ٱلۡعَلِيمُ
[ إِنَّ رَبَّكَ يَقْضِي بَيْنَهُمْ بِحُكْمِهِ ] وه به دڵنیایى په‌روه‌ردگارت له رۆژى قیامه‌ت بڕیار ئه‌دات له نێوانیاندا به بڕیارى خۆى به‌حه‌ق و دادپه‌روه‌ری [ وَهُوَ الْعَزِيزُ الْعَلِيمُ (٧٨) ] وه خوای گه‌وره زۆر به‌عیززه‌ت و زانایه.
Арабча тафсирлар:
فَتَوَكَّلۡ عَلَى ٱللَّهِۖ إِنَّكَ عَلَى ٱلۡحَقِّ ٱلۡمُبِينِ
[ فَتَوَكَّلْ عَلَى اللَّهِ ] ئه‌ی محمد - صلی الله علیه وسلم - تۆ هه‌موو كاره‌كانت ته‌نها به خوای گه‌وره بسپێره‌و ته‌نها پشت به خوای گه‌وره ببه‌سته [ إِنَّكَ عَلَى الْحَقِّ الْمُبِينِ (٧٩) ] به دڵنیایى تۆ له‌سه‌ر حه‌قێكی ئاشكرای كه هیچ گومانێكی تیا نیه.
Арабча тафсирлар:
إِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ
{ مردوو قسه‌ى زيندوو نابيستێت} [ إِنَّكَ لَا تُسْمِعُ الْمَوْتَى ] به دڵنیایى ئه‌ی محمد - صلی الله علیه وسلم - تۆ ناتوانی وا له مردوو بكه‌ی كه قسه‌ی تۆ ببیستێ، واته: ته‌شبیهی كافران ئه‌كات به مردوو چۆن ناتوانی وا له مردوو بكه‌ی قسه‌ی تۆ ببیستێ ئاوایش ناتوانی وا له كافران بكه‌ی كه قسه‌ی تۆ ببیستن چونكه نایانه‌وێ بیبیستن (ئه‌م ئایه‌ته به‌ڵگه‌یه له‌سه‌ر ئه‌وه‌ى كه مردوو قسه‌ى زیندوو نابیستێت) [ وَلَا تُسْمِعُ الصُّمَّ الدُّعَاءَ ] وه كه‌سێكیش كه كه‌ڕ بێت چه‌ندێك بانگی بكه‌ی نایبیستێ [ إِذَا وَلَّوْا مُدْبِرِينَ (٨٠) ] به‌تایبه‌تی كاتێك كه پشت هه‌ڵكه‌ن و بڕۆن كافران ئاوا پشت له حه‌ق ئه‌كه‌ن و نایانه‌وێ حه‌ق ببیستن
Арабча тафсирлар:
وَمَآ أَنتَ بِهَٰدِي ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ
[ وَمَا أَنْتَ بِهَادِي الْعُمْيِ عَنْ ضَلَالَتِهِمْ ] وه كه‌سێك كه كوێره‌و له ڕێگای حه‌ق لایداوه‌و نایه‌وێ تێ بگات ئه‌ی محمد - صلی الله علیه وسلم - تۆ ناتوانی ڕێنمایی بكه‌یت و هیدایه‌تی بده‌یت، چونكه هیدایه‌ت به ده‌ست خوای گه‌وره‌یه [ إِنْ تُسْمِعُ إِلَّا مَنْ يُؤْمِنُ بِآيَاتِنَا ] ته‌نها تۆ ئه‌توانی ئه‌و قورئانه بده‌ی به گوێی ئه‌و كه‌سانه‌ی كه ئیمانیان به ئایه‌ته‌كانی ئێمه هێناوه [ فَهُمْ مُسْلِمُونَ (٨١) ] وه ئه‌وان موسڵمانن و ملكه‌چن بۆ خوای گه‌وره.
Арабча тафсирлар:
۞ وَإِذَا وَقَعَ ٱلۡقَوۡلُ عَلَيۡهِمۡ أَخۡرَجۡنَا لَهُمۡ دَآبَّةٗ مِّنَ ٱلۡأَرۡضِ تُكَلِّمُهُمۡ أَنَّ ٱلنَّاسَ كَانُواْ بِـَٔايَٰتِنَا لَا يُوقِنُونَ
{ يه‌كێك له نيشانه گه‌وره‌كانى رۆژى قيامه‌ت} [ وَإِذَا وَقَعَ الْقَوْلُ عَلَيْهِمْ ] وه كاتێك كه سزا به‌سه‌ریاندا جێبه‌جێ ئه‌بێ یان ڕۆژی قیامه‌ت كه نزیك ئه‌بێ [ أَخْرَجْنَا لَهُمْ دَابَّةً مِنَ الْأَرْضِ ] له‌ناو زه‌ویه‌وه ئاژه‌ڵێكیان بۆ ده‌رئه‌كه‌ین [ تُكَلِّمُهُمْ ] كه قسه‌یان له‌گه‌ڵدا ئه‌كات كه یه‌كێكه له نیشانه گه‌وره‌كانی ڕۆژی قیامه‌ت [ أَنَّ النَّاسَ كَانُوا بِآيَاتِنَا لَا يُوقِنُونَ (٨٢) ] كه به دڵنیایى خه‌ڵكی یه‌قینیان نه‌بووه به ئایه‌ته‌كان و نیشانه‌و ده‌سه‌ڵاتی ئێمه.
Арабча тафсирлар:
وَيَوۡمَ نَحۡشُرُ مِن كُلِّ أُمَّةٖ فَوۡجٗا مِّمَّن يُكَذِّبُ بِـَٔايَٰتِنَا فَهُمۡ يُوزَعُونَ
[ وَيَوْمَ نَحْشُرُ مِنْ كُلِّ أُمَّةٍ فَوْجًا ] وه له ڕۆژی قیامه‌تیش له هه‌موو ئوممه‌تێك كۆمه‌ڵ كۆمه‌ڵ حه‌شریان ئه‌كه‌ین وه كۆیان ئه‌كه‌ینه‌وه [ مِمَّنْ يُكَذِّبُ بِآيَاتِنَا ] ئه‌وانه‌ی كه ئایه‌ته‌كانی ئێمه‌یان به‌درۆ زانیوه [ فَهُمْ يُوزَعُونَ (٨٣) ] وه ئه‌وان هه‌موویان پێكه‌وه ڕێكئه‌خرێن، یان پاڵ ئه‌نرێن.
Арабча тафсирлар:
حَتَّىٰٓ إِذَا جَآءُو قَالَ أَكَذَّبۡتُم بِـَٔايَٰتِي وَلَمۡ تُحِيطُواْ بِهَا عِلۡمًا أَمَّاذَا كُنتُمۡ تَعۡمَلُونَ
[ حَتَّى إِذَا جَاءُوا قَالَ أَكَذَّبْتُمْ بِآيَاتِي ] كاتێك كه ئه‌هێنرێن بۆ ساحه‌ی مه‌حشه‌ر بۆ لێپرسینه‌وه خوای گه‌وره ئه‌فه‌رمووێ: ئایا ئێوه ئایه‌ته‌كانی منتان به درۆ زانی ئه‌وه‌ی بۆ سه‌ر پێغه‌مبه‌ران دامبه‌زاندبوو وه به ئێوه‌یان ڕاگه‌یاند [ وَلَمْ تُحِيطُوا بِهَا عِلْمًا ] یاخود ئایا زانیاری ته‌واوتان پێی نه‌بوو [ أَمَّاذَا كُنْتُمْ تَعْمَلُونَ (٨٤) ] یان ئێوه چ كرده‌وه‌یه‌كتان ئه‌كرد چ شتێك ئێوه‌ی سه‌رقاڵ كردبوو له‌وه‌ی كه ئیمان بێنن.
Арабча тафсирлар:
وَوَقَعَ ٱلۡقَوۡلُ عَلَيۡهِم بِمَا ظَلَمُواْ فَهُمۡ لَا يَنطِقُونَ
[ وَوَقَعَ الْقَوْلُ عَلَيْهِمْ بِمَا ظَلَمُوا ] وه وته‌ی حه‌ق به‌سه‌ریاندا جێبه‌جێ ئه‌بێ وه خوای گه‌وره سزایان ئه‌دات به‌هۆی شه‌ریك دانان و كوفر كردن و زوڵم و سته‌میان [ فَهُمْ لَا يَنْطِقُونَ (٨٥) ] وه ئه‌وان له‌و كاته‌دا ناتوانن قسه بكه‌ن وه هیچ عوزرێكیان نیه.
Арабча тафсирлар:
أَلَمۡ يَرَوۡاْ أَنَّا جَعَلۡنَا ٱلَّيۡلَ لِيَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ
[ أَلَمْ يَرَوْا أَنَّا جَعَلْنَا اللَّيْلَ لِيَسْكُنُوا فِيهِ ] ئایا نابینن ئێمه شه‌ومان بۆیان داناوه بۆ هێمنی و پشوودان [ وَالنَّهَارَ مُبْصِرًا ] وه ڕۆژیشمان ڕووناك كردووه بۆ ئه‌وه‌ی كه به دوای بژێوی ژیانیاندا بگه‌ڕێن [ إِنَّ فِي ذَلِكَ لَآيَاتٍ لِقَوْمٍ يُؤْمِنُونَ (٨٦) ] به دڵنیایى ئا ئه‌مانه هه‌مووی ئایه‌ت و نیشانه‌ن له‌سه‌ر تاك و ته‌نهایى و تواناو ده‌سه‌ڵاتی خوای گه‌وره بۆ كه‌سانێك كه ئیمان بێنن.
Арабча тафсирлар:
وَيَوۡمَ يُنفَخُ فِي ٱلصُّورِ فَفَزِعَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۚ وَكُلٌّ أَتَوۡهُ دَٰخِرِينَ
[ وَيَوْمَ يُنْفَخُ فِي الصُّورِ ] وه له ڕۆژی قیامه‌تیش كه ئیسرافیل فوو ئه‌كات به كه‌ڕه‌نادا [ فَفَزِعَ مَنْ فِي السَّمَاوَاتِ وَمَنْ فِي الْأَرْضِ ] وه هه‌رچی له ئاسمانه‌كان و زه‌ویدایه به فریشته‌و مرۆڤه‌وه هه‌ر هه‌مووی ئه‌ترسێ له‌به‌ر سه‌ختی ئه‌و ڕۆژه [ إِلَّا مَنْ شَاءَ اللَّهُ ] ته‌نها كه‌سانێك خوای گه‌وره ویستی لێ بێ كه وتراوه: پێغه‌مبه‌ران و شه‌هیدانن كه لاى خواى گه‌وره‌ن و رۆزییان ده‌دات [ وَكُلٌّ أَتَوْهُ دَاخِرِينَ (٨٧) ] وه خه‌ڵكی هه‌مووی به زه‌لیلی و به ملكه‌چی دێن و كه‌س دوا ناكه‌وێت.
Арабча тафсирлар:
وَتَرَى ٱلۡجِبَالَ تَحۡسَبُهَا جَامِدَةٗ وَهِيَ تَمُرُّ مَرَّ ٱلسَّحَابِۚ صُنۡعَ ٱللَّهِ ٱلَّذِيٓ أَتۡقَنَ كُلَّ شَيۡءٍۚ إِنَّهُۥ خَبِيرُۢ بِمَا تَفۡعَلُونَ
[ وَتَرَى الْجِبَالَ تَحْسَبُهَا جَامِدَةً ] وه شاخه‌كان ئه‌بینی له‌و ڕۆژه‌دا وا ئه‌زانی له جێی خۆیان ڕاوه‌ستاون و ڕه‌ق و وشك و جێگیرن [ وَهِيَ تَمُرُّ مَرَّ السَّحَابِ ] به‌ڵام ئه‌مان به ئاسماندا ئه‌ڕۆن وه‌كو ڕۆیشتنی هه‌ور چۆن هه‌ور ئه‌ڕوا ئه‌وانیش له جێی خۆیان هه‌ڵكه‌ندراون وه وه‌كو صوفیشی شیكراوه‌یان لێ هاتووه به ئاسماندا ئه‌ڕۆن [ صُنْعَ اللَّهِ الَّذِي أَتْقَنَ كُلَّ شَيْءٍ ] كه ئه‌مه دروستكراوی خوای گه‌وره‌یه كه هه‌موو شتێكی به ڕێكوپێكی دروست كردووه وه شاخه‌كانیش ئاوا ده‌رئه‌كات [ إِنَّهُ خَبِيرٌ بِمَا تَفْعَلُونَ (٨٨) ] به دڵنیایى خوای گه‌وره زۆر زانایه به كرده‌وه‌ی ئێوه‌و ئاگاداری نهێنی و ئاشكرایه.
Арабча тафсирлар:
Қуръони Карим маъноларининг таржимаси - Курдча таржима - Салоҳиддин - Таржималар мундарижаси
Салоҳиддин Абдулкарим таржимаси.