Маънолар таржимаси Сура Фил - Ўзбекча таржима - Қуръони Карим қомуси

Фил

Оят: 1

أَلَمۡ تَرَ كَيۡفَ فَعَلَ رَبُّكَ بِأَصۡحَٰبِ ٱلۡفِيلِ

(Эй Муҳаммад алайҳис-салоту вас-салом), Парвардигорингиз фил эгаларини қандай (ҳалок) қилганини кўрмадингизми?

Оят: 2

أَلَمۡ يَجۡعَلۡ كَيۡدَهُمۡ فِي تَضۡلِيلٖ

У зот уларнинг (Каъбатуллоҳни вайрон қилиш учун қўллаган барча) ҳийла-найрангларини баробод қилмадими?

Оят: 3

وَأَرۡسَلَ عَلَيۡهِمۡ طَيۡرًا أَبَابِيلَ

У зот уларнинг устига тўп-тўп қушларни юбориб,

Оят: 4

تَرۡمِيهِم بِحِجَارَةٖ مِّن سِجِّيلٖ

Уларнинг устига сополдан бўлган тошларни отадиган (қушларни юбориб),

Оят: 5

فَجَعَلَهُمۡ كَعَصۡفٖ مَّأۡكُولِۭ

Уларни (қурт-қумурсқалар томонидан) чайнаб ташланган сомон каби (илма-тешик) қилиб юборди!^[1]

[1]Ривоят қилинишича, қушлар томонидан отилган ҳар бир тош бир кофирнинг бошидан тешиб кириб, остидан чиқиб кетган экан.