Маънолар таржимаси Сура Нос сураси - الترجمة الأوزبكية للمختصر في تفسير القرآن الكريم - Қуръони Карим қомуси

Нос сураси

Суранинг мақсадларидан..:

الحث على الاستعاذة بالله من شر الشيطان ووسوسته.

Шайтоннинг ёмонлиги ва васвасасидан Аллоҳнинг паноҳига қочишга ундаш.

---

Оят: 1

قُلۡ أَعُوذُ بِرَبِّ ٱلنَّاسِ

Эй Пайғамбар, айтинг: ”Одамларнинг Парвардигоридан паноҳ ва ҳимоя сўрайман.

Оят: 2

مَلِكِ ٱلنَّاسِ

Одамларнинг Подшоҳидан паноҳ сўрайман. У Зот махлуқотларни Ўзи хоҳлагандай тасарруф қилади. Улар учун Ундан Ўзга подшоҳ йўқ.

Оят: 3

إِلَٰهِ ٱلنَّاسِ

Аллоҳ таоло уларнинг ҳақиқий маъбудидир. Улар учун Ундан ўзга ҳақиқий маъбуд йўқдир.

Оят: 4

مِن شَرِّ ٱلۡوَسۡوَاسِ ٱلۡخَنَّاسِ

Шайтоннинг ёмонлигидан паноҳ сўрайман. У шайтон инсон Аллоҳ таолони эслашдан ғофил қолган бандани васваса қилади, Аллоҳни эслаганда эса қочади.

Оят: 5

ٱلَّذِي يُوَسۡوِسُ فِي صُدُورِ ٱلنَّاسِ

Шайтонки, одамларнинг қалбларига васваса солади.

Оят: 6

مِنَ ٱلۡجِنَّةِ وَٱلنَّاسِ

Бундай шайтонлар жинлардан бўлгани каби инсонлардан ҳам бўлади.

Ушбу саҳифадаги оят фойдаларидан:

• إثبات صفات الكمال لله، ونفي صفات النقص عنه.

Камол сифатлари Аллоҳ таолоники эканлигига иқрор бўлиш ва ноқислик сифатларини У Зотдан рад этиш.

• ثبوت السحر، ووسيلة العلاج منه.

Сеҳрнинг мавжудлиги ва ундан қутулиш чораси.

• علاج الوسوسة يكون بذكر الله والتعوذ من الشيطان.

Васвасанинг давоси Аллоҳни зикр қилиш ва шайтоннинг ёмонлигидан паноҳ сўраш билан бўлади.