Маънолар таржимаси Сура Аъло сураси - Қуръон Карим маъноларининг ўзбекча таржимаси, мутаржим: Руввадут таржама маркази таржимонлари (Дорул Ислом вебсаҳифаси ҳамкорлигида). - Қуръони Карим қомуси

Аъло сураси

Оят: 1

سَبِّحِ ٱسۡمَ رَبِّكَ ٱلۡأَعۡلَى

Энг олий зот бўлмиш Парвардигорингизнинг номини покланг!

Оят: 2

ٱلَّذِي خَلَقَ فَسَوَّىٰ

У яратган ва расо қилиб қўйган Зотдир.

Оят: 3

وَٱلَّذِي قَدَّرَ فَهَدَىٰ

У белгилаб, ҳидоят қилиб қўйган Зотдир.

Оят: 4

وَٱلَّذِيٓ أَخۡرَجَ ٱلۡمَرۡعَىٰ

У ўт-ўланни ундириб чиқариб,

Оят: 5

فَجَعَلَهُۥ غُثَآءً أَحۡوَىٰ

Сўнг уни қорамтир хас-хашак қилиб қўйган Зотдир.

Оят: 6

سَنُقۡرِئُكَ فَلَا تَنسَىٰٓ

Биз сизни қироат қилдирурмиз. Бас, сиз унутмассиз.

Оят: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Аллоҳ хоҳлагани бундан мустасно. Албатта, У Зот ошкора ишларни ҳам, хуфёналарини ҳам билур.

Оят: 8

وَنُيَسِّرُكَ لِلۡيُسۡرَىٰ

Биз сизни осонликка муваффақ қилурмиз.

Оят: 9

فَذَكِّرۡ إِن نَّفَعَتِ ٱلذِّكۡرَىٰ

Эслатиш фойда берса, эслатинг!

Оят: 10

سَيَذَّكَّرُ مَن يَخۡشَىٰ

(Аллоҳдан) қўрқадиган киши эслатмага қулоқ солади.

Оят: 11

وَيَتَجَنَّبُهَا ٱلۡأَشۡقَى

Бадбахт кимса эса ўзини ундан четга олур.

Оят: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Катта оловга кирадиган (бадбахт).

Оят: 13

ثُمَّ لَا يَمُوتُ فِيهَا وَلَا يَحۡيَىٰ

Сўнгра у жойда на ўла олур ва на яшай олур!

Оят: 14

قَدۡ أَفۡلَحَ مَن تَزَكَّىٰ

Дарҳақиқат, пок бўлган киши нажот топгай.

Оят: 15

وَذَكَرَ ٱسۡمَ رَبِّهِۦ فَصَلَّىٰ

Парвардигорининг номини ёд этиб намоз ўқиган (киши).

Оят: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Йўқ! Сизлар шу дунё ҳаётини устун қўйяпсизлар!

Оят: 17

وَٱلۡأٓخِرَةُ خَيۡرٞ وَأَبۡقَىٰٓ

Ҳолбуки, охират яхшироқ ва боқийроқдир.

Оят: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Албатта, (Сизга эслатилган) бу (нарсалар) аввалги саҳифаларда бордир.

Оят: 19

صُحُفِ إِبۡرَٰهِيمَ وَمُوسَىٰ

Иброҳим ва Мусо саҳифаларида.