የቅዱስ ቁርዓን ይዘት ትርጉም - የቁርአን አጭር ማብራርያ ትርጉም በፉላንኛ ቋንቋ * - የትርጉሞች ማዉጫ
وَإِبۡرَٰهِيمَ إِذۡ قَالَ لِقَوۡمِهِ ٱعۡبُدُواْ ٱللَّهَ وَٱتَّقُوهُۖ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ
An Nulaaɗo, janto kadi fillayee Ibraahiima on, nde o wi'annoo yimɓe makko ɓen: rewee Alla tun, huliron lepte Makko ɗen, ɗoftagol yamirooje Makko ɗen, woɗɗitoo haɗaaɗi Makko ɗin; ko ɗum ɓuri moƴƴannde on, si wonii hiɗon anndi.
የአረብኛ ቁርኣን ማብራሪያ:
إِنَّمَا تَعۡبُدُونَ مِن دُونِ ٱللَّهِ أَوۡثَٰنٗا وَتَخۡلُقُونَ إِفۡكًاۚ إِنَّ ٱلَّذِينَ تَعۡبُدُونَ مِن دُونِ ٱللَّهِ لَا يَمۡلِكُونَ لَكُمۡ رِزۡقٗا فَٱبۡتَغُواْ عِندَ ٱللَّهِ ٱلرِّزۡقَ وَٱعۡبُدُوهُ وَٱشۡكُرُواْ لَهُۥٓۖ إِلَيۡهِ تُرۡجَعُونَ
Anndee ko rewoton kon, onon ɓee sirkooɓe, ko sanamuuji ɗi nafataa ɗi loraataa, hiɗon taƴa fenaande, aaƴagol wonnde hiɗi hanndi e reweede. Pellet, ɗin ɗi rewoton gaani Alla, ɗi waawaa on arsikude, sakko ɗi waɗa ɗum; awa ɗaɓɓiree arsike on ka Alla, tawde ko Kanko woni arsikoowo On, rewon Mo Kanko tun, yettiron Mo neema arsike on. Ko ka Makko tun, woni ruttorde mon, Ñalnde Darngal, fii hasbeede yoɓitee, wanaa ka sanamuuji mon.
የአረብኛ ቁርኣን ማብራሪያ:
وَإِن تُكَذِّبُواْ فَقَدۡ كَذَّبَ أُمَمٞ مِّن قَبۡلِكُمۡۖ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ
Si onon ɓee sirkooɓe on fennii ko Muhammadu (jom kisiyee) addi kon, haray mofte adinooɓe on kadi feenniino Nuuhu e 'Adi e Samuuda e woɗɓe goo. Alaa ko fawii e Nulaaɗo on, si wanaa yottingol ɓanngina. Gomɗii le o yottinii e mo'on, ko Joomi makko nuli mo e mon kon.
የአረብኛ ቁርኣን ማብራሪያ:
قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ بَدَأَ ٱلۡخَلۡقَۚ ثُمَّ ٱللَّهُ يُنشِئُ ٱلنَّشۡأَةَ ٱلۡأٓخِرَةَۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ
An Nulaaɗo, maakan ɓee fennuɓe ummital: yiilee ka leydi, taskoɗon no Alla fuɗɗori tagu ngun. Refti Alla wuurnitay yimɓe ɓen, e nguurndam goo, fii hasbeede. Pellet, Alla ko hattanɗo kala huunde. Huunde ronkintaa Mo. Wanaa wuurnitugol yimɓe ɓen, wano woniri non, O ronkaano tagugol ɓe ka arannde.
የአረብኛ ቁርኣን ማብራሪያ:
يُعَذِّبُ مَن يَشَآءُ وَيَرۡحَمُ مَن يَشَآءُۖ وَإِلَيۡهِ تُقۡلَبُونَ
Himo leptira nunɗal Makko ngal, mo O muuyani e jeyaaɓe Makko ɓen, O yurminira ɓural Makko ngal, mo O muuyani e maɓɓe. Ko ka Makko tun, woni ruttorde mon, Ñalnde Darngal, fii hasbeede, ɓaawo immitineede e genaale mon.
የአረብኛ ቁርኣን ማብራሪያ:
وَمَآ أَنتُم بِمُعۡجِزِينَ فِي ٱلۡأَرۡضِ وَلَا فِي ٱلسَّمَآءِۖ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ
On wonaali laawotooɓe Joomi mon, wanaa ɓoccittooɓe lepte Makko ɗen ka leydi, wanaa ka kammu; alanaa on kadi, gaanin Alla giɗo heftoowo fii mon, wanaa ballo duñanayɗo on lepte Makko ɗen.
የአረብኛ ቁርኣን ማብራሪያ:
وَٱلَّذِينَ كَفَرُواْ بِـَٔايَٰتِ ٱللَّهِ وَلِقَآئِهِۦٓ أُوْلَٰٓئِكَ يَئِسُواْ مِن رَّحۡمَتِي وَأُوْلَٰٓئِكَ لَهُمۡ عَذَابٌ أَلِيمٞ
Ɓen yedduɓe Aayeeje Alla ɗen, e hawroygol e Makko ngol Ñalnde Darngal, ɓen taƴike e yurmeende Am, tawde ɓe naatataa Aljanna poomaa, sabu keeferaaku maɓɓe ngun. Ɓen ɗon, hino woodani ɓe lepte muusuɗe, haɓɓitiiɗe ɓe ka laakara.
የአረብኛ ቁርኣን ማብራሪያ:
ከአንቀጾቹ የምንማራቸዉ ቁም ነገሮች:
• الأصنام لا تملك رزقًا، فلا تستحق العبادة.
የቅዱስ ቁርዓን ይዘት ትርጉም - የቁርአን አጭር ማብራርያ ትርጉም በፉላንኛ ቋንቋ - የትርጉሞች ማዉጫ
ከቁርአን ተፍሲር ጥናት ማዕከል የተገኘ