የቅዱስ ቁርዓን ይዘት ትርጉም - የኩርድኛ ትርጉም - በሶላሑ ዲን * - የትርጉሞች ማዉጫ
القلم
نٓۚ وَٱلۡقَلَمِ وَمَا يَسۡطُرُونَ
سووره‌تی (قه‌له‌م) (واته: پێنووس) سووره‌تێكى مه‌ككى یه‌و (٥٢) ئایه‌ته بِسْمِ اللَّهِ الرَّحْمَنِ الرَّحِيمِ [ ن ] له‌سه‌ره‌تای سووره‌تی (به‌قه‌ره)دا باسی ئه‌م پیتانه‌مان كرد كه له‌سه‌ره‌تای هه‌ندێك له سووره‌ته‌كانی قورئانی پیرۆزه‌وه هاتوون فه‌زڵى قه‌ڵه‌م و زانست [ وَالْقَلَمِ وَمَا يَسْطُرُونَ (١) ] خوای گه‌وره سوێند ئه‌خوات به قه‌ڵه‌م و به‌و زانست و زانیاریانه‌ی كه ئێوه به قه‌ڵه‌م ئه‌ینووسن، یاخود سوێند خواردنه به‌و قه‌ڵه‌مه‌ی كه خوای گه‌وره یه‌كه‌م شت دروستی كرد له دوای (له‌وح و كورسی و عه‌رش و ئاو) وه فه‌رمانی پێ كرد به نووسینى هه‌موو شتێك كه ڕوو ئه‌دات تا ڕۆژی قیامه‌ت، یاخود هه‌موو قه‌ڵه‌مێك ئه‌گرێته‌وه، (وریا كردنه‌وه‌ى خه‌ڵكیه كه خواى گه‌وره فێرى نوسینى كردوون كه هه‌موو زانسته‌كان به‌هۆیه‌وه ده‌ستده‌خه‌ن).
የአረብኛ ቁርኣን ማብራሪያ:
مَآ أَنتَ بِنِعۡمَةِ رَبِّكَ بِمَجۡنُونٖ
[ مَا أَنْتَ بِنِعْمَةِ رَبِّكَ بِمَجْنُونٍ (٢) ] سوپاس بۆ خوا ئه‌ی محمد - صلی الله علیه وسلم - به‌و نیعمه‌ته زۆرانه‌ی كه خوای گه‌وره پێى به‌خشیویت تۆ شێت نیت، به‌ڵكو تۆ له‌وپه‌ڕی عاقڵیدایت، كافران ئه‌یانووت: محمد - صلی الله علیه وسلم - تێكچووه‌و شێت بووه، خواى گه‌وره وه‌ڵامى دانه‌وه.
የአረብኛ ቁርኣን ማብራሪያ:
وَإِنَّ لَكَ لَأَجۡرًا غَيۡرَ مَمۡنُونٖ
[ وَإِنَّ لَكَ لَأَجْرًا غَيْرَ مَمْنُونٍ (٣) ] وه به دڵنیایی تۆ ئه‌جرو پاداشتێكی یه‌كجار زۆرت بۆ هه‌یه كه نابڕێ و كۆتایی نایات به‌هۆی هه‌ڵگرتنی باری قورسی پێغه‌مبه‌رایه‌تی و ئه‌و هه‌موو ئێش و ئازاره‌ی كه له پێناو خوای گه‌وره‌و گه‌یاندنی دینه‌كه‌ی هه‌ڵتگرت، وه هیچ كه‌سێكیش منه‌ت ناكات به‌سه‌رتداو خوای گه‌وره خۆی ئه‌جرو پاداشتت ئه‌داته‌وه.
የአረብኛ ቁርኣን ማብራሪያ:
وَإِنَّكَ لَعَلَىٰ خُلُقٍ عَظِيمٖ
{ره‌وشت به‌رزى پێغه‌مبه‌ری خوا - صلی الله علیه وسلم -} [ وَإِنَّكَ لَعَلَى خُلُقٍ عَظِيمٍ (٤) ] وه تۆ له‌سه‌ر ڕه‌وشت و ئاكارو ئه‌ده‌ب و ئه‌خلاقێكی یه‌كجار گه‌وره‌و به‌رزی، پێغه‌مبه‌ری خوا - صلی الله علیه وسلم - به‌شه‌رم و به‌زه‌یى و به‌ڕێزو ئازاو جوامێرو بوێرو هێمن و ئارام و لێبورده‌و لێخۆشبوو نه‌رمونیان و خۆبه‌كه‌مزان و راستگۆ وده‌ست پاك و ده‌م پاك و داوێن پاك و دڵ پاك و ده‌روون پاك بووه، یاخود (خُلُق) به مانای دینیش هاتووه تۆ له‌سه‌ر دینێكی یه‌كجار گه‌وره‌ی، ڕه‌وشت و ئه‌خلاقی پێغه‌مبه‌ری خوا - صلی الله علیه وسلم - قورئان بووه‌و قورئانی پیرۆزی له خۆیدا جێبه‌جێ كردووه‌و بۆ ئه‌وه نێردراوه تا ره‌وشته جوانه‌كان ته‌واو بكات.
የአረብኛ ቁርኣን ማብራሪያ:
إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ
[ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ (٧) ] به‌ڕاستی په‌روه‌ردگارت زاناتره به‌وه‌ی كه كێ له ڕێگای ڕاستی خوای گه‌وره لایداوه‌و گومڕا بووه، وه هه‌ر خوای گه‌وره زاناتره به‌و كه‌سانه‌ی كه له‌سه‌ر ڕێگای هیدایه‌تن، واته: تۆ له‌سه‌ر ڕێگای هیدایه‌ت و ڕێگای ڕاستی خوای گه‌وره‌ی، وه ئه‌وان له ڕێگای ڕاست لایانداوه‌و ڕێگای ڕاستیان ون كردووه‌و وێڵ و سه‌رگه‌ردان و گومڕابوونه.
የአረብኛ ቁርኣን ማብራሪያ:
وَدُّواْ لَوۡ تُدۡهِنُ فَيُدۡهِنُونَ
[ وَدُّوا لَوْ تُدْهِنُ فَيُدْهِنُونَ (٩) ] ئه‌وان ئاواته‌خوازن كه‌مێك تۆ نه‌رمییان بۆ بنوێنی ئه‌وان زۆر نه‌رمی ئه‌نوێنن، یان كه‌مێك به‌ڵای ئه‌واندا بڕۆی ئه‌وان زیاتر به‌ڵای تۆدا دێن، یان كه‌مێك سازشیان بۆ بكه‌ی له حه‌قه‌كه ئه‌وان زیاتر له دینه‌كه‌ی خۆیان سازشت بۆ ئه‌كه‌ن، بۆیه شتی وا نه‌كه‌یت.
የአረብኛ ቁርኣን ማብራሪያ:
هَمَّازٖ مَّشَّآءِۭ بِنَمِيمٖ
[ هَمَّازٍ ] كه‌سێكه ڕووبه‌ڕوو گاڵته به خه‌ڵك ئه‌كات و تانه‌و ته‌شه‌ریان لێده‌دات، (لَمَّاز) ئه‌وه‌ی كه له پاشمله گاڵته به خه‌ڵكى ده‌كات، یاخود ئه‌وه‌ی كه به‌ده‌ست و به پێڵوی چاو و به برۆ و ئه‌وانه گاڵته به خه‌ڵكى ده‌كات [ مَشَّاءٍ بِنَمِيمٍ (١١) ] ئه‌و كه‌سانه‌ی كه دووزمانی ئه‌كه‌ن و له نێوان خه‌ڵكیدا قسه دێنن و قسه ئه‌به‌ن بۆ ئه‌وه‌ی كه ئاژاوه‌و كێشه بخه‌نه نێوان خه‌ڵكیه‌وه، كه ئه‌مانه ناچنه به‌هه‌شته‌وه.
የአረብኛ ቁርኣን ማብራሪያ:
مَّنَّاعٖ لِّلۡخَيۡرِ مُعۡتَدٍ أَثِيمٍ
[ مَنَّاعٍ لِلْخَيْرِ مُعْتَدٍ أَثِيمٍ (١٢) ] وه ئه‌و كه‌سانه‌ی كه قه‌ده‌غه‌ی هه‌موو خێرو چاكه‌یه‌ك ئه‌كه‌ن، وه ده‌ستدرێژیكارن و سنورى خواى گه‌وره ده‌به‌زێنن، وه زۆر تاوانبارن و له حه‌رام ناگه‌ڕێنه‌وه [ عُتُلٍّ ] وه كه‌سانێكی زۆر ڕه‌ق و وشك و زمان خراپ و ڕه‌وشت خراپن، وه به‌خه‌م و هۆڵی دونیاوه‌ن و پاره كۆ ئه‌كه‌نه‌وه‌و قه‌ده‌غه‌ى خێر ئه‌كه‌ن و لێی نابه‌خشن.
የአረብኛ ቁርኣን ማብራሪያ:
إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
[ إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ (١٥) ] كاتێك كه ئایه‌ته‌كانی ئێمه‌ی به‌سه‌ردا بخوێندرایه‌ته‌وه ئه‌یووت ئه‌مه به‌سه‌رهات و سه‌رگوزشته‌ی ئوممه‌تانی پێشتره ئه‌مه فه‌رمووده‌و فه‌رمایشتی خوا نیه‌و له‌لایه‌ن خواوه نه‌هاتووه.
የአረብኛ ቁርኣን ማብራሪያ:
سَنَسِمُهُۥ عَلَى ٱلۡخُرۡطُومِ
[ سَنَسِمُهُ عَلَى الْخُرْطُومِ (١٦) ] خوای گه‌وره فه‌رمووی: ئه‌بێ له دونیادا لووتی دیاری و نیشان و ڕه‌ش بكه‌ین و بناسرێته‌وه پێش ئه‌وه‌ی كه له ڕۆژی قیامه‌تدا بیخه‌ینه ئاگری دۆزه‌خه‌وه، ئه‌وه‌بوو كه له جه‌نگى به‌در شمشێر به‌ر لووتی كه‌وت و لووتی بڕاو بووه نیشانه‌یه‌ك پێوه‌ی.
የአረብኛ ቁርኣን ማብራሪያ:
የቅዱስ ቁርዓን ይዘት ትርጉም - የኩርድኛ ትርጉም - በሶላሑ ዲን - የትርጉሞች ማዉጫ
በሶላሑ ዲን ዐብዱል ከሪም