የይዘት ትርጉም ምዕራፍ ሱረቱ አት ተካሱር - ስዋሂሊኛ ትርጉም - በዓሊይ ሙሕሲን አል-በርዋሊይ - የቅዱስ ቁርዓን ማህደር

Surat At-Takathur

አንቀጽ: 1

أَلۡهَىٰكُمُ ٱلتَّكَاثُرُ

Kumekushughulisheni kutafuta wingi,

Yamekushughulisheni mkaacha kutimiza yaliyo waajibu na ya ut'iifu kule kujitapa kwenu kwa wana na wafwasi, na kujifakhiri kwa mali, na hisabu, na nasaba, mpaka yakusibuni mauti!

አንቀጽ: 2

حَتَّىٰ زُرۡتُمُ ٱلۡمَقَابِرَ

Mpaka mje makaburini!

Mpaka yakusibuni mauti!

አንቀጽ: 3

كَلَّا سَوۡفَ تَعۡلَمُونَ

Sivyo hivyo! Mtakuja jua!

Hakika mtakuja jua matokeo ya upumbavu wenu na mapuuza yenu.

አንቀጽ: 4

ثُمَّ كَلَّا سَوۡفَ تَعۡلَمُونَ

Tena sivyo hivyo! Mtakuja jua!

Na hakika bila ya shaka mtakuja jua natija ya hayo!

አንቀጽ: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

Sivyo hivyo! Lau mngeli jua kwa ujuzi wa yakini,

Ama kwa hakika lau mngeli jua kwa yakini uovu wa mwisho wenu bila ya shaka mngeli ogopa huko kushindania kurindika mali, na mngeli jitengenezea Akhera yenu.

አንቀጽ: 6

لَتَرَوُنَّ ٱلۡجَحِيمَ

Basi bila ya shaka mtaiona Jahannamu!

Nakuapieni na nakutilieni mkazo, enyi watu, kwamba hakika nyinyi mtakuja ushuhudia Moto unao waka.

አንቀጽ: 7

ثُمَّ لَتَرَوُنَّهَا عَيۡنَ ٱلۡيَقِينِ

Tena, bila ya shaka, mtaiona kwa jicho la yakini.

Kisha ninaapa na natilia mkazo kwamba mtauona wazi na kwa yakini.

አንቀጽ: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Tena bila ya shaka mtaulizwa siku hiyo juu ya neema.

Tena naapa na natilia mkazo kwamba hakika nyinyi mtahisabiwa kwa neema mlizo deka nazo na mkazistarehea.