የይዘት ትርጉም ምዕራፍ ሱረቱ አን ነበእ - የኡዝቤክኛ ቋንቋ ትርጉም - በዒላኡዲን መንሱር - የቅዱስ ቁርዓን ማህደር

Набаъ сураси

አንቀጽ: 1

عَمَّ يَتَسَآءَلُونَ

1. (Мушриклар) бир-бирларидан нима ҳақида сўрашмоқдалар?!

አንቀጽ: 2

عَنِ ٱلنَّبَإِ ٱلۡعَظِيمِ

2. Улуғ хабар ҳақида

አንቀጽ: 3

ٱلَّذِي هُمۡ فِيهِ مُخۡتَلِفُونَ

3. Улар ўзлари ихтилоф қилгувчи бўлган (улуғ хабар ҳакқда яъни, қайта тирилиш тўғрисида савол-жавоб қилмоқдалар)!

አንቀጽ: 4

كَلَّا سَيَعۡلَمُونَ

4. Йўқ (уларнинг гумонлари беҳудадир)! Улар яқинда (бу хабарнинг ҳақ эканини) билиб олажаклар!

አንቀጽ: 5

ثُمَّ كَلَّا سَيَعۡلَمُونَ

5. Яна бир бор йўқ! Улар яқинда билиб олажаклар!

И з о ҳ. Муҳаммад алайҳис-салоту вас-салом пайғамбар қилиб юборилганларидан сўнг Макка аҳлига қайта тирилиш ҳақ эканлиги ҳақида хабар берганларида, айрим мушриклар бу хабарни инкор қилган бўлишса, айримлари унга гумон билан қарашиб, бир-бирлари билан шу ҳақда талашиб-тортиша бошладилар. Шунда юқоридаги оятлар нозил бўлиб, уларнинг бундай савол-жавоблари нодуруст экани ва эрта бир кун — Қиёмат қойим бўлгач, улар бу хабарнинг ҳақ эканлигини билиб қолишлари, аммо у Кунда уларнинг билишлари ҳам, тавба-тазарру қилишлари ҳам бефойда бўлиб қолиши таъкидланди. Энди қуйидаги оятларда Аллоҳ таолонинг қудратини намойиш этадиган, ўлган жасадни қайта тирилтиришга нисбатан беқиёс улкан ва улуғ илоҳий мўъжизалар санаб ўтилади.

አንቀጽ: 6

أَلَمۡ نَجۡعَلِ ٱلۡأَرۡضَ مِهَٰدٗا

6. Биз Ерни (барча жонзотлар маскан тутиб яшашлари учун) бир тўшак,

አንቀጽ: 7

وَٱلۡجِبَالَ أَوۡتَادٗا

7. тоғларни эса (ўша Ерни тутиб тургувчи) қозиқлар қилиб қўймадикми?!

አንቀጽ: 8

وَخَلَقۡنَٰكُمۡ أَزۡوَٰجٗا

8. Биз сизларни жуфт-жуфт қилиб яратдик.

አንቀጽ: 9

وَجَعَلۡنَا نَوۡمَكُمۡ سُبَاتٗا

9. Уйқуларингизни (баданларингиз ва асабларингиз учун) ором қилдик.

И з о ҳ. Дарҳақиқат, уйқу Аллоҳ таолонинг энг улуғ неъматларидин биридир. Зеро, дунёдаги барча жонзот мубтало бўлган толиқиш, чарчаш деган бир дард борки, бу дарднинг уйқудан бўлак дармони йўқдир. Эҳтимол уйқусизлик дардига йўлиққан кишини бирон дори воситасида ухлатиш мумкиндир, лекин мана шу уйқуни яна бадтар чарчатадиган меҳнат эмас, балки ором-роҳат қилиш Яратгандан ўзганинг қўлидан келмас.

አንቀጽ: 10

وَجَعَلۡنَا ٱلَّيۡلَ لِبَاسٗا

10. Кечани (ўз қоронғуси билан барча нарсани яшириб турадиган) либос қилдик.

አንቀጽ: 11

وَجَعَلۡنَا ٱلنَّهَارَ مَعَاشٗا

11. Кундузни эса тирикчилик (учун белгиланган вақт) қилдик.

አንቀጽ: 12

وَبَنَيۡنَا فَوۡقَكُمۡ سَبۡعٗا شِدَادٗا

12. Устларингизда етти (қават) пишиқ-мустаҳкам (осмонни) бино қилдик.

አንቀጽ: 13

وَجَعَلۡنَا سِرَاجٗا وَهَّاجٗا

13. Ва доимо чарақлаб тургувчи чироқни (яъни, қуёшни пайдо) қилдик.

አንቀጽ: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

14. Яна Биз ўзидан ёмғирни сиқиб чиқаргувчи (булут)лардан мўл-кўл сув-ёмғир ёғдирдик.

አንቀጽ: 15

لِّنُخۡرِجَ بِهِۦ حَبّٗا وَنَبَاتٗا

15. Ўша (ёмғир) ёрдамида дон ва набототни

አንቀጽ: 16

وَجَنَّٰتٍ أَلۡفَافًا

16. ҳамда (қалинлигидан дарахтлари) бир-бирига чирмашиб кетган боғларни ундириб чиқариш учун (мўл-кўл ёмғир ёғдирдик).

И з о ҳ. Юқоридаги оятларда Аллоҳ таоло Ўзининг қудратини кўрсатиб турадиган тўққиз ёрқин далилни келтиргач, энди яна аввалги мавзу — қайта тирилиш мавзусига қайтилади.

አንቀጽ: 17

إِنَّ يَوۡمَ ٱلۡفَصۡلِ كَانَ مِيقَٰتٗا

17. Албатта (ҳақ билан ботил, яхши билан ёмон) ажратиладиган Кун (ҳисоб-китоб учун) белгиланган вақт бўлди.

አንቀጽ: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

18. У Кунда Сур чалинур, бас, сизлар тўп-тўп бўлиб (маҳшаргоҳга) келурсизлар!

አንቀጽ: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

19. Осмон ҳам очилиб, (фаришталар тушиб келадиган) эшикларга айланиб қолди!

አንቀጽ: 20

وَسُيِّرَتِ ٱلۡجِبَالُ فَكَانَتۡ سَرَابًا

20. Тоғлар ҳам (жойларидан) жилдирилиб, (осмонда учиб юрган) саробга айланиб қолди!

አንቀጽ: 21

إِنَّ جَهَنَّمَ كَانَتۡ مِرۡصَادٗا

21. Албатта жаҳаннам (ўзига қулаб тушадиган кофирларга) кўз тутиб тургувчи бўлди.

አንቀጽ: 22

لِّلطَّٰغِينَ مَـَٔابٗا

22. Туғёнга тушгувчиларнинг борар жойлари бўлган (жаҳаннам кўз тутиб тургувчи бўлди).

አንቀጽ: 23

لَّٰبِثِينَ فِيهَآ أَحۡقَابٗا

23. Улар у жойда узоқ замонлар (яъни, абадул-абад) қолгувчидирлар!

አንቀጽ: 24

لَّا يَذُوقُونَ فِيهَا بَرۡدٗا وَلَا شَرَابًا

24. Улар у жойда (жаҳаннам ўтидан ором берадиган) бирон салқинни ва бирон ичимликни топмаслар!

አንቀጽ: 25

إِلَّا حَمِيمٗا وَغَسَّاقٗا

25. Фақат қайноқ сув ва йирингнигина (тотурлар)!

አንቀጽ: 26

جَزَآءٗ وِفَاقًا

26. (Мана шу уларнинг қилмишларига) яраша жазодир!

አንቀጽ: 27

إِنَّهُمۡ كَانُواْ لَا يَرۡجُونَ حِسَابٗا

27. Чунки улар (Қиёмат Кунидаги) ҳисоб-китобдан умидсиз бўлган кимсалардир.

አንቀጽ: 28

وَكَذَّبُواْ بِـَٔايَٰتِنَا كِذَّابٗا

28. Улар бизнинг оятларимизни бутунлай ёлғон дер эдилар!

አንቀጽ: 29

وَكُلَّ شَيۡءٍ أَحۡصَيۡنَٰهُ كِتَٰبٗا

29. Ҳолбуки, Биз барча нарсани ҳисоб-китоб қилиб, ёзиб қўйгандирмиз!

አንቀጽ: 30

فَذُوقُواْ فَلَن نَّزِيدَكُمۡ إِلَّا عَذَابًا

30. Бас, (эй кофирлар, Бизнинг азобимизни) тотиб кўринглар! Энди Биз сизларга фақат азобнигина зиёда қилурмиз!

አንቀጽ: 31

إِنَّ لِلۡمُتَّقِينَ مَفَازًا

31. Албатта тақводор зотлар учун (жаннатда) нажот манзили бордир.

አንቀጽ: 32

حَدَآئِقَ وَأَعۡنَٰبٗا

32. Яна боғлар ва узумзорлар.

አንቀጽ: 33

وَكَوَاعِبَ أَتۡرَابٗا

33. (Ёш ва ҳуснда) тенгдош хушқад (ҳур)лар.

አንቀጽ: 34

وَكَأۡسٗا دِهَاقٗا

34. Ва (шароб билан) тўла майкосалар бордир.

አንቀጽ: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

35. Улар у жойда бирон беҳуда ва ёлғон сўз эшитмаслар.

አንቀጽ: 36

جَزَآءٗ مِّن رَّبِّكَ عَطَآءً حِسَابٗا

36. (Бу) Парвардигорингиз томонидан (берилган) мукофот, етарли марҳаматдир.

አንቀጽ: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

37. Осмонлар ва Ернинг ҳамда уларнинг ўртасидаги бор нарсаларнинг Парвардигори бўлмиш Меҳрибон Зот томонидан (берилган мукофот, етарли марҳаматдир). Улар (инсонлар) У зотдан (Аллоҳдан) қўрқиб бирон сўз айтишга қодир бўлмаслар.

አንቀጽ: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

38. Руҳ (Жаброил) ва (барча) фаришталар саф тортиб турадиган Кунда улар сўзлай олмаслар, фақат У Меҳрибон зот изн берган кишигина (сўзлар) ва (фақат) рост сўзни айтур.

አንቀጽ: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

39. Бу ҳаққи-рост Кундир. Бас, ким хоҳласа, ўз Парвардигори томон қайтадиган йўлни тутур.

አንቀጽ: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

40. (Эй Макка кофирлари), дарҳақиқат, Биз сизларни яқин(да воқеъ бўладиган) азобдан огоҳлантирдик. У Кунда (ҳар бир) киши ўзи қилиб ўтган нарсани (яъни, барча яхши-ёмон амалларини) кўрур ва кофир кимса: «Эҳ, кошки эди (қайтадан) тупроққа айланиб кетсам(-у муҳаққақ бошимга тушадиган азобдан қутулсам)», деб қолур.