ترجمة معاني سورة البروج - الترجمة الألبانية - حسان ناهي - موسوعة القرآن الكريم

سورة البروج - Suretu El Buruxh

آية: 1

وَٱلسَّمَآءِ ذَاتِ ٱلۡبُرُوجِ

Për qiellin me yjësi,

آية: 2

وَٱلۡيَوۡمِ ٱلۡمَوۡعُودِ

për Ditën e premtuar^[399],

[399] Ditën e Kiametit.

آية: 3

وَشَاهِدٖ وَمَشۡهُودٖ

për dëshmitarin dhe për atë që dëshmohet!

آية: 4

قُتِلَ أَصۡحَٰبُ ٱلۡأُخۡدُودِ

Mallkuar qofshin njerëzit e Hendekut,^[400]

[400] “Njerëzit e Hendekut”: vargu bën fjalë për një ngjarje që ka për protagonist një mbret çifut të Nexhranit, në veri të Jemenit, të quajtur Dhu Nuvas. Ai i përndoqi të krishterët e asaj krahine dhe martirizoi një numër të madh prej tyre, duke i hedhur në një hendek të mbushur me zjarr. Sipas disa transmetimeve, aty u dogjën njëzet e tre mijë të krishterë. Historia tregon se ky krim nuk mbeti pa u ndëshkuar, sepse një ushtri prej shtatëdhjetë mijë vetash u dërgua kundër Dhu Nuvasit nga Negusi i Etiopisë. Ushtria e Dhu Nuvasit u shpartallua, ai vrau veten dhe njerëzit e tij u skllavëruan. Për të marrë hakun e të krishterëve të vrarë, kaloi nën tehun e shpatës një e treta e burrave të Nexhranit dhe një e gjashta e grave u skllavërua.

آية: 5

ٱلنَّارِ ذَاتِ ٱلۡوَقُودِ

zjarrit (të ushqyer) me lëndë djegëse,

آية: 6

إِذۡ هُمۡ عَلَيۡهَا قُعُودٞ

kur rrinin ulur rreth tij,

آية: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

duke dëshmuar atë që po i bënin besimtarëve!

آية: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Ata i munduan besimtarët, vetëm pse këta i besuan Allahut, të Plotfuqishmit, të Denjit për çdo lavd,

آية: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

të Cilit i përket pushteti i qiejve dhe i Tokës dhe që është Dëshmitar i çdo gjëje.

آية: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Pa dyshim, ata që i përndjekin besimtarët dhe besimtaret e nuk pendohen, i pret dënimi i Xhehenemit dhe dënimi me djegie.

آية: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Kurse për ata, që besojnë dhe bëjnë vepra të mira, do të ketë kopshte, nëpër të cilat rrjedhin lumenj. Kjo është fitorja madhështore.

آية: 12

إِنَّ بَطۡشَ رَبِّكَ لَشَدِيدٌ

Vërtet, ndëshkimi i Zotit tënd është i ashpër!

آية: 13

إِنَّهُۥ هُوَ يُبۡدِئُ وَيُعِيدُ

Vërtet, Ai e zë fill krijimin dhe e përsërit atë.

آية: 14

وَهُوَ ٱلۡغَفُورُ ٱلۡوَدُودُ

Ai është Falësi i madh, i Dhembshuri,

آية: 15

ذُو ٱلۡعَرۡشِ ٱلۡمَجِيدُ

Zotëruesi i Fronit të Lavdishëm,

آية: 16

فَعَّالٞ لِّمَا يُرِيدُ

Vepruesi i gjithçkaje që dëshiron.

آية: 17

هَلۡ أَتَىٰكَ حَدِيثُ ٱلۡجُنُودِ

A e ke dëgjuar ndodhinë e ushtrive

آية: 18

فِرۡعَوۡنَ وَثَمُودَ

të Faraonit dhe të fisit Themud?

آية: 19

بَلِ ٱلَّذِينَ كَفَرُواْ فِي تَكۡذِيبٖ

E megjithatë, ata që nuk besojnë, vazhdojnë ta quajnë atë (Kuranin) të rremë,

آية: 20

وَٱللَّهُ مِن وَرَآئِهِم مُّحِيطُۢ

ndonëse Allahu është pas tyre e i ka nën kontroll.

آية: 21

بَلۡ هُوَ قُرۡءَانٞ مَّجِيدٞ

Përkundrazi, ai është një Kuran i lavdishëm,

آية: 22

فِي لَوۡحٖ مَّحۡفُوظِۭ

në Pllakën e Ruajtur mirë (Leuhi Mahfûdh).