ترجمة معاني آية 1 سورة الطلاق - الترجمة الأذرية للمختصر في تفسير القرآن الكريم - موسوعة القرآن الكريم

سورة الطلاق - ət-Talaq

من مقاصد السورة:

بيان أحكام الطلاق وتعظيم حدوده وثمرات التقوى.

Talaqın əhkamlarını, onun hüdudlarına ehtiramla yanaşmanı və təqvanın səmərəsini bəyan etmək.

---

آية: 1

يَٰٓأَيُّهَا ٱلنَّبِيُّ إِذَا طَلَّقۡتُمُ ٱلنِّسَآءَ فَطَلِّقُوهُنَّ لِعِدَّتِهِنَّ وَأَحۡصُواْ ٱلۡعِدَّةَۖ وَٱتَّقُواْ ٱللَّهَ رَبَّكُمۡۖ لَا تُخۡرِجُوهُنَّ مِنۢ بُيُوتِهِنَّ وَلَا يَخۡرُجۡنَ إِلَّآ أَن يَأۡتِينَ بِفَٰحِشَةٖ مُّبَيِّنَةٖۚ وَتِلۡكَ حُدُودُ ٱللَّهِۚ وَمَن يَتَعَدَّ حُدُودَ ٱللَّهِ فَقَدۡ ظَلَمَ نَفۡسَهُۥۚ لَا تَدۡرِي لَعَلَّ ٱللَّهَ يُحۡدِثُ بَعۡدَ ذَٰلِكَ أَمۡرٗا

Ey Peyğəmbər! Əgər sən və ya sənin ümmətindən bir kimsə öz qadınını boşamaq istəsə, qoy onu gözləmə müddətinin əvvəlində boşasın, yəni qadın heyzdən təmizləndikdən sonra ona yaxınlıq etmədiyi halda talaq versin. Gözləmə müddətini hesablayın ki, zövcələrinizi qaytarmaq istədiyiniz təqdirdə onları qaytara biləsiniz. Allahın buyuruqlarını yerinə yetirib qadağan etdiyi işlərdən çəkinməklə Rəbbiniz olan Allahdan qorxun. Boşadığınız qadınların gözləmə müddəti bitməyincə -açıq-aşkar zinakarlıq etmələri müstəsna olmaqla- onları yaşadıqları evlərindən qovub çıxartmayın və onlar özləri də oradan çıxmasınlar. Bu hökmlər Allahın Öz qulları üçün qoyduğu hüdudlardır. Allahın qoyduğu hüdudları aşan kimsə, Rəbbinə asilik edib özünü həlaka sürükləməklə özünə zülm etmiş sayılar. Ey zövcəsini boşayan kəs! Sən nə bilirsən, ola bilsin ki, Allah bundan sonra sənin qəlbinə istək salsın və bununla da zövcəni geri qaytarasan.

من فوائد الآيات في هذه الصفحة:

• خطاب النبي صلى الله عليه وسلم خطاب لأمته ما لم تثبت له الخصوصية.

Peyğəmbərə (səllallahu aleyhi və səlləmə) edilən xitabın xüsusilə onun özünə aid olunduğuna dair dəlil varid olmadıqca, bu xitab onun bütün ümmətinə də aid edilir.

• وجوب السكنى والنفقة للمطلقة الرجعية.

Qadına rici talaq verdikdə onun qalacağı yeri və digər xərclərini (yemək-içmək, geyim və s.) təmin etmək vacibdir.

• النَّدْب إلى الإشهاد حسمًا لمادة الخلاف.

Sonradan ixtilaf düşməsin deyə əvvəlcədən şahidlik etməyin müstəhəb sayılması.

• كثرة فوائد التقوى وعظمها.

Allahdan qorxmağın insana çox fayda verməsi və onun əzəmətli bir iş olması.