ترجمة معاني سورة العلق - الترجمة الكيروندية - موسوعة القرآن الكريم

سورة العلق - SURATU L’ALAQ

آية: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Muvugishwamana! Soma ivyo wahishuriwe muri Qor’ani, maze utangure kw’izina ry’Imana yawe Allah Yaremye;

آية: 2

خَلَقَ ٱلۡإِنسَٰنَ مِنۡ عَلَقٍ

Yaremye zina kiremwa-muntu mu maraso avuze.

آية: 3

ٱقۡرَأۡ وَرَبُّكَ ٱلۡأَكۡرَمُ

Muvugishwamana! Soma ivyo wahishuriwe muri Qor’ani, wizeye ko Imana yawe Rurema Allah ari Yo Mugiraneza-ntangere;

آية: 4

ٱلَّذِي عَلَّمَ بِٱلۡقَلَمِ

Yigishije ibiremwa kwandika n’ikaramu;

آية: 5

عَلَّمَ ٱلۡإِنسَٰنَ مَا لَمۡ يَعۡلَمۡ

Yigishije kiremwa-muntu ivyo kitari kizi, Iraheza Igikura mu muzimagiza w’ubujuju Igishira mu muco w’ubumenyi.

آية: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Si ivy’imbeshere ko umuntu yama yarenze ku mabwirizwa y’Imana Allah ku bwishime;

آية: 7

أَن رَّءَاهُ ٱسۡتَغۡنَىٰٓ

Abitewe n'uko abonye yamaze kwikenura agatunga;

آية: 8

إِنَّ إِلَىٰ رَبِّكَ ٱلرُّجۡعَىٰٓ

Mu vy’ukuri uburuhukiro bwiwe, ni ku Mana yawe Rurema Allah, Izomuhembera ivyo yakoze.

آية: 9

أَرَءَيۡتَ ٱلَّذِي يَنۡهَىٰ

Mbega, warabonye igitangaje kurusha umuntu^[1] aburabuza;

[1] Ni umuhakanyi yarwanije cane Intumwa Muhamadi (nyakugira amahoro n’impuhwe z’Imana Allah), yitwa Abu Jahli.

آية: 10

عَبۡدًا إِذَا صَلَّىٰٓ

Umuja^[2] w’Imana Allah mu gihe ariko arasenga!

[2] Yaburabuje umuja w’Imana Muhamadi gusenga.

آية: 11

أَرَءَيۡتَ إِن كَانَ عَلَى ٱلۡهُدَىٰٓ

Mbega, ubona gute mu gihe uyo aburabuzwa ugusenga, yoba ari mu nzira igororotse!

آية: 12

أَوۡ أَمَرَ بِٱلتَّقۡوَىٰٓ

Canke akaba ariko arabwiriza gukora iciza c'igamburukiramana!

آية: 13

أَرَءَيۡتَ إِن كَذَّبَ وَتَوَلَّىٰٓ

Mbega, ubona gute mu gihe uyo aburabuza ugusenga, yoba ahakana ubutumwa, akagenza umugongo yirengagiza ukwemera Allah!

آية: 14

أَلَمۡ يَعۡلَم بِأَنَّ ٱللَّهَ يَرَىٰ

Mbega, ntazi neza ko Imana Allah Ibona ivyo akora!

آية: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Nateshwe ate, arahumba! Ni ukuri, ataretse kurwanya Intumwa, Tuzomufatira mu ruhanga, maze Tumujungunyire mu muriro;

آية: 16

نَاصِيَةٖ كَٰذِبَةٍ خَاطِئَةٖ

Uruhanga rw’umubeshi, umunyavyaha;

آية: 17

فَلۡيَدۡعُ نَادِيَهُۥ

Arahamagara rero abateramyi biwe baze bamutabare;

آية: 18

سَنَدۡعُ ٱلزَّبَانِيَةَ

Na Twe Allah, Tuzoheza Duhamagare abamalayika b’ibihangange “Al-Zabaaniya”;

آية: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Ntumwa y’Imana! Nateshwe ate, arahumba mu kwibaza ko azoguturatuza. Ntukamwumvire ngo ureke gusenga, tsimbatara ku kwubamira Imana Allah, uheze ubandanye uyiyegereze unikundwakaze kuri Yo.