ترجمة معاني سورة الغاشية - الترجمة القيرغيزية - موسوعة القرآن الكريم

سورة الغاشية - Гаaшия

آية: 1

هَلۡ أَتَىٰكَ حَدِيثُ ٱلۡغَٰشِيَةِ

(Оо, Мухаммад!) сага Ороп алуучунун кабары келдиби?^[1]

[1] “Гаашиянын” мааниси “Ороп алуучу”. “Ороп алуучу” – бул Кыямат окуясы. Анткени, Кыямат окуясы башталганда ааламдык кыйроолор жана башка дүрбөлөңдүү алааматтар себептүү бардык жан-жаныбарларды чоң коркунуч ороп калат. Айрыкча каапырлар катуу коркушат. Себеби, алар бул күнгө ишенишпеген эле. Кийинки аяттар ошол күнкү каапырлардын абалы жөнүндө.

آية: 2

وُجُوهٞ يَوۡمَئِذٍ خَٰشِعَةٌ

Ал Күндө (каапыр) жүздөр коркууда(н кубарып, жер карайт).

آية: 3

عَامِلَةٞ نَّاصِبَةٞ

(Тозоктогу кишендерден) чарчаган, кыйналган абалда...

آية: 4

تَصۡلَىٰ نَارًا حَامِيَةٗ

кызыган отко кирет!

آية: 5

تُسۡقَىٰ مِنۡ عَيۡنٍ ءَانِيَةٖ

(Аларга) кайнаган булактан суу ичирилет!

آية: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Алар үчүн (тозокто) тикенден башка тамак жок!^[1]

[1] Бул тикен “зарийь” деп аталат.

آية: 7

لَّا يُسۡمِنُ وَلَا يُغۡنِي مِن جُوعٖ

(Ал) семиртпейт жана тойдурбайт!

آية: 8

وُجُوهٞ يَوۡمَئِذٖ نَّاعِمَةٞ

Ал күндө (ыймандуу) жүздөр шат-куунак!

آية: 9

لِّسَعۡيِهَا رَاضِيَةٞ

(Бул дүйнөдөгү адал, сооп) иш-аракеттерине ыраазы!

آية: 10

فِي جَنَّةٍ عَالِيَةٖ

Жогорку бейиште!

آية: 11

لَّا تَسۡمَعُ فِيهَا لَٰغِيَةٗ

Анда маанисиз сөздөрдү укпайт.

آية: 12

فِيهَا عَيۡنٞ جَارِيَةٞ

Анда агып тураган булактар,

آية: 13

فِيهَا سُرُرٞ مَّرۡفُوعَةٞ

бийик сөрүлөр,

آية: 14

وَأَكۡوَابٞ مَّوۡضُوعَةٞ

(ичишке даярдап) коюлган чөйчөктөр,

آية: 15

وَنَمَارِقُ مَصۡفُوفَةٞ

сап-сап тизилген жаздыктар

آية: 16

وَزَرَابِيُّ مَبۡثُوثَةٌ

жана төшөлгөн килемдер бар!

آية: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Алар (Каапырлар) карашпайбы, төөнүн кандай жаратылганына?!

آية: 18

وَإِلَى ٱلسَّمَآءِ كَيۡفَ رُفِعَتۡ

Асмандын кандай көтөрүп коюлганына...,

آية: 19

وَإِلَى ٱلۡجِبَالِ كَيۡفَ نُصِبَتۡ

Тоолордун кандай сайып коюлганына...,^[1]

[1] Тоолор - жердин казыктары. Тоолордун жердин түбүнө сайылган бөлүгү жер үстү бөлүгүнөн үч-төрт эсеге узун. Алар менен бекемделгени себептүү жер аман-эсен турат.

آية: 20

وَإِلَى ٱلۡأَرۡضِ كَيۡفَ سُطِحَتۡ

Жана жердин кандай жайып коюлганына?^[1]

[1] Жетинчи кылымдын кишисине “жердин тоголоктугуна карашпайбы?” деген кайрылуу болсо алар муну түшүнмөк да эмес, ишенмек да эмес. Айрыкча ал чөл адамы болсо, андан бетер таң калмак. Андан көрө аларга жердин кандай төшөк сымал жайып, тегиз кылып коюлганы айтылса, Аллахтын кудуретине көбүрөөк ушундан далил табышы мүмкүн эле.

آية: 21

فَذَكِّرۡ إِنَّمَآ أَنتَ مُذَكِّرٞ

(Оо, Мухаммад) эскерткин! Анткени, сен эскертүүчүсүң!^[1]

[1] Демек, пайгамбарлар – эскертүүчүлөр. Алар адамдарга Аллах тааланын өкүмдөрүн жеткирип, эскертип гана коюшат. Алардын аркаларынан “жасадыбы, жасабадыбы?” деп акмалап жүрүшпөйт жана зордук-зомбулук да көргөзүшпөйт.

آية: 22

لَّسۡتَ عَلَيۡهِم بِمُصَيۡطِرٍ

Сен аларга үстөмдүк кылуучу эмессиң!

آية: 23

إِلَّا مَن تَوَلَّىٰ وَكَفَرَ

Бирок, ким жүз бурса жана каапыр болсо,

آية: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

аны Аллах чоң азапка салат!

آية: 25

إِنَّ إِلَيۡنَآ إِيَابَهُمۡ

Алар (өлгөндөн соң) Бизге кайтышат.

آية: 26

ثُمَّ إِنَّ عَلَيۡنَا حِسَابَهُم

Кийин алар менен Өзүбүз эсептешип алабыз!