ترجمة معاني سورة المعارج - الترجمة البشتوية للمختصر في تفسير القرآن الكريم - رقم الصفحة 568 - موسوعة القرآن الكريم

سورة المعارج - معارج

من مقاصد السورة:

بيان حال وجزاء الخلق يوم القيامة.

د قيامت په ورځ د مخلوق د جزا او حال بيان.

---

آية: 1

سَاَلَ سَآىِٕلٌۢ بِعَذَابٍ وَّاقِعٍ ۟ۙ

له مشرکانو يو غوښتونکي د خپل ځان او قوم پر خلاف د عذاب غوښتنه وکړه چې که چېرې دغه عذاب راتلونکی وي، په داسې حال کې چې دا د هغه له لوري ملنډې وې، او هغه د قيامت په ورځ پېښېدونکی دی.

آية: 2

لِّلْكٰفِرِیْنَ لَیْسَ لَهٗ دَافِعٌ ۟ۙ

(هغه عذاب) پر الله د کفر کوونکو لپاره دی، د دغه عذاب لپاره څوک ايساروونکی نشته.

آية: 3

مِّنَ اللّٰهِ ذِی الْمَعَارِجِ ۟ؕ

د مرتبې، درجو، فضيلتونو او نعمتونو د څښتن له لورې دی.

آية: 4

تَعْرُجُ الْمَلٰٓىِٕكَةُ وَالرُّوْحُ اِلَیْهِ فِیْ یَوْمٍ كَانَ مِقْدَارُهٗ خَمْسِیْنَ اَلْفَ سَنَةٍ ۟ۚ

هغه ته پرېښتې او جبرئيل په دغو درجو کې ورخېژي، د قيامت په ورځ چې هغه دومره اوږده ورځ ده چې اندازه يې پنځوس زره کاله ده.

آية: 5

فَاصْبِرْ صَبْرًا جَمِیْلًا ۟

نو اې رسوله! داسې صبر کوه چې هيڅ وير او شکايت پکې نه وي.

آية: 6

اِنَّهُمْ یَرَوْنَهٗ بَعِیْدًا ۟ۙ

هغوی دغه عذاب لېرې او پېښېدل يې ناشوني ګڼي.

آية: 7

وَّنَرٰىهُ قَرِیْبًا ۟ؕ

او موږ هغه نېږدې هرومرو پېښېدونکی وينو.

آية: 8

یَوْمَ تَكُوْنُ السَّمَآءُ كَالْمُهْلِ ۟ۙ

په کومه ورځ چې آسمان به د سرو زرو او ميسو غوندې ويلې شي.

آية: 9

وَتَكُوْنُ الْجِبَالُ كَالْعِهْنِ ۟ۙ

او غرونه به په سپکوالي کې د وړۍ غوندې وي.

آية: 10

وَلَا یَسْـَٔلُ حَمِیْمٌ حَمِیْمًا ۟ۚۖ

او يو خپل به د بل خپل حال نه پوښتي، ځکه هر يو به په خپل ځان بوخت وي.

من فوائد الآيات في هذه الصفحة:

• تنزيه القرآن عن الشعر والكهانة.

د قرآن له شعر او کهانت څخه پاکوالی.

• خطر التَّقَوُّل على الله والافتراء عليه سبحانه.

پر الله پورې د خبرو تړلو او پر هغه پاک ذات پورې د درواغ ويلو خطر.

• الصبر الجميل الذي يحتسب فيه الأجر من الله ولا يُشكى لغيره.

ښه صبر دا دی چې په هغو کې له الله څخه د بدلې هيله ولري او بل چاته شکايت ونه کړي.