ترجمة معاني سورة الشمس - الترجمة التلغوية - عبد الرحيم بن محمد - موسوعة القرآن الكريم

سورة الشمس - సూరహ్ అష్-షమ్స్

آية: 1

وَالشَّمْسِ وَضُحٰىهَا ۟

సూర్యుని మరియు దాని ఎండ సాక్షిగా!^[1]

[1] 'దు'హా'హా: సూర్యుని ప్రకాశవంతమైన వెలుగు.

آية: 2

وَالْقَمَرِ اِذَا تَلٰىهَا ۟

దాని వెనుక వచ్చే చంద్రుని సాక్షిగా!

آية: 3

وَالنَّهَارِ اِذَا جَلّٰىهَا ۟

ప్రకాశించే పగటి సాక్షిగా!

آية: 4

وَالَّیْلِ اِذَا یَغْشٰىهَا ۟

దానిని క్రమ్ముకునే, రాత్రి సాక్షిగా!

آية: 5

وَالسَّمَآءِ وَمَا بَنٰىهَا ۟

ఆకాశం మరియు దానిని నిర్మించిన ఆయన (అల్లాహ్) సాక్షిగా!

آية: 6

وَالْاَرْضِ وَمَا طَحٰىهَا ۟

భూమి మరియు దానిని విస్తరింపజేసిన ఆయన సాక్షిగా!

آية: 7

وَنَفْسٍ وَّمَا سَوّٰىهَا ۟

మానవ ఆత్మ మరియు దానిని తీర్చిదిద్దిన ఆయన సాక్షిగా!^[1]

[1] చూడండి, 87:2.

آية: 8

فَاَلْهَمَهَا فُجُوْرَهَا وَتَقْوٰىهَا ۟

ఆ తరువాత ఆయనే దానికి దుష్టతనాన్ని మరియు దైవభీతిని తెలియజేశాడు.^[1]

[1] ఫుజూరహా వతఖ్వాహా: అంటే మంచిచెడులు, అనే అర్థం కూడా వస్తుంది. చూడండి, ఇబ్నె-కసీ'ర్.

آية: 9

قَدْ اَفْلَحَ مَنْ زَكّٰىهَا ۟

వాస్తవానికి తన ఆత్మను శుద్ధపరచుకున్నవాడే సఫలుడవుతాడు.

آية: 10

وَقَدْ خَابَ مَنْ دَسّٰىهَا ۟ؕ

మరియు వాస్తవానికి దానిని అణగ ద్రొక్కిన వాడే విఫలుడవుతాడు.^[1]

[1] దస్స: దాచి పెట్టడం, అణగద్రొక్కటం ఎవడైతే తన ఆత్మను అణగద్రొక్కాడో!

آية: 11

كَذَّبَتْ ثَمُوْدُ بِطَغْوٰىهَاۤ ۟

సమూద్ జాతి తలబిరుసుతనంతో (ప్రవక్తను) అసత్యవాదుడవని తిరస్కరించింది;^[1]

[1] 'తు'గ్ యానన్ : తలబిరుసుతనం. తలబిరుసుతనంలో వారు తమ ప్రవక్త అబద్ధీకుడని తిరస్కరించారు. స'మూద్ జాతి వారి గాథ కోసం చూడండి, 7:73-79.

آية: 12

اِذِ انْۢبَعَثَ اَشْقٰىهَا ۟

తమలోని పరమ దుష్టుడు (ఆ దుష్కార్యం చేయటానికి) లేచినప్పుడు;

آية: 13

فَقَالَ لَهُمْ رَسُوْلُ اللّٰهِ نَاقَةَ اللّٰهِ وَسُقْیٰهَا ۟ؕ

అల్లాహ్ సందేశహరుడు (సాలిహ్) వారితో: "ఈ ఆడ ఒంటె అల్లాహ్ కు చెందింది. కాబట్టి దీనిని (నీళ్ళు) త్రాగనివ్వండి!" అని అన్నాడు.

آية: 14

فَكَذَّبُوْهُ فَعَقَرُوْهَا— فَدَمْدَمَ عَلَیْهِمْ رَبُّهُمْ بِذَنْۢبِهِمْ فَسَوّٰىهَا ۟

అయినా వారు అతని (సాలిహ్) మాటను అబద్ధమని తిరస్కరించారు. మరియు దాని (ఆ ఒంటె) వెనక మోకాలి నరాన్ని కోసి, కుంటిదాన్ని చేసి చంపారు.^[1] కాబట్టి వారి ప్రభువు వారి పాపానికి పర్యవసానంగా వారి మీద మహా విపత్తును పంపి వారందరినీ నాశనం చేశాడు.

[1] దీని తాత్పర్యం ఏమిటంటే ఒక సమాజంలో ఏ ఒక్కడూ గానీ, లేక కొందరు గానీ దుష్టపనులు చేస్తున్నప్పుడు ఇతరులు వారిని ఆపకుండా, దానిని సమ్మతిస్తే, ఆ సమాజం వారంతా దోషులే. వారందరూ శిక్షార్హులే! కాబట్టి వారందరూ నాశనం చేయబడ్తారు.

آية: 15

وَلَا یَخَافُ عُقْبٰهَا ۟۠

మరియు ఆయన (అల్లాహ్) దాని పర్యవసానాన్ని గురించి భయపడలేదు!^[1]

[1] ఏదైనా ఇతర గొప్ప శక్తి ప్రతీకారం తీసుకుంటుందేమోనన్న భయం అల్లాహ్ (సు.తా.)కు లేదు. ఆయనకు సరిసమానమైన, లేక ఆయన కంటే పెద్దశక్తి అనేది ఏదీ లేదు. ఆయన మీద ఎవ్వరూ ప్రతీకారం తీర్చుకోలేరు.