ترجمة معاني سورة الغاشية - الترجمة الياؤو - موسوعة القرآن الكريم

سورة الغاشية - Al-Ghâshiah

آية: 1

هَلۡ أَتَىٰكَ حَدِيثُ ٱلۡغَٰشِيَةِ

Ana jinyyiche abali ja chakuunichila (ŵandu ni yogoyo yakwe, jajili Kiyama)?

آية: 2

وُجُوهٞ يَوۡمَئِذٍ خَٰشِعَةٌ

Ngope sine lyele lisikulyo sichiŵa syakunyosyeka.

آية: 3

عَامِلَةٞ نَّاصِبَةٞ

Syasyapanganyisye masengo (gasambi ku duniya), syakupela (nikwaluka ku Akhera).

آية: 4

تَصۡلَىٰ نَارًا حَامِيَةٗ

Sichijinjila ku Moto Wakupoteka nnope.

آية: 5

تُسۡقَىٰ مِنۡ عَيۡنٍ ءَانِيَةٖ

Sichimwesyedwa mu tutumule jwansemule kusyene.

آية: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Ngasakola ŵanganyao yakulya ikaŵeje miŵa janchongwe.

آية: 7

لَّا يُسۡمِنُ وَلَا يُغۡنِي مِن جُوعٖ

Jangajimbasya soni jangakamuchisya ku sala.

آية: 8

وُجُوهٞ يَوۡمَئِذٖ نَّاعِمَةٞ

Ngope sine lyele lisikulyo sichiŵa m’chindimba.

آية: 9

لِّسَعۡيِهَا رَاضِيَةٞ

Ligongo lya masengo gakwe (gambone) sichiŵa syakusengwa.

آية: 10

فِي جَنَّةٍ عَالِيَةٖ

Ku Mbepo Japenani.

آية: 11

لَّا تَسۡمَعُ فِيهَا لَٰغِيَةٗ

Ngasisija kupikana kwalakweko yangali mate.

آية: 12

فِيهَا عَيۡنٞ جَارِيَةٞ

Kweleko kwana tutumule jwakujilimaga.

آية: 13

فِيهَا سُرُرٞ مَّرۡفُوعَةٞ

Kweleko kwana itengu yauchimbichimbi yenyakulidwe.

آية: 14

وَأَكۡوَابٞ مَّوۡضُوعَةٞ

Ni migawo jeŵichidwe (chilepe).

آية: 15

وَنَمَارِقُ مَصۡفُوفَةٞ

Ni misago jejalidwe mu ntungo wambone.

آية: 16

وَزَرَابِيُّ مَبۡثُوثَةٌ

Ni yakutandika yaofuofu yetandichidwe posepose.

آية: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Ana ngakujiona ngamiya yajatite kagumbidwe?

آية: 18

وَإِلَى ٱلسَّمَآءِ كَيۡفَ رُفِعَتۡ

Ni liwunde yalyatite kanyakulidwe?

آية: 19

وَإِلَى ٱلۡجِبَالِ كَيۡفَ نُصِبَتۡ

Ni matumbi yagatite kasimichidwe?

آية: 20

وَإِلَى ٱلۡأَرۡضِ كَيۡفَ سُطِحَتۡ

Ni litaka yalyatite katandichidwe?

آية: 21

فَذَكِّرۡ إِنَّمَآ أَنتَ مُذَكِّرٞ

Basi kumbusyani, chisimu mmwejo ni nkukumbusya.

آية: 22

لَّسۡتَ عَلَيۡهِم بِمُصَيۡطِرٍ

Nganim'batu mmwe ŵakwakanganichisya ŵanganyao (chikulupi).

آية: 23

إِلَّا مَن تَوَلَّىٰ وَكَفَرَ

Ikaŵeje jwatagalauche (kuleka masengo gambone) ni kufulu (kuleka Usilamu),

آية: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Basi Allah tachinnagasya ni ilagasyo yekulungwa nnope.

آية: 25

إِنَّ إِلَيۡنَآ إِيَابَهُمۡ

Chisimu Kukwetu pe ni kwakuujila kwao.

آية: 26

ثُمَّ إِنَّ عَلَيۡنَا حِسَابَهُم

Soni chisimu kuŵalanjidwa kwao kuli Nowe.