অৰ্থানুবাদ ছুৰা ছুৰা আল-আদিয়াত - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আল-আদিয়াত

আয়াত: 1

وَالْعٰدِیٰتِ ضَبْحًا ۟ۙ

শপত ঊৰ্ধ্বশ্বাসত দৌৰি যোৱা ঘোঁৰাবোৰৰ,

আয়াত: 2

فَالْمُوْرِیٰتِ قَدْحًا ۟ۙ

যিবোৰে ক্ষুৰৰ আঘাতত ফিৰিঙতি উৰুৱায়,

আয়াত: 3

فَالْمُغِیْرٰتِ صُبْحًا ۟ۙ

যিবোৰে প্ৰভাতকালত আক্ৰমণ কৰে,

আয়াত: 4

فَاَثَرْنَ بِهٖ نَقْعًا ۟ۙ

ফলত সিহঁতে ইয়াৰ দ্বাৰা ধূলি উৰুৱায়;

আয়াত: 5

فَوَسَطْنَ بِهٖ جَمْعًا ۟ۙ

আৰু ইয়াৰ দ্বাৰা শত্ৰু দলৰ অভ্যন্তৰত সোমাই পৰে।

আয়াত: 6

اِنَّ الْاِنْسَانَ لِرَبِّهٖ لَكَنُوْدٌ ۟ۚ

নিশ্চয় মানুহ তাৰ প্ৰতিপালকৰ প্ৰতি অতিকৈ অকৃতজ্ঞ,

আয়াত: 7

وَاِنَّهٗ عَلٰی ذٰلِكَ لَشَهِیْدٌ ۟ۚ

নিশ্চয় সি এই বিষয়ে সাক্ষী,

আয়াত: 8

وَاِنَّهٗ لِحُبِّ الْخَیْرِ لَشَدِیْدٌ ۟ؕ

আৰু নিশ্চয় সি ধন-সম্পদৰ লোভত খুবেই প্ৰবল।

আয়াত: 9

اَفَلَا یَعْلَمُ اِذَا بُعْثِرَ مَا فِی الْقُبُوْرِ ۟ۙ

সি নাজানে নেকি যে, কবৰত যি আছে সেয়া উত্থিত হ’ব,

আয়াত: 10

وَحُصِّلَ مَا فِی الصُّدُوْرِ ۟ۙ

আৰু অন্তৰত যি আছে সেয়া প্ৰকাশিত হ’ব?

আয়াত: 11

اِنَّ رَبَّهُمْ بِهِمْ یَوْمَىِٕذٍ لَّخَبِیْرٌ ۟۠

নিশ্চয় সিহঁতৰ প্ৰতিপালক সেইদিনা সিহঁতৰ অৱস্থা সম্পৰ্কে সবিশেষ অৱহিত।