ترجمهٔ معانی سوره سوره عاديات - ترجمه ى آسامی - دایرة المعارف قرآن کریم

ছুৰা আল-আদিয়াত

آیه: 1

وَالْعٰدِیٰتِ ضَبْحًا ۟ۙ

শপত ঊৰ্ধ্বশ্বাসত দৌৰি যোৱা ঘোঁৰাবোৰৰ,

آیه: 2

فَالْمُوْرِیٰتِ قَدْحًا ۟ۙ

যিবোৰে ক্ষুৰৰ আঘাতত ফিৰিঙতি উৰুৱায়,

آیه: 3

فَالْمُغِیْرٰتِ صُبْحًا ۟ۙ

যিবোৰে প্ৰভাতকালত আক্ৰমণ কৰে,

آیه: 4

فَاَثَرْنَ بِهٖ نَقْعًا ۟ۙ

ফলত সিহঁতে ইয়াৰ দ্বাৰা ধূলি উৰুৱায়;

آیه: 5

فَوَسَطْنَ بِهٖ جَمْعًا ۟ۙ

আৰু ইয়াৰ দ্বাৰা শত্ৰু দলৰ অভ্যন্তৰত সোমাই পৰে।

آیه: 6

اِنَّ الْاِنْسَانَ لِرَبِّهٖ لَكَنُوْدٌ ۟ۚ

নিশ্চয় মানুহ তাৰ প্ৰতিপালকৰ প্ৰতি অতিকৈ অকৃতজ্ঞ,

آیه: 7

وَاِنَّهٗ عَلٰی ذٰلِكَ لَشَهِیْدٌ ۟ۚ

নিশ্চয় সি এই বিষয়ে সাক্ষী,

آیه: 8

وَاِنَّهٗ لِحُبِّ الْخَیْرِ لَشَدِیْدٌ ۟ؕ

আৰু নিশ্চয় সি ধন-সম্পদৰ লোভত খুবেই প্ৰবল।

آیه: 9

اَفَلَا یَعْلَمُ اِذَا بُعْثِرَ مَا فِی الْقُبُوْرِ ۟ۙ

সি নাজানে নেকি যে, কবৰত যি আছে সেয়া উত্থিত হ’ব,

آیه: 10

وَحُصِّلَ مَا فِی الصُّدُوْرِ ۟ۙ

আৰু অন্তৰত যি আছে সেয়া প্ৰকাশিত হ’ব?

آیه: 11

اِنَّ رَبَّهُمْ بِهِمْ یَوْمَىِٕذٍ لَّخَبِیْرٌ ۟۠

নিশ্চয় সিহঁতৰ প্ৰতিপালক সেইদিনা সিহঁতৰ অৱস্থা সম্পৰ্কে সবিশেষ অৱহিত।