অৰ্থানুবাদ ছুৰা ছুৰা আল-ক্বাৰিআহ - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আল-ক্বাৰিআহ

আয়াত: 1

اَلْقَارِعَةُ ۟ۙ

ভীতিপ্ৰদ মহা বিপদ।

আয়াত: 2

مَا الْقَارِعَةُ ۟ۚ

ভীতিপ্ৰদ মহা বিপদ কি?

আয়াত: 3

وَمَاۤ اَدْرٰىكَ مَا الْقَارِعَةُ ۟ؕ

ভীতিপ্ৰদ মহা বিপদ সম্পৰ্কে তুমি কি জানা?

আয়াত: 4

یَوْمَ یَكُوْنُ النَّاسُ كَالْفَرَاشِ الْمَبْثُوْثِ ۟ۙ

সেইদিনা মানুহ হ’ব বিক্ষিপ্ত কীট-পতঙ্গৰ দৰে।

আয়াত: 5

وَتَكُوْنُ الْجِبَالُ كَالْعِهْنِ الْمَنْفُوْشِ ۟ؕ

আৰু পৰ্বতসমূহ হ’ব ধূনা ৰঙীন ঊণৰ দৰে।

আয়াত: 6

فَاَمَّا مَنْ ثَقُلَتْ مَوَازِیْنُهٗ ۟ۙ

এতেকে যাৰ (ছোৱাবৰ) তুলাচনী গধুৰ হ’ব,

আয়াত: 7

فَهُوَ فِیْ عِیْشَةٍ رَّاضِیَةٍ ۟ؕ

তেওঁ থাকিব সন্তোষজনক জীৱনত;

আয়াত: 8

وَاَمَّا مَنْ خَفَّتْ مَوَازِیْنُهٗ ۟ۙ

আৰু যাৰ পাল্লা পাতল হ’ব,

আয়াত: 9

فَاُمُّهٗ هَاوِیَةٌ ۟ؕ

তাৰ ঠিকনা হ’ব ‘হা-ৱিয়াহ’।

আয়াত: 10

وَمَاۤ اَدْرٰىكَ مَا هِیَهْ ۟ؕ

আৰু তুমি কি জানা সেইটোনো কি?

আয়াত: 11

نَارٌ حَامِیَةٌ ۟۠

এইটো হৈছে এটা অত্যন্ত উত্তপ্ত অগ্নিকুণ্ড।