অৰ্থানুবাদ ছুৰা ছুৰা আল-আ'লা - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আল-আ'লা

আয়াত: 1

سَبِّحِ اسْمَ رَبِّكَ الْاَعْلَی ۟ۙ

তুমি তোমাৰ সুমহান প্ৰতিপালকৰ নামৰ পৱিত্ৰতা আৰু মহিমা ঘোষণা কৰা,

আয়াত: 2

الَّذِیْ خَلَقَ فَسَوّٰی ۟

যিজনে সৃষ্টি কৰিছে, তাৰ পিছত সুঠাম কৰিছে।

আয়াত: 3

وَالَّذِیْ قَدَّرَ فَهَدٰی ۟

আৰু যিজনে (ভাগ্য) নিৰ্ধাৰণ কৰিছে তাৰ পিছত সৎপথ প্ৰদৰ্শন কৰিছে,

আয়াত: 4

وَالَّذِیْۤ اَخْرَجَ الْمَرْعٰی ۟

আৰু যিজনে ঘাঁহ-বন তৃণ-লতা উৎপন্ন কৰিছে,

আয়াত: 5

فَجَعَلَهٗ غُثَآءً اَحْوٰی ۟ؕ

তাৰ পিছত সেইবোৰক ক'লা আৱৰ্জনাত পৰিণত কৰিছে।

আয়াত: 6

سَنُقْرِئُكَ فَلَا تَنْسٰۤی ۟ۙ

অনতিপলমে আমি তোমাক পাঠ কৰাম, ফলত তুমি নাপাহৰিবা,

আয়াত: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

কেৱল আল্লাহে যি বিচাৰে তাৰ বাহিৰে। নিশ্চয় তেওঁ প্ৰকাশ্য আৰু অপ্ৰকাশ্য সকলো জানে।

আয়াত: 8

وَنُیَسِّرُكَ لِلْیُسْرٰی ۟ۚۖ

আৰু আমি তোমাৰ বাবে (কল্যাণৰ পথ) সহজ কৰি দিম।

আয়াত: 9

فَذَكِّرْ اِنْ نَّفَعَتِ الذِّكْرٰی ۟ؕ

এতেকে উপদেশ দিয়া, যদি উপদেশ ফলপ্ৰসূ হয়;

আয়াত: 10

سَیَذَّكَّرُ مَنْ یَّخْشٰی ۟ۙ

উপদেশ সিয়েই গ্ৰহণ কৰিব যিয়ে ভয় কৰে।

আয়াত: 11

وَیَتَجَنَّبُهَا الْاَشْقَی ۟ۙ

আৰু যি হতভাগ্য সি ইয়াক অগ্ৰাহ্য কৰিব,

আয়াত: 12

الَّذِیْ یَصْلَی النَّارَ الْكُبْرٰی ۟ۚ

সি ভয়াৱহ জুইত প্ৰৱেশ কৰিব।

আয়াত: 13

ثُمَّ لَا یَمُوْتُ فِیْهَا وَلَا یَحْیٰی ۟ؕ

তাৰ পিছত সি তাত মৃত্যুবৰণো কৰিব নোৱাৰিব আৰু জীৱিতও থাকিব নোৱাৰিব।

আয়াত: 14

قَدْ اَفْلَحَ مَنْ تَزَكّٰی ۟ۙ

নিশ্চয় সিয়ে সফলতা লাভ কৰে, যিয়ে আত্মশুদ্ধি কৰে।

আয়াত: 15

وَذَكَرَ اسْمَ رَبِّهٖ فَصَلّٰی ۟ؕ

লগতে তাৰ প্ৰতিপালকৰ নাম স্মৰণ কৰে আৰু ছালাত আদায় কৰে।

আয়াত: 16

بَلْ تُؤْثِرُوْنَ الْحَیٰوةَ الدُّنْیَا ۟ۚۖ

কিন্তু তোমালোকে পৃথিৱীৰ জীৱনকহে প্ৰাধান্য দিয়া,

আয়াত: 17

وَالْاٰخِرَةُ خَیْرٌ وَّاَبْقٰی ۟ؕ

অথচ আখিৰাত সৰ্বোত্তম আৰু স্থায়ী।

আয়াত: 18

اِنَّ هٰذَا لَفِی الصُّحُفِ الْاُوْلٰی ۟ۙ

নিশ্চয় ইয়াৰ বৰ্ণনা আছে পূৰ্বৱৰ্তী ছহীফাসমূহত,

আয়াত: 19

صُحُفِ اِبْرٰهِیْمَ وَمُوْسٰی ۟۠

ইব্ৰাহীম আৰু মূছাৰ ছহীফাসমূহত।