অৰ্থানুবাদ ছুৰা ছুৰা আল-বুৰূজ - الترجمة القيرغيزية - আল-কোৰআনুল কাৰীমৰ বিশ্বকোষ

Буруж

আয়াত: 1

وَٱلسَّمَآءِ ذَاتِ ٱلۡبُرُوجِ

Мен топ жылдыздар мекени – асманга ант ичип,

আয়াত: 2

وَٱلۡيَوۡمِ ٱلۡمَوۡعُودِ

Убада кылынган (Кыямат) күнгө ант ичип.

আয়াত: 3

وَشَاهِدٖ وَمَشۡهُودٖ

(Ошол күнгө) күбө болгондорго жана күбө болунган(окуялар)га ант ичип (айтамын):

আয়াত: 4

قُتِلَ أَصۡحَٰبُ ٱلۡأُخۡدُودِ

Чуңкур ээлерине – өлүм болсун!^[1]

[1] Бул чуңкурду байыркы заманда жашаган каапыр адамдар өздөрүнүн көп кудайлык динине баш ийбей, жалгыз Аллах таалага ибадат кылган ыймандууларды жазалаш үчүн даярдаган. Ал кандай чуңкур болгонун кийинки аяттан билип алабыз.

আয়াত: 5

ٱلنَّارِ ذَاتِ ٱلۡوَقُودِ

(Ал чуңкур) отундуу жалын!

আয়াত: 6

إِذۡ هُمۡ عَلَيۡهَا قُعُودٞ

Ошондо, алар (отко ыргытылган ыймандуулардын күйгөнүнөн ырахат алып) чуңкурдун жээгинде олтурушкан!

আয়াত: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Алар(дын желдеттери) ыймандууларга жасап жаткан (азаптуу) иштерге күбө болуп турушкан!

আয়াত: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

(Каапырлар) аларды Жеңүүчү, мактоого арзыган Аллахка ыйман келтиргендери үчүн гана азапка салышты!^[1]

[1] Жалгыз Аллахка ыйман келтирген момундарды чуңкурдун жээгине алып келип “ыйманыңдан кайт!” деп талап коюшкан. Ыймандан кайтпагандарды жалындуу чуңкурга ыргытып жиберишкен.

আয়াত: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Ал асмандар жана жер мүлкүнүн (жалгыз) Ээси! Аллах ар бир нерсеге Күбө!

আয়াত: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Ыймандуу эркектер менен ыймандуу аялдарды динден кайтарууга аракеттенип, кийин тообо кылбагандарга тозок азабы бар! Жана аларга күйдүрүүчү азап бар!

আয়াত: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Ал эми, (Аллахка, периштелерге, китептерге, пайгамбарларга, Акырет күнгө, жана жакшы-жаман тагдырга) ыйман келтирип, жакшы амалдарды жасаган пенделер үчүн түбүнөн дарыялар аккан бейиштер бар! Бул – чоң жеңиш!

আয়াত: 12

إِنَّ بَطۡشَ رَبِّكَ لَشَدِيدٌ

Чынында, Раббиңдин (азап менен) кармашы аябай катуу!

আয়াত: 13

إِنَّهُۥ هُوَ يُبۡدِئُ وَيُعِيدُ

Бир Өзү гана жоктон бар кылат жана (Кыяматта жашоону) кайра жаратат.

আয়াত: 14

وَهُوَ ٱلۡغَفُورُ ٱلۡوَدُودُ

Ал – Кечиримдуу, (жана) Вадууд!^[1]

[1] Өзүнө моюн сунгандарды сүйүүчү жана Өзү дагы ыймандуулар тарабынан катуу сүйүлгөн.

আয়াত: 15

ذُو ٱلۡعَرۡشِ ٱلۡمَجِيدُ

(Ал) Арштын Кожоюну (жана) Улук!

আয়াত: 16

فَعَّالٞ لِّمَا يُرِيدُ

Каалаганын жасоочу!

আয়াত: 17

هَلۡ أَتَىٰكَ حَدِيثُ ٱلۡجُنُودِ

(Оо, Мухаммад) сага (Мусанын артынан кууган) аскерлердин,

আয়াত: 18

فِرۡعَوۡنَ وَثَمُودَ

Фараондун жана Самуд коомунун кабары келди беле?

আয়াত: 19

بَلِ ٱلَّذِينَ كَفَرُواْ فِي تَكۡذِيبٖ

Жок, каапырлар (дагы эле, Куранды жана кайра тирилүүнү) «жалган» дешүүдө.

আয়াত: 20

وَٱللَّهُ مِن وَرَآئِهِم مُّحِيطُۢ

Аллах болсо, алардын (бардык иштерин) камтып-билип турат.

আয়াত: 21

بَلۡ هُوَ قُرۡءَانٞ مَّجِيدٞ

Аныгында ал - Улуу Куран! (Каапырлар миң ирет «жалган» десе да кадыр-баркы төмөндөбөйт. Себеби, ал:)

আয়াত: 22

فِي لَوۡحٖ مَّحۡفُوظِۭ

Лавхул- Махфузда!