অৰ্থানুবাদ ছুৰা ছুৰা আল-হা-ক্বাহ - য়াও অনুবাদ - আল-কোৰআনুল কাৰীমৰ বিশ্বকোষ

Al-Hâqqah

আয়াত: 1

ٱلۡحَآقَّةُ

Chakusimichika (kwika kwakwe)!

আয়াত: 2

مَا ٱلۡحَآقَّةُ

Ana chakusimichika (kwika kwakwe) nichichi?

আয়াত: 3

وَمَآ أَدۡرَىٰكَ مَا ٱلۡحَآقَّةُ

Ana ni chichi champaka chimmanyisye ya chakusimichika (kwika kwakwe)? (Jeletu ni Kiyama).

আয়াত: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Ŵanya Asamuda ni Adi ŵakaaniile ya chagunda ntima (Kiyama).

আয়াত: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Mwanti ŵanya Asamuda ŵajonanjidwe ni n'gumilo wakupelenganya nnope.

আয়াত: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Sano ŵanya Adi ni ŵajonanjidwe ni mbungo jakusisima nnope soni jamachili gakupelenganya.

আয়াত: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

(Allah) ŵajitumisye kukwao yilo nsano naiŵili ni muusi nsano nautatu mwakulundanya, mwanti nkaweni ŵandu mwalakwemo ali jajaja! Nti chisawu mapata ga itela yatende gangali chachipali nkati mwakwe.

আয়াত: 8

فَهَلۡ تَرَىٰ لَهُم مِّنۢ بَاقِيَةٖ

Nambi kwali nkum'bona mwa ŵanganyao jwalijose jwasigele?

আয়াত: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Nombe Afiriauna kwisa soni ŵandu ŵa paujo pakwe ni achinsyene misi jajapitikusyidwe (ŵandu ŵa Lutwi) ŵayiche ni ilemwa.

আয়াত: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Sano (ŵaliose mwa ŵanganyao) ŵannyosyisye Ntenga jwa M’mbuje gwao, basi (Allah) ni jwaakwembekenye ni ilagasyo yakupelenganya nnope.

আয়াত: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Chisimu Uwwe ndema jagaagumbalile mesi (pachigumula cha Nuhu), twankwesisye ŵanganyammwe m’chombo chakwenda (mwakujajaŵala).

আয়াত: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tuchitende kuŵa chikumbusyo kukwenu, ni kuti lijisunje (jele abaliji) liwiwi lyakupikanichisya.

আয়াত: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Basi pandema jalichigombedwa lipenga n'gombo umpepe.

আয়াত: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Nombe litaka ni matumbi ni kutyosyedwa m’mangwakwe kaneka ni kusyajidwa nsyago umo.

আয়াত: 15

فَيَوۡمَئِذٖ وَقَعَتِ ٱلۡوَاقِعَةُ

Basi lyele lisikulyo chichipatikana chakupatikana (Kiyama).

আয়াত: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ni lichipapuka liwunde, mwanti lyalakwe palyele lisikulyo lichiŵa nyangwinyangwi (ngalimba).

আয়াত: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ni Achimalaika tachiŵa ali mungulugulu mwakwemo, soni pachanya pao lyele lisikulyo (Achimalaika ŵakwana) nsano naŵatatu, tachitwichila Arishi ja Ambuje ŵenu (Chindanda Chaulungu).

আয়াত: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Lyele lisikulyo tachiika namwe (ku magambo), pangali chilichose chankasasisaga jenumanja chachichisisika.

আয়াত: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Sano mundu jwatachipedwa chitabu chakwe chakunkono wakwe wan'dyo, basi tachiti: “Eni! Soomani chitabu changu!”

আয়াত: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Chisimu une (ku duniya) nasimichisyaga yanti tinjisimangana nacho chiŵalanjilo changu.”

আয়াত: 21

فَهُوَ فِي عِيشَةٖ رَّاضِيَةٖ

Basi jwalakwe tachiŵa mu ndamo jakusengwasya.

আয়াত: 22

فِي جَنَّةٍ عَالِيَةٖ

Mu Mbepo Japenani.

আয়াত: 23

قُطُوفُهَا دَانِيَةٞ

Isogosi yakwe yakuŵandichila (yangasausya kaŵa).

আয়াত: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Tachasalila kuti): “Lyagani soni mwagani mwakusengwa ligongo lya ayila imwalongwesye m’moŵa gagaapite (kala ku duniya).”

আয়াত: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Nambo kwa mundu jwatachipedwa chitabu chakwe cha kunkono wakwe wanchiji, basi tachiti (pakudandaula): “Nkongwene! Nabola nga nganimbedwa chitabu changu!”

আয়াত: 26

وَلَمۡ أَدۡرِ مَا حِسَابِيَهۡ

“Ningaatende ngachimanya chiŵalanjilo changu!”

আয়াত: 27

يَٰلَيۡتَهَا كَانَتِ ٱلۡقَاضِيَةَ

“Ha! Nabola chiwa chila chikaŵe chipelela (changu ni ngaujila soni ku umi)!”

আয়াত: 28

مَآ أَغۡنَىٰ عَنِّي مَالِيَهۡۜ

“Nganichingamuchisya chipanje changu.”

আয়াত: 29

هَلَكَ عَنِّي سُلۡطَٰنِيَهۡ

“Gaanjonasichile machili gangu (gakulichenjelela).”

আয়াত: 30

خُذُوهُ فَغُلُّوهُ

(Kuchiŵechetedwa kuti): “Munkamulani soni muntaŵe makongwa.”

আয়াত: 31

ثُمَّ ٱلۡجَحِيمَ صَلُّوهُ

“Kaneka ni mumponye ku Moto Waukali.”

আয়াত: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

“Kaneko muntaŵikanye m’malundelunde (ga unyolo), ulewu wakwe makono makumi nsano nagaŵili (70).”

আয়াত: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Chisimu jwalakwe jwaliji jukaakunkulupilila Allah Jwakuchimbichika nnope.

আয়াত: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Soni nganaŵa jwakuchisya yagaliisya masikini.

আয়াত: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi nganakola jwalakwejo lelo kwekuno nsyoŵe (jwakunkamuchisya).

আয়াত: 36

وَلَا طَعَامٌ إِلَّا مِنۡ غِسۡلِينٖ

Namuno yakulya ikaŵeje uwowu (wakusulula m’maŵanga ga ŵandu ŵa ku Moto).

আয়াত: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Pangali ŵatachiulya ikaŵeje ŵakulemwa.

আয়াত: 38

فَلَآ أُقۡسِمُ بِمَا تُبۡصِرُونَ

Basi nguilumbila yankuiwona.

আয়াত: 39

وَمَا لَا تُبۡصِرُونَ

Ni yangankuiwona.

আয়াত: 40

إِنَّهُۥ لَقَوۡلُ رَسُولٖ كَرِيمٖ

Chisimu jalakwe (Qur'aniji) liŵele liloŵe lya Ntenga Jwakuchimbichika (Jibulilu).

আয়াত: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ni nganijiŵa jalakwejo liloŵe lya nkwimba chilaanga, yannonope ni yankuikulupilila.

আয়াত: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Soni ngaŵa liloŵe lya abimbi, yannonope ni yankukumbuchila.

আয়াত: 43

تَنزِيلٞ مِّن رَّبِّ ٱلۡعَٰلَمِينَ

(Jiŵele) jakutulusyidwa kuumila kwa M'mbuje jwa iwumbe yosope.

আয়াত: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Soni ingaŵe kuti (Muhammadi ﷺ) jwalukenye Kukwetu unami winewakwe.

আয়াত: 45

لَأَخَذۡنَا مِنۡهُ بِٱلۡيَمِينِ

Chisimu tukankwembekenye mwamachili.

আয়াত: 46

ثُمَّ لَقَطَعۡنَا مِنۡهُ ٱلۡوَتِينَ

Kaneka nitukakatile kwene mwa jwalakwejo ntasi (wakwe waumi nikuwa).

আয়াত: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Mwanti nga nganapatikana jwalijose mwa jenumanja jwakun'gosa (ku ipotesi Yetu).

আয়াত: 48

وَإِنَّهُۥ لَتَذۡكِرَةٞ لِّلۡمُتَّقِينَ

Soni chisimu jalakwe (Qur’ani) jiŵele chikumbusyo kwa ŵakun'jogopa (Allah).

আয়াত: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Sonitu Uwwe tukumanyilila kusyene yanti mwa ŵanganyammwe mwana ŵakanila.

আয়াত: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Soni chisimu jalakwe (Qur’ani) jichiŵa jakwadandaulikasya kusyene achimakafili (ku Kiyama ndema jatachiuwona ntendele wa ŵajikuya ni ipotesi ya ŵajikana).

আয়াত: 51

وَإِنَّهُۥ لَحَقُّ ٱلۡيَقِينِ

Soni chisimu jalakweji jiŵele jakuona kusyesyene.

আয়াত: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi liswejesyani lina lya Ambuje ŵenu Ŵakuchimbichika nnope.