අර්ථ කථනය පරිච්ඡේදය සූරා අල් හාක්කා - යාඌ පරිවර්තනය - පාරිශුද්ධ අල් කුර්ආනයේ විශ්ව කෝෂය

Al-Hâqqah

වාක්‍යය: 1

ٱلۡحَآقَّةُ

Chakusimichika (kwika kwakwe)!

වාක්‍යය: 2

مَا ٱلۡحَآقَّةُ

Ana chakusimichika (kwika kwakwe) nichichi?

වාක්‍යය: 3

وَمَآ أَدۡرَىٰكَ مَا ٱلۡحَآقَّةُ

Ana ni chichi champaka chimmanyisye ya chakusimichika (kwika kwakwe)? (Jeletu ni Kiyama).

වාක්‍යය: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Ŵanya Asamuda ni Adi ŵakaaniile ya chagunda ntima (Kiyama).

වාක්‍යය: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Mwanti ŵanya Asamuda ŵajonanjidwe ni n'gumilo wakupelenganya nnope.

වාක්‍යය: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Sano ŵanya Adi ni ŵajonanjidwe ni mbungo jakusisima nnope soni jamachili gakupelenganya.

වාක්‍යය: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

(Allah) ŵajitumisye kukwao yilo nsano naiŵili ni muusi nsano nautatu mwakulundanya, mwanti nkaweni ŵandu mwalakwemo ali jajaja! Nti chisawu mapata ga itela yatende gangali chachipali nkati mwakwe.

වාක්‍යය: 8

فَهَلۡ تَرَىٰ لَهُم مِّنۢ بَاقِيَةٖ

Nambi kwali nkum'bona mwa ŵanganyao jwalijose jwasigele?

වාක්‍යය: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Nombe Afiriauna kwisa soni ŵandu ŵa paujo pakwe ni achinsyene misi jajapitikusyidwe (ŵandu ŵa Lutwi) ŵayiche ni ilemwa.

වාක්‍යය: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Sano (ŵaliose mwa ŵanganyao) ŵannyosyisye Ntenga jwa M’mbuje gwao, basi (Allah) ni jwaakwembekenye ni ilagasyo yakupelenganya nnope.

වාක්‍යය: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Chisimu Uwwe ndema jagaagumbalile mesi (pachigumula cha Nuhu), twankwesisye ŵanganyammwe m’chombo chakwenda (mwakujajaŵala).

වාක්‍යය: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tuchitende kuŵa chikumbusyo kukwenu, ni kuti lijisunje (jele abaliji) liwiwi lyakupikanichisya.

වාක්‍යය: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Basi pandema jalichigombedwa lipenga n'gombo umpepe.

වාක්‍යය: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Nombe litaka ni matumbi ni kutyosyedwa m’mangwakwe kaneka ni kusyajidwa nsyago umo.

වාක්‍යය: 15

فَيَوۡمَئِذٖ وَقَعَتِ ٱلۡوَاقِعَةُ

Basi lyele lisikulyo chichipatikana chakupatikana (Kiyama).

වාක්‍යය: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ni lichipapuka liwunde, mwanti lyalakwe palyele lisikulyo lichiŵa nyangwinyangwi (ngalimba).

වාක්‍යය: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ni Achimalaika tachiŵa ali mungulugulu mwakwemo, soni pachanya pao lyele lisikulyo (Achimalaika ŵakwana) nsano naŵatatu, tachitwichila Arishi ja Ambuje ŵenu (Chindanda Chaulungu).

වාක්‍යය: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Lyele lisikulyo tachiika namwe (ku magambo), pangali chilichose chankasasisaga jenumanja chachichisisika.

වාක්‍යය: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Sano mundu jwatachipedwa chitabu chakwe chakunkono wakwe wan'dyo, basi tachiti: “Eni! Soomani chitabu changu!”

වාක්‍යය: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Chisimu une (ku duniya) nasimichisyaga yanti tinjisimangana nacho chiŵalanjilo changu.”

වාක්‍යය: 21

فَهُوَ فِي عِيشَةٖ رَّاضِيَةٖ

Basi jwalakwe tachiŵa mu ndamo jakusengwasya.

වාක්‍යය: 22

فِي جَنَّةٍ عَالِيَةٖ

Mu Mbepo Japenani.

වාක්‍යය: 23

قُطُوفُهَا دَانِيَةٞ

Isogosi yakwe yakuŵandichila (yangasausya kaŵa).

වාක්‍යය: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Tachasalila kuti): “Lyagani soni mwagani mwakusengwa ligongo lya ayila imwalongwesye m’moŵa gagaapite (kala ku duniya).”

වාක්‍යය: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Nambo kwa mundu jwatachipedwa chitabu chakwe cha kunkono wakwe wanchiji, basi tachiti (pakudandaula): “Nkongwene! Nabola nga nganimbedwa chitabu changu!”

වාක්‍යය: 26

وَلَمۡ أَدۡرِ مَا حِسَابِيَهۡ

“Ningaatende ngachimanya chiŵalanjilo changu!”

වාක්‍යය: 27

يَٰلَيۡتَهَا كَانَتِ ٱلۡقَاضِيَةَ

“Ha! Nabola chiwa chila chikaŵe chipelela (changu ni ngaujila soni ku umi)!”

වාක්‍යය: 28

مَآ أَغۡنَىٰ عَنِّي مَالِيَهۡۜ

“Nganichingamuchisya chipanje changu.”

වාක්‍යය: 29

هَلَكَ عَنِّي سُلۡطَٰنِيَهۡ

“Gaanjonasichile machili gangu (gakulichenjelela).”

වාක්‍යය: 30

خُذُوهُ فَغُلُّوهُ

(Kuchiŵechetedwa kuti): “Munkamulani soni muntaŵe makongwa.”

වාක්‍යය: 31

ثُمَّ ٱلۡجَحِيمَ صَلُّوهُ

“Kaneka ni mumponye ku Moto Waukali.”

වාක්‍යය: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

“Kaneko muntaŵikanye m’malundelunde (ga unyolo), ulewu wakwe makono makumi nsano nagaŵili (70).”

වාක්‍යය: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Chisimu jwalakwe jwaliji jukaakunkulupilila Allah Jwakuchimbichika nnope.

වාක්‍යය: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Soni nganaŵa jwakuchisya yagaliisya masikini.

වාක්‍යය: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi nganakola jwalakwejo lelo kwekuno nsyoŵe (jwakunkamuchisya).

වාක්‍යය: 36

وَلَا طَعَامٌ إِلَّا مِنۡ غِسۡلِينٖ

Namuno yakulya ikaŵeje uwowu (wakusulula m’maŵanga ga ŵandu ŵa ku Moto).

වාක්‍යය: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Pangali ŵatachiulya ikaŵeje ŵakulemwa.

වාක්‍යය: 38

فَلَآ أُقۡسِمُ بِمَا تُبۡصِرُونَ

Basi nguilumbila yankuiwona.

වාක්‍යය: 39

وَمَا لَا تُبۡصِرُونَ

Ni yangankuiwona.

වාක්‍යය: 40

إِنَّهُۥ لَقَوۡلُ رَسُولٖ كَرِيمٖ

Chisimu jalakwe (Qur'aniji) liŵele liloŵe lya Ntenga Jwakuchimbichika (Jibulilu).

වාක්‍යය: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ni nganijiŵa jalakwejo liloŵe lya nkwimba chilaanga, yannonope ni yankuikulupilila.

වාක්‍යය: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Soni ngaŵa liloŵe lya abimbi, yannonope ni yankukumbuchila.

වාක්‍යය: 43

تَنزِيلٞ مِّن رَّبِّ ٱلۡعَٰلَمِينَ

(Jiŵele) jakutulusyidwa kuumila kwa M'mbuje jwa iwumbe yosope.

වාක්‍යය: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Soni ingaŵe kuti (Muhammadi ﷺ) jwalukenye Kukwetu unami winewakwe.

වාක්‍යය: 45

لَأَخَذۡنَا مِنۡهُ بِٱلۡيَمِينِ

Chisimu tukankwembekenye mwamachili.

වාක්‍යය: 46

ثُمَّ لَقَطَعۡنَا مِنۡهُ ٱلۡوَتِينَ

Kaneka nitukakatile kwene mwa jwalakwejo ntasi (wakwe waumi nikuwa).

වාක්‍යය: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Mwanti nga nganapatikana jwalijose mwa jenumanja jwakun'gosa (ku ipotesi Yetu).

වාක්‍යය: 48

وَإِنَّهُۥ لَتَذۡكِرَةٞ لِّلۡمُتَّقِينَ

Soni chisimu jalakwe (Qur’ani) jiŵele chikumbusyo kwa ŵakun'jogopa (Allah).

වාක්‍යය: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Sonitu Uwwe tukumanyilila kusyene yanti mwa ŵanganyammwe mwana ŵakanila.

වාක්‍යය: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Soni chisimu jalakwe (Qur’ani) jichiŵa jakwadandaulikasya kusyene achimakafili (ku Kiyama ndema jatachiuwona ntendele wa ŵajikuya ni ipotesi ya ŵajikana).

වාක්‍යය: 51

وَإِنَّهُۥ لَحَقُّ ٱلۡيَقِينِ

Soni chisimu jalakweji jiŵele jakuona kusyesyene.

වාක්‍යය: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi liswejesyani lina lya Ambuje ŵenu Ŵakuchimbichika nnope.