Qurani Kərimin mənaca tərcüməsi - Azərbaycan dilinə tərcümə- Əlixan Musayev * - Tərcumənin mündəricatı

PDF XML CSV Excel API
Please review the Terms and Policies
Mənaların tərcüməsi Surə: ən-Nəbə   Ayə:
Surələrin mündəricatı Səhifənin rəqəmi HTML

ən-Nəbə

Ayə: 1

عَمَّ يَتَسَآءَلُونَ
Onlar (müşriklər) nə barədə bir-birindən soruşurlar?
Ərəbcə təfsirlər:

Ayə: 2

عَنِ ٱلنَّبَإِ ٱلۡعَظِيمِ
Böyük bir xəbər (Qiyamət) barəsində –
Ərəbcə təfsirlər:

Ayə: 3

ٱلَّذِي هُمۡ فِيهِ مُخۡتَلِفُونَ
(elə bir xəbər) ki, onlar onun haqqında ixtilafdadırlar.
Ərəbcə təfsirlər:

Ayə: 4

كَلَّا سَيَعۡلَمُونَ
Xeyr, onlar (Qiyamətin həqiqət olduğunu) mütləq biləcəklər!
Ərəbcə təfsirlər:

Ayə: 5

ثُمَّ كَلَّا سَيَعۡلَمُونَ
Bir daha xeyr! Onlar mütləq biləcəklər!
Ərəbcə təfsirlər:

Ayə: 6

أَلَمۡ نَجۡعَلِ ٱلۡأَرۡضَ مِهَٰدٗا
Məgər Biz yeri döşək etmədikmi?
Ərəbcə təfsirlər:

Ayə: 7

وَٱلۡجِبَالَ أَوۡتَادٗا
Dağları da dirəklər?
Ərəbcə təfsirlər:

Ayə: 8

وَخَلَقۡنَٰكُمۡ أَزۡوَٰجٗا
(Ey insanlar!) Biz sizi (erkək və dişi olmaqla) cüt yaratdıq.
Ərəbcə təfsirlər:

Ayə: 9

وَجَعَلۡنَا نَوۡمَكُمۡ سُبَاتٗا
Yuxunuzu da (sizin üçün) rahatlıq etdik.
Ərəbcə təfsirlər:

Ayə: 10

وَجَعَلۡنَا ٱلَّيۡلَ لِبَاسٗا
Gecəni örtük etdik.
Ərəbcə təfsirlər:

Ayə: 11

وَجَعَلۡنَا ٱلنَّهَارَ مَعَاشٗا
Gündüzü isə ruzi qazanmaq vaxtı etdik.
Ərəbcə təfsirlər:

Ayə: 12

وَبَنَيۡنَا فَوۡقَكُمۡ سَبۡعٗا شِدَادٗا
Üstünüzdə yeddi (qat) möhkəm (göy) qurduq.
Ərəbcə təfsirlər:

Ayə: 13

وَجَعَلۡنَا سِرَاجٗا وَهَّاجٗا
Parlaq bir çıraq (günəş) yaratdıq.
Ərəbcə təfsirlər:

Ayə: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا
Biz buludlardan şırıl-şırıl tökülən yağmur endirdik ki,
Ərəbcə təfsirlər:

Ayə: 15

لِّنُخۡرِجَ بِهِۦ حَبّٗا وَنَبَاتٗا
onunla toxum və (digər) bitkilər yetişdirək,
Ərəbcə təfsirlər:

Ayə: 16

وَجَنَّٰتٍ أَلۡفَافًا
habelə (ağaclarının qol-budaqları bir-birinə) sarmaşan bağlar (salaq).
Ərəbcə təfsirlər:

Ayə: 17

إِنَّ يَوۡمَ ٱلۡفَصۡلِ كَانَ مِيقَٰتٗا
Həqiqətən, (haqqı batildən) ayırd etmə günü bəlli bir vaxta təyin edilmişdir!
Ərəbcə təfsirlər:

Ayə: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا
(Ey insanlar!) Sur üfürüləcəyi gün siz (məhşərə) dəstə-dəstə gələcəksiniz.
Ərəbcə təfsirlər:

Ayə: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا
(O gün) göy açılacaq və (mələklərin yerə enməsi üçün göydə) qapıları olacaqdır.
Ərəbcə təfsirlər:

Ayə: 20

وَسُيِّرَتِ ٱلۡجِبَالُ فَكَانَتۡ سَرَابًا
Dağlar da hərəkətə gətirilib ilğıma çevriləcəkdir.
Ərəbcə təfsirlər:

Ayə: 21

إِنَّ جَهَنَّمَ كَانَتۡ مِرۡصَادٗا
Həqiqətən, Cəhənnəm pusquda dayanıb (kafirləri) gözləyir.
Ərəbcə təfsirlər:

Ayə: 22

لِّلطَّٰغِينَ مَـَٔابٗا
O, həddi aşanların qayıdacağı yerdir.
Ərəbcə təfsirlər:

Ayə: 23

لَّٰبِثِينَ فِيهَآ أَحۡقَابٗا
Onlar orada əsrlər boyu qalacaqlar.
Ərəbcə təfsirlər:

Ayə: 24

لَّا يَذُوقُونَ فِيهَا بَرۡدٗا وَلَا شَرَابًا
Onlar orada nə bir sərinlik, nə də içəcək bir şey dadacaqlar.
Ərəbcə təfsirlər:

Ayə: 25

إِلَّا حَمِيمٗا وَغَسَّاقٗا
(İçdikləri) yalnız qaynar su və irin (olacaqdır) –
Ərəbcə təfsirlər:

Ayə: 26

جَزَآءٗ وِفَاقًا
(Dünyada ikən etdikləri əməllərə) müvafiq bir cəza olaraq.
Ərəbcə təfsirlər:

Ayə: 27

إِنَّهُمۡ كَانُواْ لَا يَرۡجُونَ حِسَابٗا
Çünki, onlar hesaba çəkiləcəklərini güman etmirdilər.
Ərəbcə təfsirlər:

Ayə: 28

وَكَذَّبُواْ بِـَٔايَٰتِنَا كِذَّابٗا
Ayələrimizi də qətiyyətlə təkzib edirdilər.
Ərəbcə təfsirlər:

Ayə: 29

وَكُلَّ شَيۡءٍ أَحۡصَيۡنَٰهُ كِتَٰبٗا
Biz hər bir şeyi hesablayıb (lövhi-məhfuzda) yazmışıq.
Ərəbcə təfsirlər:

Ayə: 30

فَذُوقُواْ فَلَن نَّزِيدَكُمۡ إِلَّا عَذَابًا
Elə isə dadın (əzabı)! Biz sizə əzabdan başqa bir şey artırmayacağıq!
Ərəbcə təfsirlər:

Ayə: 31

إِنَّ لِلۡمُتَّقِينَ مَفَازًا
Həqiqətən, müttəqilər üçün qurtuluş vardır.
Ərəbcə təfsirlər:

Ayə: 32

حَدَآئِقَ وَأَعۡنَٰبٗا
(Həmçinin) bağlar və üzümlüklər,
Ərəbcə təfsirlər:

Ayə: 33

وَكَوَاعِبَ أَتۡرَابٗا
dolğun döşlü həmyaşıd qızlar
Ərəbcə təfsirlər:

Ayə: 34

وَكَأۡسٗا دِهَاقٗا
(Cənnət şərabı ilə) ləbələb (doldurulmuş) qədəhlər də (vardır)!
Ərəbcə təfsirlər:

Ayə: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا
Onlar orada nə boş bir söz, nə də bir yalan eşidəcəklər.
Ərəbcə təfsirlər:

Ayə: 36

جَزَآءٗ مِّن رَّبِّكَ عَطَآءً حِسَابٗا
(Bunlar) Rəbbindən olan mükafat, bol bol verilən töhfədir.
Ərəbcə təfsirlər:

Ayə: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا
Göylərin, yerin və onların arasında olanların Rəhman olan Rəbbindən. Onlar Allahın hüzurunda bir söz deməyə qadir olmayacaqlar.
Ərəbcə təfsirlər:

Ayə: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا
O gün Ruh (Cəbrail) və mələklər səf-səf duracaq. Rəhmanın izin verdiyi kimsələrdən başqa heç kəs danışmayacaq. (İzin verdiyi kimsə də) doğrunu danışacaqdır.
Ərəbcə təfsirlər:

Ayə: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
O haqq olan bir gündür. Kim istəsə Rəbbinə aparan yolu tutar!
Ərəbcə təfsirlər:

Ayə: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
Biz sizi yaxın bir əzab barədə xəbərdar etdik. O gün insan öz əlləri ilə etdiyinə baxacaq, kafir isə: “Kaş mən torpaq olaydım!”– deyəcəkdir.
Ərəbcə təfsirlər:
 
Mənaların tərcüməsi Surə: ən-Nəbə
Surələrin mündəricatı Səhifənin rəqəmi
 
Qurani Kərimin mənaca tərcüməsi - Azərbaycan dilinə tərcümə- Əlixan Musayev - Tərcumənin mündəricatı

Qurani Kərimin Azərbaycan dilinə mənaca tərcüməsi. Tərcümə etdi: Əlixan Musayev. "Ruvvad" tərcümə mərkəzi rəhbərliyi altında redaktə edilmişdir. Tərcüməyə rəy bildirmək, onu qiymətləndirmək və davamlı inkişaf etdirmək üçün əslinə də nəzər salmaq mümkündür.

Bağlamaq