Traduzione dei significati Sura An-Naba’ - Traduzione azera - Ali Khan Musaev - L'Enciclopedia del Nobile Corano

ən-Nəbə

Versetto: 1

عَمَّ يَتَسَآءَلُونَ

Onlar (müşriklər) nə barədə bir-birindən soruşurlar?

Versetto: 2

عَنِ ٱلنَّبَإِ ٱلۡعَظِيمِ

Böyük bir xəbər (Qiyamət) barəsində –

Versetto: 3

ٱلَّذِي هُمۡ فِيهِ مُخۡتَلِفُونَ

(elə bir xəbər) ki, onlar onun haqqında ixtilafdadırlar.

Versetto: 4

كَلَّا سَيَعۡلَمُونَ

Xeyr, onlar (Qiyamətin həqiqət olduğunu) mütləq biləcəklər!

Versetto: 5

ثُمَّ كَلَّا سَيَعۡلَمُونَ

Bir daha xeyr! Onlar mütləq biləcəklər!

Versetto: 6

أَلَمۡ نَجۡعَلِ ٱلۡأَرۡضَ مِهَٰدٗا

Məgər Biz yeri döşək etmədikmi?

Versetto: 7

وَٱلۡجِبَالَ أَوۡتَادٗا

Dağları da dirəklər?

Versetto: 8

وَخَلَقۡنَٰكُمۡ أَزۡوَٰجٗا

(Ey insanlar!) Biz sizi (erkək və dişi olmaqla) cüt yaratdıq.

Versetto: 9

وَجَعَلۡنَا نَوۡمَكُمۡ سُبَاتٗا

Yuxunuzu da (sizin üçün) rahatlıq etdik.

Versetto: 10

وَجَعَلۡنَا ٱلَّيۡلَ لِبَاسٗا

Gecəni örtük etdik.

Versetto: 11

وَجَعَلۡنَا ٱلنَّهَارَ مَعَاشٗا

Gündüzü isə ruzi qazanmaq vaxtı etdik.

Versetto: 12

وَبَنَيۡنَا فَوۡقَكُمۡ سَبۡعٗا شِدَادٗا

Üstünüzdə yeddi (qat) möhkəm (göy) qurduq.

Versetto: 13

وَجَعَلۡنَا سِرَاجٗا وَهَّاجٗا

Parlaq bir çıraq (günəş) yaratdıq.

Versetto: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Biz buludlardan şırıl-şırıl tökülən yağmur endirdik ki,

Versetto: 15

لِّنُخۡرِجَ بِهِۦ حَبّٗا وَنَبَاتٗا

onunla toxum və (digər) bitkilər yetişdirək,

Versetto: 16

وَجَنَّٰتٍ أَلۡفَافًا

habelə (ağaclarının qol-budaqları bir-birinə) sarmaşan bağlar (salaq).

Versetto: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Həqiqətən, (haqqı batildən) ayırd etmə günü bəlli bir vaxta təyin edilmişdir!

Versetto: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

(Ey insanlar!) Sur üfürüləcəyi gün siz (məhşərə) dəstə-dəstə gələcəksiniz.

Versetto: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

(O gün) göy açılacaq və (mələklərin yerə enməsi üçün göydə) qapıları olacaqdır.

Versetto: 20

وَسُيِّرَتِ ٱلۡجِبَالُ فَكَانَتۡ سَرَابًا

Dağlar da hərəkətə gətirilib ilğıma çevriləcəkdir.

Versetto: 21

إِنَّ جَهَنَّمَ كَانَتۡ مِرۡصَادٗا

Həqiqətən, Cəhənnəm pusquda dayanıb (kafirləri) gözləyir.

Versetto: 22

لِّلطَّٰغِينَ مَـَٔابٗا

O, həddi aşanların qayıdacağı yerdir.

Versetto: 23

لَّٰبِثِينَ فِيهَآ أَحۡقَابٗا

Onlar orada əsrlər boyu qalacaqlar.

Versetto: 24

لَّا يَذُوقُونَ فِيهَا بَرۡدٗا وَلَا شَرَابًا

Onlar orada nə bir sərinlik, nə də içəcək bir şey dadacaqlar.

Versetto: 25

إِلَّا حَمِيمٗا وَغَسَّاقٗا

(İçdikləri) yalnız qaynar su və irin (olacaqdır) –

Versetto: 26

جَزَآءٗ وِفَاقًا

(Dünyada ikən etdikləri əməllərə) müvafiq bir cəza olaraq.

Versetto: 27

إِنَّهُمۡ كَانُواْ لَا يَرۡجُونَ حِسَابٗا

Çünki, onlar hesaba çəkiləcəklərini güman etmirdilər.

Versetto: 28

وَكَذَّبُواْ بِـَٔايَٰتِنَا كِذَّابٗا

Ayələrimizi də qətiyyətlə təkzib edirdilər.

Versetto: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Biz hər bir şeyi hesablayıb (lövhi-məhfuzda) yazmışıq.

Versetto: 30

فَذُوقُواْ فَلَن نَّزِيدَكُمۡ إِلَّا عَذَابًا

Elə isə dadın (əzabı)! Biz sizə əzabdan başqa bir şey artırmayacağıq!

Versetto: 31

إِنَّ لِلۡمُتَّقِينَ مَفَازًا

Həqiqətən, müttəqilər üçün qurtuluş vardır.

Versetto: 32

حَدَآئِقَ وَأَعۡنَٰبٗا

(Həmçinin) bağlar və üzümlüklər,

Versetto: 33

وَكَوَاعِبَ أَتۡرَابٗا

dolğun döşlü həmyaşıd qızlar

Versetto: 34

وَكَأۡسٗا دِهَاقٗا

(Cənnət şərabı ilə) ləbələb (doldurulmuş) qədəhlər də (vardır)!

Versetto: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Onlar orada nə boş bir söz, nə də bir yalan eşidəcəklər.

Versetto: 36

جَزَآءٗ مِّن رَّبِّكَ عَطَآءً حِسَابٗا

(Bunlar) Rəbbindən olan mükafat, bol bol verilən töhfədir.

Versetto: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Göylərin, yerin və onların arasında olanların Rəhman olan Rəbbindən. Onlar Allahın hüzurunda bir söz deməyə qadir olmayacaqlar.

Versetto: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

O gün Ruh (Cəbrail) və mələklər səf-səf duracaq. Rəhmanın izin verdiyi kimsələrdən başqa heç kəs danışmayacaq. (İzin verdiyi kimsə də) doğrunu danışacaqdır.

Versetto: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

O haqq olan bir gündür. Kim istəsə Rəbbinə aparan yolu tutar!

Versetto: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Biz sizi yaxın bir əzab barədə xəbərdar etdik. O gün insan öz əlləri ilə etdiyinə baxacaq, kafir isə: “Kaş mən torpaq olaydım!”– deyəcəkdir.