Traduzione dei significati Sura An-Nâzi‘ât - Traduzione azera - Ali Khan Musaev - L'Enciclopedia del Nobile Corano

ən-Naziat

Versetto: 1

وَٱلنَّٰزِعَٰتِ غَرۡقٗا

And olsun (kafirlərin canını) şiddətlə çəkib çıxaranlara!

Versetto: 2

وَٱلنَّٰشِطَٰتِ نَشۡطٗا

And olsun (möminlərin canını) rahatlıqla alanlara!

Versetto: 3

وَٱلسَّٰبِحَٰتِ سَبۡحٗا

And olsun (Allahın əmri ilə göydən yerə) sürətlə üzənlərə!

Versetto: 4

فَٱلسَّٰبِقَٰتِ سَبۡقٗا

And olsun (Allahın əmrini əda etmək üçün bir-birini) ötdükcə ötənlərə!

Versetto: 5

فَٱلۡمُدَبِّرَٰتِ أَمۡرٗا

And olsun işi yerinə yetirənlərə!

Versetto: 6

يَوۡمَ تَرۡجُفُ ٱلرَّاجِفَةُ

O gün (sura ilk üfürülüş ilə) lərzəyə gələn titrəyəcək.

Versetto: 7

تَتۡبَعُهَا ٱلرَّادِفَةُ

Onun ardınca təkrar titrəyəcəkdir (Sur ikinci dəfə üfürüləcəkdir).

Versetto: 8

قُلُوبٞ يَوۡمَئِذٖ وَاجِفَةٌ

O gün qəlblər (qorxudan) tir-tir əsəcək.

Versetto: 9

أَبۡصَٰرُهَا خَٰشِعَةٞ

(O qəlb sahiblərinin) gözləri (qorxudan) zəlil bir görkəm alacaqdır.

Versetto: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Onlar deyərlər: “"Doğrudanmı biz (öldükdən sonra yenidən) əvvəlki halımıza qaytarılacağıq?

Versetto: 11

أَءِذَا كُنَّا عِظَٰمٗا نَّخِرَةٗ

Çürümüş sümüklər olduğumuzdan sonramı?

Versetto: 12

قَالُواْ تِلۡكَ إِذٗا كَرَّةٌ خَاسِرَةٞ

Onlar: “O zaman bu, ziyanlı bir qayıdışdır”– dedilər.

Versetto: 13

فَإِنَّمَا هِيَ زَجۡرَةٞ وَٰحِدَةٞ

O (surun axırıncı dəfə üfürülməsi) təkcə qorxunc bir səsdir.

Versetto: 14

فَإِذَا هُم بِٱلسَّاهِرَةِ

Onlar dərhal (qəbirlərindən) yerin səthinə çıxacaqlar.

Versetto: 15

هَلۡ أَتَىٰكَ حَدِيثُ مُوسَىٰٓ

(Ey Peyğəmbər!) Musanın xəbəri sənə gəlib çatdımı?

Versetto: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

O zaman Rəbbi ona müqəddəs Tuva vadisində (belə) nida etmişdi:

Versetto: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Fironun yanına get! Çünki o, həddi aşmışdır.

Versetto: 18

فَقُلۡ هَل لَّكَ إِلَىٰٓ أَن تَزَكَّىٰ

(Ona) de: “(Günahlardan) təmizlənmək istəyirsənmi?

Versetto: 19

وَأَهۡدِيَكَ إِلَىٰ رَبِّكَ فَتَخۡشَىٰ

Səni Rəbbinə doğru yönəldimmi ki, (Ondan) qorxub çəkinəsən?”

Versetto: 20

فَأَرَىٰهُ ٱلۡأٓيَةَ ٱلۡكُبۡرَىٰ

(Musa) ona ən böyük ayəni göstərdi.

Versetto: 21

فَكَذَّبَ وَعَصَىٰ

O isə (haqqı) yalan saydı və asi oldu.

Versetto: 22

ثُمَّ أَدۡبَرَ يَسۡعَىٰ

Sonra da üz döndərib (tələsərək) getdi.

Versetto: 23

فَحَشَرَ فَنَادَىٰ

O, (camaatını) toplayıb (onlara) nida edərək:

Versetto: 24

فَقَالَ أَنَا۠ رَبُّكُمُ ٱلۡأَعۡلَىٰ

“Mən sizin ən uca Rəbbinizəm!”– dedi.

Versetto: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

(Beləliklə də) Allah da onu dünya və Axirət əzabı ilə yaxaladı.

Versetto: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Həqiqətən, bunda (Allahdan) qorxanlar üçün ibrət vardır.

Versetto: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Sizin yaradılışınız çətindir, yoxsa göyün? Onu (Allah) bina etdi.

Versetto: 28

رَفَعَ سَمۡكَهَا فَسَوَّىٰهَا

Onun tavanını yüksəltdi, düzəldib kamilləşdirdi.

Versetto: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Gecəsini qaranlıq edib, gündüzünü də nurlandırdı.

Versetto: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Bundan sonra yeri döşəyib (insanların orada yaşaması üçün onu yararlı bir hala gətirdi).

Versetto: 31

أَخۡرَجَ مِنۡهَا مَآءَهَا وَمَرۡعَىٰهَا

Ondan suyunu və otlağını çıxartdı.

Versetto: 32

وَٱلۡجِبَالَ أَرۡسَىٰهَا

Dağları da (yerə) bərkitdi.

Versetto: 33

مَتَٰعٗا لَّكُمۡ وَلِأَنۡعَٰمِكُمۡ

Sizin və heyvanlarınızın faydalanması üçün.

Versetto: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ən böyük fəlakət (Qiyamət) gəldiyi zaman –

Versetto: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

o gün insan etdiklərini xatırlayacaqdır.

Versetto: 36

وَبُرِّزَتِ ٱلۡجَحِيمُ لِمَن يَرَىٰ

Cəhənnəm isə hər görənə göstəriləcəkdir.

Versetto: 37

فَأَمَّا مَن طَغَىٰ

Amma kim həddi aşıbsa,

Versetto: 38

وَءَاثَرَ ٱلۡحَيَوٰةَ ٱلدُّنۡيَا

dünya həyatını (axirətdən) üstün tutubsa,

Versetto: 39

فَإِنَّ ٱلۡجَحِيمَ هِيَ ٱلۡمَأۡوَىٰ

şübhəsiz ki, Cəhənnəm onun məskənidir.

Versetto: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Amma kim Rəbbinin hüzurunda durmaqdan qorxubsa və nəfsə istəyini yasaq edibsə,

Versetto: 41

فَإِنَّ ٱلۡجَنَّةَ هِيَ ٱلۡمَأۡوَىٰ

şübhəsiz ki, Cənnət onun məskənidir.

Versetto: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

(Ey Peyğəmbər!) Səndən Qiyamətin nə zaman qopacağı barəsində soruşurlar.

Versetto: 43

فِيمَ أَنتَ مِن ذِكۡرَىٰهَآ

Sən onu haradan biləsən?!

Versetto: 44

إِلَىٰ رَبِّكَ مُنتَهَىٰهَآ

Onu kamil bilmək Rəbbinə aiddir.

Versetto: 45

إِنَّمَآ أَنتَ مُنذِرُ مَن يَخۡشَىٰهَا

Sən yalnız ondan (Qiyamətdən) qorxanı xəbərdar edənsən.

Versetto: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Onlar Qiyaməti gördükləri gün (dünyada) sanki bir axşam yaxud bir səhər qaldıqlarını güman edəcəklər!