Traduzione dei significati Sura ‘Abasa - Traduzione azera - Ali Khan Musaev - L'Enciclopedia del Nobile Corano

Əbəsə

Versetto: 1

عَبَسَ وَتَوَلَّىٰٓ

(Peyğəmbər) qaşqabağını tökdü və üz çevirdi –

Versetto: 2

أَن جَآءَهُ ٱلۡأَعۡمَىٰ

yanına kor (Abdullah ibn Ümmi-Məktum) gəldiyinə görə.

Versetto: 3

وَمَا يُدۡرِيكَ لَعَلَّهُۥ يَزَّكَّىٰٓ

(Ey Muhamməd!) Nə bilirsən, bəlkə o (günahlardan) təmizlənəcəkdi

Versetto: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

yaxud öyüd dinləyib və bu öyüd ona fayda verəcəkdi!

Versetto: 5

أَمَّا مَنِ ٱسۡتَغۡنَىٰ

(Öyüd-nəsihətinə) ehtiyacı olmayana gəlincə isə,

Versetto: 6

فَأَنتَ لَهُۥ تَصَدَّىٰ

sən ona tərəf çevrilirsən.

Versetto: 7

وَمَا عَلَيۡكَ أَلَّا يَزَّكَّىٰ

Onun (günahlardan) təmizlənməməsinin sənə bir aidiyyəti yoxdur.

Versetto: 8

وَأَمَّا مَن جَآءَكَ يَسۡعَىٰ

Amma tələsərək sənin yanına gələn,

Versetto: 9

وَهُوَ يَخۡشَىٰ

(Allahdan) qorxan kimsəyə gəlincə,

Versetto: 10

فَأَنتَ عَنۡهُ تَلَهَّىٰ

sən ona məhəl qoymursan!

Versetto: 11

كَلَّآ إِنَّهَا تَذۡكِرَةٞ

Xeyr (Bir daha belə etmə)! Şübhəsiz ki, bu (ayələr), bir öyüd-nəsihətdir.

Versetto: 12

فَمَن شَآءَ ذَكَرَهُۥ

Kim istəsə, ondan öyüd-nəsihət alar.

Versetto: 13

فِي صُحُفٖ مُّكَرَّمَةٖ

(Bu Quran) möhtərəm səhifələrdədir.

Versetto: 14

مَّرۡفُوعَةٖ مُّطَهَّرَةِۭ

uca və pak (səhifələrdə).

Versetto: 15

بِأَيۡدِي سَفَرَةٖ

(Bu səhifələr) elçilərin (mələklərin) əllərindədir.

Versetto: 16

كِرَامِۭ بَرَرَةٖ

möhtərəm və müti olan (mələklərin əllərində).

Versetto: 17

قُتِلَ ٱلۡإِنسَٰنُ مَآ أَكۡفَرَهُۥ

Ölsün (kafir) insan! O necə də nankordur!

Versetto: 18

مِنۡ أَيِّ شَيۡءٍ خَلَقَهُۥ

(Qoy baxsın), Allah onu nədən yaratdı?

Versetto: 19

مِن نُّطۡفَةٍ خَلَقَهُۥ فَقَدَّرَهُۥ

(Allah) onu nütfədən yaratdı və onu müəyyən şəklə saldı.

Versetto: 20

ثُمَّ ٱلسَّبِيلَ يَسَّرَهُۥ

Sonra onun yolunu asanlaşdırdı.

Versetto: 21

ثُمَّ أَمَاتَهُۥ فَأَقۡبَرَهُۥ

Sonra onu öldürüb qəbirə saldı.

Versetto: 22

ثُمَّ إِذَا شَآءَ أَنشَرَهُۥ

Sonra da istədiyi vaxt onu (yenidən) dirildəcəkdir.

Versetto: 23

كَلَّا لَمَّا يَقۡضِ مَآ أَمَرَهُۥ

Xeyr! O, hələ də (Allahın) ona buyurduğunu yerinə yetirməmişdir.

Versetto: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Qoy insan yediyinə baxsın!

Versetto: 25

أَنَّا صَبَبۡنَا ٱلۡمَآءَ صَبّٗا

Biz yağışı bol-bol yağdırdıq.

Versetto: 26

ثُمَّ شَقَقۡنَا ٱلۡأَرۡضَ شَقّٗا

Sonra da yeri çat-çat yardıq.

Versetto: 27

فَأَنۢبَتۡنَا فِيهَا حَبّٗا

Orada dən yetişdirdik.

Versetto: 28

وَعِنَبٗا وَقَضۡبٗا

(Habelə) üzüm və yonca,

Versetto: 29

وَزَيۡتُونٗا وَنَخۡلٗا

zeytun və xurma (ağacları),

Versetto: 30

وَحَدَآئِقَ غُلۡبٗا

sıx-sıx bağlar,

Versetto: 31

وَفَٰكِهَةٗ وَأَبّٗا

meyvələr və otlar da (bitirdik).

Versetto: 32

مَّتَٰعٗا لَّكُمۡ وَلِأَنۡعَٰمِكُمۡ

Sizin və heyvanlarınızın faydalanması üçün.

Versetto: 33

فَإِذَا جَآءَتِ ٱلصَّآخَّةُ

Qulaqları kar edən səs gələndə –

Versetto: 34

يَوۡمَ يَفِرُّ ٱلۡمَرۡءُ مِنۡ أَخِيهِ

o gün insan qaçacaq öz qardaşından,

Versetto: 35

وَأُمِّهِۦ وَأَبِيهِ

anasından, atasından,

Versetto: 36

وَصَٰحِبَتِهِۦ وَبَنِيهِ

həyat yoldaşından və övladlarından!

Versetto: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

O gün onlardan hər birinin yetərincə işi olacaqdır.

Versetto: 38

وُجُوهٞ يَوۡمَئِذٖ مُّسۡفِرَةٞ

O gün (neçə-neçə) üzlər parlayacaq.

Versetto: 39

ضَاحِكَةٞ مُّسۡتَبۡشِرَةٞ

Güləcək və fərəhlənəcək.

Versetto: 40

وَوُجُوهٞ يَوۡمَئِذٍ عَلَيۡهَا غَبَرَةٞ

O gün (neçə-neçə) üzlərə toz-torpaq hopacaq.

Versetto: 41

تَرۡهَقُهَا قَتَرَةٌ

Onları zülmət bürüyəcək.

Versetto: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Məhz onlar kafirlər, günahkarlardır!