പരിഭാഷ അദ്ധ്യായം സൂറത്തുന്നാസിആത്ത് - അസർബൈജാനീ വിവർത്തനം - അലി ഖാൻ മൂസായീഫ് - വിശുദ്ധ ഖുർആൻ വിജ്ഞാനകോശം

ən-Naziat

ആയത്ത്: 1

وَٱلنَّٰزِعَٰتِ غَرۡقٗا

And olsun (kafirlərin canını) şiddətlə çəkib çıxaranlara!

ആയത്ത്: 2

وَٱلنَّٰشِطَٰتِ نَشۡطٗا

And olsun (möminlərin canını) rahatlıqla alanlara!

ആയത്ത്: 3

وَٱلسَّٰبِحَٰتِ سَبۡحٗا

And olsun (Allahın əmri ilə göydən yerə) sürətlə üzənlərə!

ആയത്ത്: 4

فَٱلسَّٰبِقَٰتِ سَبۡقٗا

And olsun (Allahın əmrini əda etmək üçün bir-birini) ötdükcə ötənlərə!

ആയത്ത്: 5

فَٱلۡمُدَبِّرَٰتِ أَمۡرٗا

And olsun işi yerinə yetirənlərə!

ആയത്ത്: 6

يَوۡمَ تَرۡجُفُ ٱلرَّاجِفَةُ

O gün (sura ilk üfürülüş ilə) lərzəyə gələn titrəyəcək.

ആയത്ത്: 7

تَتۡبَعُهَا ٱلرَّادِفَةُ

Onun ardınca təkrar titrəyəcəkdir (Sur ikinci dəfə üfürüləcəkdir).

ആയത്ത്: 8

قُلُوبٞ يَوۡمَئِذٖ وَاجِفَةٌ

O gün qəlblər (qorxudan) tir-tir əsəcək.

ആയത്ത്: 9

أَبۡصَٰرُهَا خَٰشِعَةٞ

(O qəlb sahiblərinin) gözləri (qorxudan) zəlil bir görkəm alacaqdır.

ആയത്ത്: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Onlar deyərlər: “"Doğrudanmı biz (öldükdən sonra yenidən) əvvəlki halımıza qaytarılacağıq?

ആയത്ത്: 11

أَءِذَا كُنَّا عِظَٰمٗا نَّخِرَةٗ

Çürümüş sümüklər olduğumuzdan sonramı?

ആയത്ത്: 12

قَالُواْ تِلۡكَ إِذٗا كَرَّةٌ خَاسِرَةٞ

Onlar: “O zaman bu, ziyanlı bir qayıdışdır”– dedilər.

ആയത്ത്: 13

فَإِنَّمَا هِيَ زَجۡرَةٞ وَٰحِدَةٞ

O (surun axırıncı dəfə üfürülməsi) təkcə qorxunc bir səsdir.

ആയത്ത്: 14

فَإِذَا هُم بِٱلسَّاهِرَةِ

Onlar dərhal (qəbirlərindən) yerin səthinə çıxacaqlar.

ആയത്ത്: 15

هَلۡ أَتَىٰكَ حَدِيثُ مُوسَىٰٓ

(Ey Peyğəmbər!) Musanın xəbəri sənə gəlib çatdımı?

ആയത്ത്: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

O zaman Rəbbi ona müqəddəs Tuva vadisində (belə) nida etmişdi:

ആയത്ത്: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Fironun yanına get! Çünki o, həddi aşmışdır.

ആയത്ത്: 18

فَقُلۡ هَل لَّكَ إِلَىٰٓ أَن تَزَكَّىٰ

(Ona) de: “(Günahlardan) təmizlənmək istəyirsənmi?

ആയത്ത്: 19

وَأَهۡدِيَكَ إِلَىٰ رَبِّكَ فَتَخۡشَىٰ

Səni Rəbbinə doğru yönəldimmi ki, (Ondan) qorxub çəkinəsən?”

ആയത്ത്: 20

فَأَرَىٰهُ ٱلۡأٓيَةَ ٱلۡكُبۡرَىٰ

(Musa) ona ən böyük ayəni göstərdi.

ആയത്ത്: 21

فَكَذَّبَ وَعَصَىٰ

O isə (haqqı) yalan saydı və asi oldu.

ആയത്ത്: 22

ثُمَّ أَدۡبَرَ يَسۡعَىٰ

Sonra da üz döndərib (tələsərək) getdi.

ആയത്ത്: 23

فَحَشَرَ فَنَادَىٰ

O, (camaatını) toplayıb (onlara) nida edərək:

ആയത്ത്: 24

فَقَالَ أَنَا۠ رَبُّكُمُ ٱلۡأَعۡلَىٰ

“Mən sizin ən uca Rəbbinizəm!”– dedi.

ആയത്ത്: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

(Beləliklə də) Allah da onu dünya və Axirət əzabı ilə yaxaladı.

ആയത്ത്: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Həqiqətən, bunda (Allahdan) qorxanlar üçün ibrət vardır.

ആയത്ത്: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Sizin yaradılışınız çətindir, yoxsa göyün? Onu (Allah) bina etdi.

ആയത്ത്: 28

رَفَعَ سَمۡكَهَا فَسَوَّىٰهَا

Onun tavanını yüksəltdi, düzəldib kamilləşdirdi.

ആയത്ത്: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Gecəsini qaranlıq edib, gündüzünü də nurlandırdı.

ആയത്ത്: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Bundan sonra yeri döşəyib (insanların orada yaşaması üçün onu yararlı bir hala gətirdi).

ആയത്ത്: 31

أَخۡرَجَ مِنۡهَا مَآءَهَا وَمَرۡعَىٰهَا

Ondan suyunu və otlağını çıxartdı.

ആയത്ത്: 32

وَٱلۡجِبَالَ أَرۡسَىٰهَا

Dağları da (yerə) bərkitdi.

ആയത്ത്: 33

مَتَٰعٗا لَّكُمۡ وَلِأَنۡعَٰمِكُمۡ

Sizin və heyvanlarınızın faydalanması üçün.

ആയത്ത്: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ən böyük fəlakət (Qiyamət) gəldiyi zaman –

ആയത്ത്: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

o gün insan etdiklərini xatırlayacaqdır.

ആയത്ത്: 36

وَبُرِّزَتِ ٱلۡجَحِيمُ لِمَن يَرَىٰ

Cəhənnəm isə hər görənə göstəriləcəkdir.

ആയത്ത്: 37

فَأَمَّا مَن طَغَىٰ

Amma kim həddi aşıbsa,

ആയത്ത്: 38

وَءَاثَرَ ٱلۡحَيَوٰةَ ٱلدُّنۡيَا

dünya həyatını (axirətdən) üstün tutubsa,

ആയത്ത്: 39

فَإِنَّ ٱلۡجَحِيمَ هِيَ ٱلۡمَأۡوَىٰ

şübhəsiz ki, Cəhənnəm onun məskənidir.

ആയത്ത്: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Amma kim Rəbbinin hüzurunda durmaqdan qorxubsa və nəfsə istəyini yasaq edibsə,

ആയത്ത്: 41

فَإِنَّ ٱلۡجَنَّةَ هِيَ ٱلۡمَأۡوَىٰ

şübhəsiz ki, Cənnət onun məskənidir.

ആയത്ത്: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

(Ey Peyğəmbər!) Səndən Qiyamətin nə zaman qopacağı barəsində soruşurlar.

ആയത്ത്: 43

فِيمَ أَنتَ مِن ذِكۡرَىٰهَآ

Sən onu haradan biləsən?!

ആയത്ത്: 44

إِلَىٰ رَبِّكَ مُنتَهَىٰهَآ

Onu kamil bilmək Rəbbinə aiddir.

ആയത്ത്: 45

إِنَّمَآ أَنتَ مُنذِرُ مَن يَخۡشَىٰهَا

Sən yalnız ondan (Qiyamətdən) qorxanı xəbərdar edənsən.

ആയത്ത്: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Onlar Qiyaməti gördükləri gün (dünyada) sanki bir axşam yaxud bir səhər qaldıqlarını güman edəcəklər!