Mənaların tərcüməsi Surə Hud - Qurani Kərimin müxtəsər tərfsiri - kitabının Fulani dilinə tərcüməsi. - Səhifənin rəqəmi 233 - Qurani Kərim ensiklopediyası

Ayə: 98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Fir'awna ardoyto yimɓe makko ɓen Ñalnde Darngal haa o naatida e maɓɓe ka Yiite. Nge bonii jolirde ka o jolnata ɓe.

Ayə: 99

وَأُتۡبِعُواْ فِي هَٰذِهِۦ لَعۡنَةٗ وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Alla jokkiniɓe kuddi e ɗam nguurndam aduna, o woɗɗindini ɓe e yurmeende Makko nden halkugol ɓe yoola. O jokkiniɓe ɗum kadi Ñalnde Darngal. Ndin kuddi e lepte ko heɓi ɓe aduna e laakara ɗon bonii.

Ayə: 100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٞ وَحَصِيدٞ

Ko jantaa koo e ngol cortewol(simoore), immorde e kumpite ca'e, Meɗen humpite ɗum an Nulaaɗo: no e majje ñiiɓuɗe heddii, hino e majje muncaaɗe mulaa fii mun(hay batte heddaaki).

Ayə: 101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٖ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٖ

Men tooñiraali ɓe kon ko heɓiɓe e halkaare. Siko woni, ko kamɓe tooñiri ko'e maɓɓe ɗen halkaare yeddugol maɓɓe Alla. Ɗin reweteeɗi maɓɓe ɗi ɓe rewaynoo gaanin Alla duncanaali ɓe huunde e lepte Alla ɗen, tuma nde yamiroore Joomi maa nden -an Nulaaɗo- arunoo fii halkugol ɓe. Ɗin reweteeɗi maɓɓe ɓeydaali ɓe si wanaa hayrugol e halkagol.

Ayə: 102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٞ شَدِيدٌ

Ko wano nii nangal ittude asli ngal Joomi maa O nanngirta ca'e fennooɓe ɓe e kala jamaanu e nok-ku. Pellet nanngal Makko ngal ko muusungal saɗtungal.

Ayə: 103

إِنَّ فِي ذَٰلِكَ لَأٓيَةٗ لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٞ مَّجۡمُوعٞ لَّهُ ٱلنَّاسُ وَذَٰلِكَ يَوۡمٞ مَّشۡهُودٞ

Pellet wonii e nanngal Alla ngal e ɗen ca'e tooñuɗe, tasakuyee e waaju wonannde on hulɗo lepte Ñalnde Darngal. Nden ñalnde nde Alla mooɓoyta yimɓe ɓen fii hasbugol ɓe; nden ko ñalaande seedoyteende wonande yimɓe mooɓoyteeɓe ɓen.

Ayə: 104

وَمَا نُؤَخِّرُهُۥٓ إِلَّا لِأَجَلٖ مَّعۡدُودٖ

Men neɓnataa nden ñalaande seedoyteende, si wanah haa e lajal ganndangal limoore.

Ayə: 105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيّٞ وَسَعِيدٞ

Ñalnde nden ñalaande arata, wonkii woo wowlataa fii dallinagol maa defugol si wanaa e duŋayee Makko. Yimɓe ɓen nden ñalnde ko noone ɗiɗi: malkisaaɗo naatoowo Yiite, e malaaɗo naatoowo Aljanna.

Ayə: 106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٞ وَشَهِيقٌ

Si ɓe malkisiraaɓe keeferaagu ɓen e bonnere golle, ɓe naatoyay ka Yiite, ɓe towniroya hitooji maɓɓe nder ton hiikaango e ookaango; hakkee ko ɓe sonjorta lewlewndu magge.

Ayə: 107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٞ لِّمَا يُرِيدُ

Ko ɓe luttooɓe nder magge poomaa. Ɓe yaltataa ton fotde kammuuli ɗin e leydi ndin hino duumii, si wanaa ɓen ɓe Alla muuyu yaltingol e yedduɓe bajjimɓe Mo ɓen. Pellet Joomi maa an Nulaaɗo, ko waɗoowo kala ko O faandii. Alah doolnoowo Mo.

Ayə: 108

۞ وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٖ

Si tawii non ko malaaɓe ɓen ɓe Alla ardinani maloore sabu gomɗinal maɓɓe e golle maɓɓe moƴƴe, ko ka Aljanna woni ko ɓe duumintee poomaa, fotde kammuuli ɗin e leydi ndin hino duumii, si wanah si Joomi maa muuyu naadugol gomɗimɓe yeddaynooɓe ɓen Yiite ado naadeede Aljanna. Pellet neema Alla on e yimɓe Aljanna ɓen wanaa ko taƴondiranta ɓe.

Bu səhifədə olan ayələrdən faydalar:

• التحذير من اتّباع رؤساء الشر والفساد، وبيان شؤم اتباعهم في الدارين.

Aayeeje ɗen hino rentina e jokkugol hooreeɓe bomɓe ɓen, ɗe ɓanngini bone jokkugol ɓe ngol aduna e laakara.

• تنزه الله تعالى عن الظلم في إهلاك أهل الشرك والمعاصي.

Alla na senii e tooñugol halkude yimɓe sirkuɓe ɓen e yeddooɓe ɓen.

• لا تنفع آلهة المشركين عابديها يوم القيامة، ولا تدفع عنهم العذاب.

Sirkooɓe rewa sanamu ɓen nafitoroytah ɗi Ñalnde Darngal, ɗi duncanoytah ɓe huunde e lepte Alla ɗen.

• انقسام الناس يوم القيامة إلى: سعيد خالد في الجنان، وشقي خالد في النيران.

Yimɓe ɓen feccoyto ɗiɗi Ñande Darngal: ko malaaɗo duumotooɓe ka Aljannaaji, e malkisaaɗo luttoowo ka yiite.