Qurani Kərimin mənaca tərcüməsi - Yəu dilinə tərcümə * - Tərcumənin mündəricatı

Mənaların tərcüməsi Surə: əl-Vaqiə   Ayə:
Surələrin mündəricatı Səhifənin rəqəmi HTML

Al-Wâq‘ah

Ayə: 1

إِذَا وَقَعَتِ ٱلۡوَاقِعَةُ
Patichitendekwa chakutendekwa (Kiyama).
Ərəbcə təfsirlər:

Ayə: 2

لَيۡسَ لِوَقۡعَتِهَا كَاذِبَةٌ
Pangali jwakanila yakutendekwa kwakwe.
Ərəbcə təfsirlər:

Ayə: 3

خَافِضَةٞ رَّافِعَةٌ
(Chalakwe ni) chakwaatulusya (achimakafili pakwajinjisya ku Moto) ni kwakwesya (Asilamu pakwajinjisya ku Mbepo).
Ərəbcə təfsirlər:

Ayə: 4

إِذَا رُجَّتِ ٱلۡأَرۡضُ رَجّٗا
Ndema jalichitenganyika litaka kutenganyika kwamachili.
Ərəbcə təfsirlər:

Ayə: 5

وَبُسَّتِ ٱلۡجِبَالُ بَسّٗا
Matumbi ni kusyajidwa-syajidwa.
Ərəbcə təfsirlər:

Ayə: 6

فَكَانَتۡ هَبَآءٗ مُّنۢبَثّٗا
Ni kuŵa luwundu lyakuwululusyidwa.
Ərəbcə təfsirlər:

Ayə: 7

وَكُنتُمۡ أَزۡوَٰجٗا ثَلَٰثَةٗ
Ni tinchiŵa jenumanja (pa Kiyama) mikutula jitatu.
Ərəbcə təfsirlər:

Ayə: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Basi (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!
Ərəbcə təfsirlər:

Ayə: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Ni (pachiŵa pana soni) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!
Ərəbcə təfsirlər:

Ayə: 10

وَٱلسَّٰبِقُونَ ٱلسَّٰبِقُونَ
Ni (pachiŵa pana soni) ŵaŵalongolele (pakutenda yambone ku duniya) ŵatachiŵa ŵakulongolela (ku Mbepo).
Ərəbcə təfsirlər:

Ayə: 11

أُوْلَٰٓئِكَ ٱلۡمُقَرَّبُونَ
Ŵanganyao ni ŵatachiŵa ŵakuŵandichisyidwa (kwa Allah).
Ərəbcə təfsirlər:

Ayə: 12

فِي جَنَّٰتِ ٱلنَّعِيمِ
Tachiŵa m’Matimbe Gachindimba (ku Mbepo).
Ərəbcə təfsirlər:

Ayə: 13

ثُلَّةٞ مِّنَ ٱلۡأَوَّلِينَ
Likuga lyejinji (lya akulongolela ku yambone) lichiŵa lyakutyochela mu ŵandu ŵandanda.
Ərəbcə təfsirlər:

Ayə: 14

وَقَلِيلٞ مِّنَ ٱلۡأٓخِرِينَ
Sano (likuga) lyannono (lya akulongolela ku yambone) lichiŵa lyakutyochela mu ŵandu ŵakumalichisya.
Ərəbcə təfsirlər:

Ayə: 15

عَلَىٰ سُرُرٖ مَّوۡضُونَةٖ
Ali pa itengu yauchimbichimbi yeluche (ni golodi ni mitapo jine).
Ərəbcə təfsirlər:

Ayə: 16

مُّتَّكِـِٔينَ عَلَيۡهَا مُتَقَٰبِلِينَ
Tachiyijegamaga mwakulolegana.
Ərəbcə təfsirlər:

Ayə: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ
Tachasyungulaga (pa kwatumichila) achachanda ŵakutamilichika (pa uchanda).
Ərəbcə təfsirlər:

Ayə: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Ni migao kwisa soni mabilika (ga yakumwa), ni ipanda ya ukana wakuumila mu tutumule jwakujilimaga.
Ərəbcə təfsirlər:

Ayə: 19

لَّا يُصَدَّعُونَ عَنۡهَا وَلَا يُنزِفُونَ
Ngasalwala nao ntwe namuno kutyoka lunda.
Ərəbcə təfsirlər:

Ayə: 20

وَفَٰكِهَةٖ مِّمَّا يَتَخَيَّرُونَ
Ni isogosi iliyose yatakaisaguleje.
Ərəbcə təfsirlər:

Ayə: 21

وَلَحۡمِ طَيۡرٖ مِّمَّا يَشۡتَهُونَ
Ni nyama ja ijuni jatakajilaluchileje.
Ərəbcə təfsirlər:

Ayə: 22

وَحُورٌ عِينٞ
Ni achimmasyeto ŵameso gakulanguka soni gekulungwa mwakusalalila.
Ərəbcə təfsirlər:

Ayə: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ
(Ŵakuswejela) nti chisawu ngalekale syesunjidwe.
Ərəbcə təfsirlər:

Ayə: 24

جَزَآءَۢ بِمَا كَانُواْ يَعۡمَلُونَ
Kuŵa malipilo pa yaŵaliji nkupanganya.
Ərəbcə təfsirlər:

Ayə: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا
Ngaaja kupikana mwalakwemo maloŵe gangali mate, namuno gakutendekasya kupata sambi.
Ərəbcə təfsirlər:

Ayə: 26

إِلَّا قِيلٗا سَلَٰمٗا سَلَٰمٗا
Ikaŵeje maloŵe ganti: Ntendele, ntendele.
Ərəbcə təfsirlər:

Ayə: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Sano (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!
Ərəbcə təfsirlər:

Ayə: 28

فِي سِدۡرٖ مَّخۡضُودٖ
(Tachiŵa) mu itela ya masaawu yetyosye miŵa.
Ərəbcə təfsirlər:

Ayə: 29

وَطَلۡحٖ مَّنضُودٖ
Ni itela ya magombo yesogole magombo gakwe mwakusajikana chenene.
Ərəbcə təfsirlər:

Ayə: 30

وَظِلّٖ مَّمۡدُودٖ
Ni miwulili jakwendelechela.
Ərəbcə təfsirlər:

Ayə: 31

وَمَآءٖ مَّسۡكُوبٖ
Ni mesi gakujilima ndaŵi ni katema.
Ərəbcə təfsirlər:

Ayə: 32

وَفَٰكِهَةٖ كَثِيرَةٖ
Ni isogosi yejinji.
Ərəbcə təfsirlər:

Ayə: 33

لَّا مَقۡطُوعَةٖ وَلَا مَمۡنُوعَةٖ
Yangakatichisya kasogole nambo soni yangasiŵiilidwa.
Ərəbcə təfsirlər:

Ayə: 34

وَفُرُشٖ مَّرۡفُوعَةٍ
Ni yakutandika yenyakulidwe (pa itengu yauchimbichimbi).
Ərəbcə təfsirlər:

Ayə: 35

إِنَّآ أَنشَأۡنَٰهُنَّ إِنشَآءٗ
Chisimu Uwwe chitukaaguumbe ŵanganyao (achakongwe ŵakuumila ku duniya) kagumbidwe kane (kakusalala nnope kulekangana ni muŵaŵelele ku duniya).
Ərəbcə təfsirlər:

Ayə: 36

فَجَعَلۡنَٰهُنَّ أَبۡكَارًا
Basi chitukatende kuŵa ŵaali.
Ərəbcə təfsirlər:

Ayə: 37

عُرُبًا أَتۡرَابٗا
Ŵakulinonyelesya kwa achalume ŵao, ŵakulandana misingu.
Ərəbcə təfsirlər:

Ayə: 38

لِّأَصۡحَٰبِ ٱلۡيَمِينِ
(Tachiŵa) ŵa (achalume) ŵa kunkono wan’dyo.
Ərəbcə təfsirlər:

Ayə: 39

ثُلَّةٞ مِّنَ ٱلۡأَوَّلِينَ
Likuga lyejinji (lya ŵa kunkono wan’dyo) lichityochela mu ŵandu ŵandanda.
Ərəbcə təfsirlər:

Ayə: 40

وَثُلَّةٞ مِّنَ ٱلۡأٓخِرِينَ
Nambo soni likuga lyejinji (lya ŵa kunkono wan’dyo) lichityochela mu ŵandu ŵakumalichisya.
Ərəbcə təfsirlər:

Ayə: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Ni (pachiŵa pana) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!
Ərəbcə təfsirlər:

Ayə: 42

فِي سَمُومٖ وَحَمِيمٖ
(Tachiŵa) mu chimbunga chamoto, ni mesi gamasemule nnope.
Ərəbcə təfsirlər:

Ayə: 43

وَظِلّٖ مِّن يَحۡمُومٖ
Ni m’bulili wa lyosi lyepiliwu nnope.
Ərəbcə təfsirlər:

Ayə: 44

لَّا بَارِدٖ وَلَا كَرِيمٍ
Wangapeleka kusisimila namuno kutulalila.
Ərəbcə təfsirlər:

Ayə: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Chisimu ŵanganyao nkaniyiŵe yalakweyi (ku duniya) ŵaliji nkutama umi wakusangalala (ni yakanyisyidwa).
Ərəbcə təfsirlər:

Ayə: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Ni ŵaliji nkwendelechela (kutenda) sambi syekulungwa.
Ərəbcə təfsirlər:

Ayə: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
Ni ŵaliji nkuŵecheta kuti: “Ana patuchiwapo ni kusyuka litaka ni maupa, nambo yakuona uwwe tuchiukulidwa (m’malembe)?”
Ərəbcə təfsirlər:

Ayə: 48

أَوَءَابَآؤُنَا ٱلۡأَوَّلُونَ
“Ni achatati ŵetu ŵakwe ŵandanda?”
Ərəbcə təfsirlər:

Ayə: 49

قُلۡ إِنَّ ٱلۡأَوَّلِينَ وَٱلۡأٓخِرِينَ
Jilani (mmwe Muhammadi ﷺ): “Chisimu ŵandanda ni ŵambesi ŵakwe.”
Ərəbcə təfsirlər:

Ayə: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
“Tachisonganganyisyidwa wa kunsongangano wetomechedwe wa lisiku lyakumanyika.”
Ərəbcə təfsirlər:

Ayə: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
“Kaneka chisimu ŵanganyammwe, E jenumanja ŵalupuso, (soni) ŵakanila!”
Ərəbcə təfsirlər:

Ayə: 52

لَأٓكِلُونَ مِن شَجَرٖ مِّن زَقُّومٖ
“Tinkalye kwene chitela cha Zakkum.”
Ərəbcə təfsirlər:

Ayə: 53

فَمَالِـُٔونَ مِنۡهَا ٱلۡبُطُونَ
“Ni tinkachigumbasyeje ndumbo (syenu).”
Ərəbcə təfsirlər:

Ayə: 54

فَشَٰرِبُونَ عَلَيۡهِ مِنَ ٱلۡحَمِيمِ
“Ni tinkachimweleje mesi gamasemule nnope.”
Ərəbcə təfsirlər:

Ayə: 55

فَشَٰرِبُونَ شُرۡبَ ٱلۡهِيمِ
“Ni tinkamweje mwasikumwelaga ngamiya syanjota nnope.”
Ərəbcə təfsirlər:

Ayə: 56

هَٰذَا نُزُلُهُمۡ يَوۡمَ ٱلدِّينِ
Aji ni mbiiko jao Lisiku Lyamalipilo.
Ərəbcə təfsirlər:

Ayə: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ
Uwwe twan’gumbile jenumanja, nambi ligongo chichi ngankukulupilila (ya kwimuka m’malembe panyuma pakuwa)?
Ərəbcə təfsirlər:

Ayə: 58

أَفَرَءَيۡتُم مَّا تُمۡنُونَ
Ana nkuliona uli lindondwa lya ulume lyankudondechesyaga (m’chiŵelechelo)?
Ərəbcə təfsirlər:

Ayə: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Ana jenumanja niŵankuligumbaga (kuti liŵe mundu), kapena Uwwe niŵatukuligumbaga?
Ərəbcə təfsirlər:

Ayə: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Uwwe tupimiile chilikati chenu chiwa (kuti jwalijose mwa jenumanja tachiwa), ni nganituŵa Uwwe ŵakulepela,
Ərəbcə təfsirlər:

Ayə: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Kuti chitun’galawusye kagumbidwe kenu (lisiku lya Kiyama), nikun’gumba mu kaŵe kangankukamanyilila.
Ərəbcə təfsirlər:

Ayə: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Soni chisimu chene pamasile pankumanyi gumba kwandanda (kuti Allah ni juŵagumbile), nambi uli ngankukumbuchila (yanti Jwalakwe mpaka jukombole gumba kwaŵili)?
Ərəbcə təfsirlər:

Ayə: 63

أَفَرَءَيۡتُم مَّا تَحۡرُثُونَ
Ana nkujiona uli mbeju jankupandaga?
Ərəbcə təfsirlər:

Ayə: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Ana jenumanja niŵankujimesyaga, kapena Uwwe niŵatukumesyaga?
Ərəbcə təfsirlər:

Ayə: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
Tungasache tungajitesile kuŵa jakuteketuka, ni nkaliji ŵakusimonga (chachintendesye kuti jiteketuche).
Ərəbcə təfsirlər:

Ayə: 66

إِنَّا لَمُغۡرَمُونَ
(Ni nkatiji): “Chisimu uwwe tugambile kwasa chipanje chetu.”
Ərəbcə təfsirlər:

Ayə: 67

بَلۡ نَحۡنُ مَحۡرُومُونَ
“Nambo uwwe tujimidwe.”
Ərəbcə təfsirlər:

Ayə: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Ana nkugaona uli mesi gankumwaga?
Ərəbcə təfsirlər:

Ayə: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ana jenumanja ni ŵan’gatulwisye kuumila kumawunde gawula, kapena Uwwe ni Akutulsya?
Ərəbcə təfsirlər:

Ayə: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
Tungasache tungagatesile kuŵa gachijete nnope, nambi ligongo chichi ngankutogolela?
Ərəbcə təfsirlər:

Ayə: 71

أَفَرَءَيۡتُمُ ٱلنَّارَ ٱلَّتِي تُورُونَ
Ana nkuuwona uli moto wankukolesyaga?
Ərəbcə təfsirlər:

Ayə: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Ana jenumanja ni ŵamwagumbile itela yakwe, kapena Uwwe ni Akugumba?
Ərəbcə təfsirlər:

Ayə: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Uwwe tuwutesile walakwe (motowo) kuŵa chikumbusyo (cha Moto wa ku Akhera), ni wakwakamuchisya ŵa paulendo.
Ərəbcə təfsirlər:

Ayə: 74

فَسَبِّحۡ بِٱسۡمِ رَبِّكَ ٱلۡعَظِيمِ
Basi liswejesyani lina lya Ambuje ŵenu Ŵakulungwa nnope (Allah).
Ərəbcə təfsirlər:

Ayə: 75

۞ فَلَآ أُقۡسِمُ بِمَوَٰقِعِ ٱلنُّجُومِ
Ngumulumbila mwagwila ndondwa (mwakutiŵilila mwakwe kwinani).
Ərəbcə təfsirlər:

Ayə: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
Soni chisimu chalakwechi ni chilumbilo chekulungwa nnope ingaŵe mwamanyililaga.
Ərəbcə təfsirlər:

Ayə: 77

إِنَّهُۥ لَقُرۡءَانٞ كَرِيمٞ
Chisimu jalakweji ni Qur’an jakuchimbichika.
Ərəbcə təfsirlər:

Ayə: 78

فِي كِتَٰبٖ مَّكۡنُونٖ
Jili m’Chitabu chesunjidwe chenene (Al-Lauh Al- Mahfȗz).
Ərəbcə təfsirlər:

Ayə: 79

لَّا يَمَسُّهُۥٓ إِلَّا ٱلۡمُطَهَّرُونَ
Ngakuchikwayaga ikaŵeje ŵaswejesyedwe.
Ərəbcə təfsirlər:

Ayə: 80

تَنزِيلٞ مِّن رَّبِّ ٱلۡعَٰلَمِينَ
Chakutulusyidwa kuumila kwa M’mbuje jwa iwumbe yosope.
Ərəbcə təfsirlər:

Ayə: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ
Ana aji abaliji (Qur’an) jenumanja (achimakafili) nkujikaanila?
Ərəbcə təfsirlər:

Ayə: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Sano kanila kwenu (lisiki lyampele Allah) nikwankukutenda kuŵa kutogolela kwenu.
Ərəbcə təfsirlər:

Ayə: 83

فَلَوۡلَآ إِذَا بَلَغَتِ ٱلۡحُلۡقُومَ
Nambi uli ntima uli uyiche pekolongo (ndema jakuwa jumo jwenu ngankuuwuchisyaga m’chilu mwakwe)?
Ərəbcə təfsirlər:

Ayə: 84

وَأَنتُمۡ حِينَئِذٖ تَنظُرُونَ
Kutendaga jenumanja jele ndemajo nkasaŵaga n’di nkulola.
Ərəbcə təfsirlər:

Ayə: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Soni Uwwe (Achimalaika ŵakutyosya ntima) tukuŵaga dusi kwa jwalakwe kumpunda jenumanja, nambo ngankutuonaga.
Ərəbcə təfsirlər:

Ayə: 86

فَلَوۡلَآ إِن كُنتُمۡ غَيۡرَ مَدِينِينَ
Nambi uli naga nganim’ba ŵanti nikuja kulipidwa (itendo yenu, soni ngasin’jimuka m’malembe),
Ərəbcə təfsirlər:

Ayə: 87

تَرۡجِعُونَهَآ إِن كُنتُمۡ صَٰدِقِينَ
(Uli) ngankuuwuchisyaga (ntimao m’chilu mwakwe kuti akawa mundujo), naga jenumanja nkuŵecheta yakuona (kuti kwangali kwimuka m’malembe, ngati nichiwa chakwe chikapagwa)!
Ərəbcə təfsirlər:

Ayə: 88

فَأَمَّآ إِن كَانَ مِنَ ٱلۡمُقَرَّبِينَ
Sano naga juli (nkuwajo) mwa akuŵandichisyidwa (kwa Allah).
Ərəbcə təfsirlər:

Ayə: 89

فَرَوۡحٞ وَرَيۡحَانٞ وَجَنَّتُ نَعِيمٖ
Basi jukasapata ntendele ni lisiki lyakununjila, kwisa soni Litimbe Lyachindimba lya ku Mbepo.
Ərəbcə təfsirlər:

Ayə: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Sano naga juli (nkuwajo) mwa ŵandu ŵakunkono wan’dyo.
Ərəbcə təfsirlər:

Ayə: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Basi (jukasasalilidwaga kuti): “Ntendele uli kukwenu, (ligongo lyakuŵa kwenu) mu ŵandu ŵakunkono wan’dyo.”
Ərəbcə təfsirlər:

Ayə: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Nambo naga juli (nkuwajo) mwa akukanila, ŵakupotela.
Ərəbcə təfsirlər:

Ayə: 93

فَنُزُلٞ مِّنۡ حَمِيمٖ
Mbiiko jakwe jikasaŵa mesi gamasemule nnope.
Ərəbcə təfsirlər:

Ayə: 94

وَتَصۡلِيَةُ جَحِيمٍ
Ni kupya m’Moto Waukali.
Ərəbcə təfsirlər:

Ayə: 95

إِنَّ هَٰذَا لَهُوَ حَقُّ ٱلۡيَقِينِ
Chisimu ayi (yatunsimbile mmwe Muhammadi ﷺ) ni yakuona yakusimichika.
Ərəbcə təfsirlər:

Ayə: 96

فَسَبِّحۡ بِٱسۡمِ رَبِّكَ ٱلۡعَظِيمِ
Basi liswejesyani lina lya Ambuje ŵenu Ŵakulungwa nnope (Allah).
Ərəbcə təfsirlər:
 
Mənaların tərcüməsi Surə: əl-Vaqiə
Surələrin mündəricatı Səhifənin rəqəmi
 
Qurani Kərimin mənaca tərcüməsi - Yəu dilinə tərcümə - Tərcumənin mündəricatı

Qurani Kərimin yəu dilinə mənaca tərcüməsi. Tərcümə etdi: Muhəmməd ibn Əbdulhəmid Səlikə.

Bağlamaq