অর্থসমূহের অনুবাদ সূরা সূরা আত-তারেক - অসমীয়া ভাষায় অনুবাদ - আল-কুরআনুল কারীম বিশ্বকোষ

ছুৰা আত-ত্ব-ৰিক্ব

আয়াত: 1

وَالسَّمَآءِ وَالطَّارِقِ ۟ۙ

শপত আকাশৰ আৰু যি ৰাতিত আত্মপ্ৰকাশ কৰে;

আয়াত: 2

وَمَاۤ اَدْرٰىكَ مَا الطَّارِقُ ۟ۙ

আৰু কিহে তোমাক জনাব যে, ৰাতিত যিয়ে আত্মপ্ৰকাশ কৰে, সেয়ানো কি?

আয়াত: 3

النَّجْمُ الثَّاقِبُ ۟ۙ

(সেয়া হৈছে) উজ্জ্বল নক্ষত্ৰ।

আয়াত: 4

اِنْ كُلُّ نَفْسٍ لَّمَّا عَلَیْهَا حَافِظٌ ۟ؕ

প্ৰত্যেক জীৱৰ ওপৰতেই এজন তত্ত্বাৱধায়ক আছে।

আয়াত: 5

فَلْیَنْظُرِ الْاِنْسَانُ مِمَّ خُلِقَ ۟ؕ

এতেকে মানুহে চিন্তা কৰা উচিত যে, তাক কিহেৰে সৃষ্টি কৰা হৈছে!

আয়াত: 6

خُلِقَ مِنْ مَّآءٍ دَافِقٍ ۟ۙ

তাক সৃষ্টি কৰা হৈছে দ্ৰুতগতিত স্খলিত হোৱা পানীৰে,

আয়াত: 7

یَّخْرُجُ مِنْ بَیْنِ الصُّلْبِ وَالتَّرَآىِٕبِ ۟ؕ

যিটো নিৰ্গত হয় মেৰুদণ্ড আৰু বুকুৰ মাজৰ পৰা।

আয়াত: 8

اِنَّهٗ عَلٰی رَجْعِهٖ لَقَادِرٌ ۟ؕ

নিশ্চয় তেওঁ তাক ওভোতাই আনিবলৈ সক্ষম।

আয়াত: 9

یَوْمَ تُبْلَی السَّرَآىِٕرُ ۟ۙ

যিদিনা গোপন বিষয়সমূহ পৰীক্ষা কৰা হ’ব,

আয়াত: 10

فَمَا لَهٗ مِنْ قُوَّةٍ وَّلَا نَاصِرٍ ۟ؕ

সেইদিনা তাৰ কোনো শক্তি নাথাকিব আৰু কোনো সহায়কাৰীও নাথাকিব।

আয়াত: 11

وَالسَّمَآءِ ذَاتِ الرَّجْعِ ۟ۙ

শপত আকাশৰ, যিয়ে বৰষুণ ধাৰণ কৰে,

আয়াত: 12

وَالْاَرْضِ ذَاتِ الصَّدْعِ ۟ۙ

শপত পৃথিৱীৰ, যিটো বিদীৰ্ণ হয়,

আয়াত: 13

اِنَّهٗ لَقَوْلٌ فَصْلٌ ۟ۙ

নিশ্চয় এইখন (আল-কোৰআন) হৈছে মীমাংসাকাৰী বাণী।

আয়াত: 14

وَّمَا هُوَ بِالْهَزْلِ ۟ؕ

আৰু এইখন নিৰৰ্থক নহয়।

আয়াত: 15

اِنَّهُمْ یَكِیْدُوْنَ كَیْدًا ۟ۙ

নিশ্চয় সিহঁতে ভীষণ ষড়যন্ত্ৰ কৰে,

আয়াত: 16

وَّاَكِیْدُ كَیْدًا ۟ۚۖ

আৰু ময়ো ভীষণ কৌশল কৰিছোঁ।

আয়াত: 17

فَمَهِّلِ الْكٰفِرِیْنَ اَمْهِلْهُمْ رُوَیْدًا ۟۠

এতেকে কাফিৰসকলক অৱকাশ দিয়া; সিহঁতক কিছু সময়ৰ বাবে অৱকাশ দিয়া।