Prijevod značenja Sura El-Muddessir - Prijevod sažetog tefsira Plemenitog Kur'ana na fulanski jezik. - Broj stranice 576 - Enciklopedija Kur'ana

Ajet: 19

فَقُتِلَ كَيۡفَ قَدَّرَ

O huɗaama o lepta hono no o hoddiri.

Ajet: 20

ثُمَّ قُتِلَ كَيۡفَ قَدَّرَ

Refti o huɗa o lepta hono no o hoddiri.

Ajet: 21

ثُمَّ نَظَرَ

Refti o ndaartandi ko o haalata.

Ajet: 22

ثُمَّ عَبَسَ وَبَسَرَ

Refti o ñirɓanii o ɓeydi ñirɓinaade, saanga nde o heɓaani ko o yuwri Quraana o.

Ajet: 23

ثُمَّ أَدۡبَرَ وَٱسۡتَكۡبَرَ

Refti o runtii iimaan, o mawnikinii rewde e Annabi-yo o his-.

Ajet: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

O wi*i: Ko Muhamadu addi ko, wonah haala Alla, kono ko ɗum mbilewu mbo o habrata ummaade woɓɓe.

Ajet: 25

إِنۡ هَٰذَآ إِلَّا قَوۡلُ ٱلۡبَشَرِ

Ko haala wonah haala Alla, kono ko ka haala aade.

Ajet: 26

سَأُصۡلِيهِ سَقَرَ

Ma Mi naatnu o keefeero beɗi beɗi yiite, ngeen woni Saqara o muuse nguleeki henge.

Ajet: 27

وَمَآ أَدۡرَىٰكَ مَا سَقَرُ

Hol ko anndin Ma-aan muhamadu- ko woni yiite Saqara.

Ajet: 28

لَا تُبۡقِي وَلَا تَذَرُ

Nge heddatah hay huunde e leptateeɗe o singe arii e makko, nge accataa mbo haa o rutto no o laatarino nih, refti nge ara e makko kadi.

Ajet: 29

لَوَّاحَةٞ لِّلۡبَشَرِ

Sattunge sumgol e waylude guri.

Ajet: 30

عَلَيۡهَا تِسۡعَةَ عَشَرَ

Ina e dow mannge sappo e jeenay malayka, ko ɓeen ngoni reenooɓe nge.

Ajet: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Men waɗaali aynooɓe Yiite ngen, si wanaa Malaa'ikaaɓe, tawde neɗɗo waawaa ɗum. Abu Jahal fenuno fewndo o aaƴinoo wiide kanko e yimɓe makko ɓen ɓe waaway dartagol ɓen Malaa'ikaaɓe haa ɓe fuutoo e Yiite ngen. Hary non, Men waɗiraali limoore ɓen, si wanaa jarribagol yedduɓe Allah ɓen, fii no ɓe wowolira haala kan haala maɓɓe, lette ɗen sowanee ɓe, e fii no Alyaahuda yimɓe Tawreeta'en e Annasaara yimɓe Linnjiila'en fellitira fewndo jippagol Alqur'aana, wonnde ko nde goonginnde ko woni e Defte maɓɓe ɗen, e fii no gomɗimɓe ɓen ɓeydora gomɗinal tuma yimɓe Defte ɓen fottata e maɓɓe, e fii wata Alyahuuda e Annasaara e gomɗimɓe sikkito, e fii no murtuɓe e gomɗinal ɓen e heeferɓe ɓen wi'ira : hara ko honɗum Allah faandorii e ndee limooore haawniide? Ko wano ɓee yedduɓe ndee limoore majjinri non, goongimɓe ɓen feewiri ɗum, Allah majjinirta mo O muuyani majjugol, himo fewna kadi mo O muuyani feewugol. Hay gooto anndaa no koneeli Joomi maa ɗin fotata e ɗuuɗude, si wanaa Kanko tun. Yo Abu Jahal anndi ɗum, wi'unooɗo : Muhamaadu alaa wallooɓe si wanaa sappo e jeenay? O lamndori ɗum jalkitugol fenna. Haray ngen Yiite wonaali, si wanaa waaju wonannde neɗɗanke, fii ko o anndira mawngu Allah ngun.

Ajet: 32

كَلَّا وَٱلۡقَمَرِ

Yo henane wanaa no yoga e sirkooɓe ɓen aaƴori non woniri, wonnde woɗɓe e maɓɓe waawanay halfinaaɓe Yiite ngen fii no ɓe fuutora. Allah woondirii lewru ndun.

Ajet: 33

وَٱلَّيۡلِ إِذۡ أَدۡبَرَ

O woondiri jemma si mbo runtiima.

Ajet: 34

وَٱلصُّبۡحِ إِذَآ أَسۡفَرَ

O woondiri subaka si mbo jalbii.

Ajet: 35

إِنَّهَا لَإِحۡدَى ٱلۡكُبَرِ

Ko pellet, Yiite Jahannama ngen, ko jeyaange e musiibaaji mawɗi.

Ajet: 36

نَذِيرٗا لِّلۡبَشَرِ

Ko nge jertinirnge e hulɓinirnge yimɓe ɓen.

Ajet: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Wonannde yiɗuɗo woo e mo'on onon yimɓe ɓen, nde o yaccotoo e gomɗingol Allah golla ko moƴƴi, maa o nennora keeferaaku e geddi.

Ajet: 38

كُلُّ نَفۡسِۭ بِمَا كَسَبَتۡ رَهِينَةٌ

Wonkii kala ko fagiikon e golle nanngirte, Ko si tawii golle makki halkay fii makki, maa si tawii hara ɗe daɗnday ki.

Ajet: 39

إِلَّآ أَصۡحَٰبَ ٱلۡيَمِينِ

Si wanaa gomɗimɓe ɓen, ɓen ɗon nanngitiroytaake goopi mun, ɓe yawtanoyte ɗin, sabu golle maɓɓe moƴƴe ɗen.

Ajet: 40

فِي جَنَّٰتٖ يَتَسَآءَلُونَ

Ɓe wonoyay Ñalnde Darngal e nder geese, hara hiɓe lamndondira hakkunde maɓɓe.

Ajet: 41

عَنِ ٱلۡمُجۡرِمِينَ

Fii heeferɓe halkirɓe ko'e mun ɓen golle geddi.

Ajet: 42

مَا سَلَكَكُمۡ فِي سَقَرَ

Ɓe wi'ana ɓen : ko honɗum naadi on Jahannama?

Ajet: 43

قَالُواْ لَمۡ نَكُ مِنَ ٱلۡمُصَلِّينَ

Heeferɓe ɓen jaaboo ɓe : men jeyanooka e juulaynooɓe farlaaɗe ɗen e nguurndam aduna.

Ajet: 44

وَلَمۡ نَكُ نُطۡعِمُ ٱلۡمِسۡكِينَ

Men jeyanooka kadi e ñamminaynooɓe waasɓe ɓen e ko Allah yeɗi men kon.

Ajet: 45

وَكُنَّا نَخُوضُ مَعَ ٱلۡخَآئِضِينَ

Hari kadi ko yimɓe meere ɓen min yiiladaynoo e mun, men yewtida e majjuɓe bewɓe ɓen.

Ajet: 46

وَكُنَّا نُكَذِّبُ بِيَوۡمِ ٱلدِّينِ

Hari kadi men fennayno fii ñalaande njoɓdi kuuɗe nden.

Ajet: 47

حَتَّىٰٓ أَتَىٰنَا ٱلۡيَقِينُ

Men woni e fennugol ɗum, haa maayde nden arani men, men ronkii tuubude.

Poruke i pouke ajeta na ovoj stranici:

• خطورة الكبر حيث صرف الوليد بن المغيرة عن الإيمان بعدما تبين له الحق.

Mawnintinaare hino hulɓinii, tawde ɗum haɗii Waliid ibn Almughira gomɗingol, e hoore goonga kan feeñanii mo.

• مسؤولية الإنسان عن أعماله في الدنيا والآخرة.

Neɗɗo on lamndirote golle makko ɗen aduna e laakara.

• عدم إطعام المحتاج سبب من أسباب دخول النار.

Ɗawugol hatonjinɗo, hino wona sabu naatugol Yiite.