Prijevod značenja Sura En-Nahl - Prijevod na filipinski jezik (Maguindanao) - Prevodilački centar Ruvvad - Broj stranice 271 - Enciklopedija Kur'ana

Ajet: 35

وَقَالَ ٱلَّذِينَ أَشۡرَكُواْ لَوۡ شَآءَ ٱللَّهُ مَا عَبَدۡنَا مِن دُونِهِۦ مِن شَيۡءٖ نَّحۡنُ وَلَآ ءَابَآؤُنَا وَلَا حَرَّمۡنَا مِن دُونِهِۦ مِن شَيۡءٖۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ فَهَلۡ عَلَى ٱلرُّسُلِ إِلَّا ٱلۡبَلَٰغُ ٱلۡمُبِينُ

Endu pidtalu nu manga mushrik: di kena bu kahanda nu Allah na di tanu makasimba sa salakaw sa lekanin sa apiya paydu taman kanu manga lukes tanu, endu ditanu ma-haram i salakaw sa hinaramin apiya paydu, mamba i pinggalebek nu nangawna kanilan, na dala kanu manga sinugu ya tabiya na kapedsampay bu a mapayag

Ajet: 36

وَلَقَدۡ بَعَثۡنَا فِي كُلِّ أُمَّةٖ رَّسُولًا أَنِ ٱعۡبُدُواْ ٱللَّهَ وَٱجۡتَنِبُواْ ٱلطَّٰغُوتَۖ فَمِنۡهُم مَّنۡ هَدَى ٱللَّهُ وَمِنۡهُم مَّنۡ حَقَّتۡ عَلَيۡهِ ٱلضَّلَٰلَةُۚ فَسِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُكَذِّبِينَ

Endu saben-sabenal a pinambwat nami sa uman i lumpukan (kanu manga taw) i sinugu sa paka-isan nilan i kadenan a simban nilan, endu itagak nu i salakaw sa Allah (a pedsimban), na aden bun kanilan i tinutulu nu Allah endu aden bun i nawagib sa lekanin i katading, na lalakaw kanu sya kanu manga dalpa ka endu nu maylay su ulyan a nanggula nu manga taw a napandalbut (kanu sinugu nu Allah).

Ajet: 37

إِن تَحۡرِصۡ عَلَىٰ هُدَىٰهُمۡ فَإِنَّ ٱللَّهَ لَا يَهۡدِي مَن يُضِلُّۖ وَمَا لَهُم مِّن نَّٰصِرِينَ

Apiya ngin i kapanamal nengka (Muhammad) sa katutulu kanilan na su Allah na di nin tutulun su tinadingin, endu dala den kanilan (a nangatading) i makadtabang kanilan.

Ajet: 38

وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَا يَبۡعَثُ ٱللَّهُ مَن يَمُوتُۚ بَلَىٰ وَعۡدًا عَلَيۡهِ حَقّٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Endu midsapa silan sa mabagel a kinadsapa sa di den pambwaten nu Allah su minatay (sa gay a mawli), kena ka pasad den (u Allah) i benal (a makambwat sa ulyan a kapatay) ugayd na ya madakel kanu manga taw na di nilan katawan.

Ajet: 39

لِيُبَيِّنَ لَهُمُ ٱلَّذِي يَخۡتَلِفُونَ فِيهِ وَلِيَعۡلَمَ ٱلَّذِينَ كَفَرُوٓاْ أَنَّهُمۡ كَانُواْ كَٰذِبِينَ

Sabap sa entu na (pambwaten nu Allah su minatay) ka endu makapaya nu Allah su langun a (bantang) a di nilan bamagayunan, endu katawan nu manga kafir i silan bun i manga malbut.

Ajet: 40

إِنَّمَا قَوۡلُنَا لِشَيۡءٍ إِذَآ أَرَدۡنَٰهُ أَن نَّقُولَ لَهُۥ كُن فَيَكُونُ

Nya tidtu na ya nami bu edtalun kanu enggaga-isa i amayka pegkahandan nami na pangaden ka na ma-aden.

Ajet: 41

وَٱلَّذِينَ هَاجَرُواْ فِي ٱللَّهِ مِنۢ بَعۡدِ مَا ظُلِمُواْ لَنُبَوِّئَنَّهُمۡ فِي ٱلدُّنۡيَا حَسَنَةٗۖ وَلَأَجۡرُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ

Endu su manga taw a ginanatan nilan i dalpa nilan sa lalan sa Allah sa ulyan na kinadupang kanilan, na padatadayan nami kanilan sya sa dunya su mapiya a rizki, endu su balas nilan sa akhirat na muna pan i kasla nin u mana bu ka katawan nilan.

Ajet: 42

ٱلَّذِينَ صَبَرُواْ وَعَلَىٰ رَبِّهِمۡ يَتَوَكَّلُونَ

Ka silan na midsabar endu nanget kanu kadenan nilan i pedsaligan nilan.