Prijevod značenja Sura Sura es-Saffat - الترجمة البشتوية - سرفراز - Enciklopedija Kur'ana

الصافات

Ajet: 1

وَالصّٰٓفّٰتِ صَفًّا ۟ۙ

قسم پر کتار او صف جوړوونکو.

Ajet: 2

فَالزّٰجِرٰتِ زَجْرًا ۟ۙ

او قسم پر شړونکو.

Ajet: 3

فَالتّٰلِیٰتِ ذِكْرًا ۟ۙ

او قسم پر ذکر کوونکو

Ajet: 4

اِنَّ اِلٰهَكُمْ لَوَاحِدٌ ۟ؕ

چې بې شکه ستاسې معبود یکې یو دی.

Ajet: 5

رَبُّ السَّمٰوٰتِ وَالْاَرْضِ وَمَا بَیْنَهُمَا وَرَبُّ الْمَشَارِقِ ۟ؕ

د اسمانونو، ځمکې، د دواړو په مینځ کې د ټولو څیزونو او د بي شمیرو ختیځونو رب دی.

Ajet: 6

اِنَّا زَیَّنَّا السَّمَآءَ الدُّنْیَا بِزِیْنَةِ ١لْكَوَاكِبِ ۟ۙ

مونږ نږدې اسمان د ستورو په ښایست سره سینګار کړی دی.

Ajet: 7

وَحِفْظًا مِّنْ كُلِّ شَیْطٰنٍ مَّارِدٍ ۟ۚ

او هم مو له هر خپل سري شیطان څخه ژغورلی دی.

Ajet: 8

لَا یَسَّمَّعُوْنَ اِلَی الْمَلَاِ الْاَعْلٰی وَیُقْذَفُوْنَ مِنْ كُلِّ جَانِبٍ ۟

شیطانان د پورته عالم خبر وته غوږ نه شي نیولی او له هرې لورې ویشتلی شي.

Ajet: 9

دُحُوْرًا وَّلَهُمْ عَذَابٌ وَّاصِبٌ ۟ۙ

ښه پوره شړل کیږي او تل پاتې عذاب يې په برخه دی.

Ajet: 10

اِلَّا مَنْ خَطِفَ الْخَطْفَةَ فَاَتْبَعَهٗ شِهَابٌ ثَاقِبٌ ۟

بیا هم که کوم یو يې په منډه څه وتښتوي نو سوزوونکې لمبه ورپسې شي.

Ajet: 11

فَاسْتَفْتِهِمْ اَهُمْ اَشَدُّ خَلْقًا اَمْ مَّنْ خَلَقْنَا ؕ— اِنَّا خَلَقْنٰهُمْ مِّنْ طِیْنٍ لَّازِبٍ ۟

نو اوس کافران وپوښته چې د هغوی پیدایښت سخت دی او که د هغو څیزونو چې مونږ پیدا کړي دي؟ له شکه وتلې ده چې دوی مو له سریښناکې خټې نه پیدا کړي.

Ajet: 12

بَلْ عَجِبْتَ وَیَسْخَرُوْنَ ۪۟

ته د عالم هر څه ته په تعجب کې يې او هغوی پرې ملنډې وهي.

Ajet: 13

وَاِذَا ذُكِّرُوْا لَا یَذْكُرُوْنَ ۪۟

او چې پند ورکړای شي نه يې اخلي.

Ajet: 14

وَاِذَا رَاَوْا اٰیَةً یَّسْتَسْخِرُوْنَ ۪۟

او چې هره لویه نښه وویني نو ملنډې وهي.

Ajet: 15

وَقَالُوْۤا اِنْ هٰذَاۤ اِلَّا سِحْرٌ مُّبِیْنٌ ۟ۚۖ

او وايې چې دا پرته له ښکاره جادو بل هیڅ نه دی.

Ajet: 16

ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ ۟ۙ

او وایې چې ایا مونږ مړه، خاورې او هډوکې شو نو بیرته به ژوندي راپاڅول کیږو؟

Ajet: 17

اَوَاٰبَآؤُنَا الْاَوَّلُوْنَ ۟ؕ

او زموږ تیر پلرونه او نیکونه هم؟

Ajet: 18

قُلْ نَعَمْ وَاَنْتُمْ دَاخِرُوْنَ ۟ۚ

ای محمده! وووایه چې: هو! او تاسې خورا سپک او بې وسې يې.

Ajet: 19

فَاِنَّمَا هِیَ زَجْرَةٌ وَّاحِدَةٌ فَاِذَا هُمْ یَنْظُرُوْنَ ۟

قیامت خو بس یو ټکان دی. ناببره به هر څه په خپله وویني.

Ajet: 20

وَقَالُوْا یٰوَیْلَنَا هٰذَا یَوْمُ الدِّیْنِ ۟

او و به وايې چې: افسوس پر مونږ دا خو د جزا ورځ ده.

Ajet: 21

هٰذَا یَوْمُ الْفَصْلِ الَّذِیْ كُنْتُمْ بِهٖ تُكَذِّبُوْنَ ۟۠

ورته به وویل شي چې: هو! دا د پریکړې هغه ورځ ده چې تاسې به درواغ ګڼله.

Ajet: 22

اُحْشُرُوا الَّذِیْنَ ظَلَمُوْا وَاَزْوَاجَهُمْ وَمَا كَانُوْا یَعْبُدُوْنَ ۟ۙ

الله به امر وکړي چې ظالمان د هغوی ښځې، انډیوالان او هغه خدایان چې پرته له الله يي هغوی عبادت کاوه راټول کړئ.

Ajet: 23

مِنْ دُوْنِ اللّٰهِ فَاهْدُوْهُمْ اِلٰی صِرَاطِ الْجَحِیْمِ ۟

او ټولو ته د دوزخ لار ور وښايئ.

Ajet: 24

وَقِفُوْهُمْ اِنَّهُمْ مَّسْـُٔوْلُوْنَ ۟ۙ

او ويي دره وئ چې پوښتنه ترې کیږي.

Ajet: 25

مَا لَكُمْ لَا تَنَاصَرُوْنَ ۟

په تاسې څه وشول؟ ولې یو له بل سره لاس نه کوي؟

Ajet: 26

بَلْ هُمُ الْیَوْمَ مُسْتَسْلِمُوْنَ ۟

هو! نن ټول ځانونه تسلیموي.

Ajet: 27

وَاَقْبَلَ بَعْضُهُمْ عَلٰی بَعْضٍ یَّتَسَآءَلُوْنَ ۟

یو به پر بل مخ واړوي او سره به پوښتي.

Ajet: 28

قَالُوْۤا اِنَّكُمْ كُنْتُمْ تَاْتُوْنَنَا عَنِ الْیَمِیْنِ ۟

تاسې واست چې له ښي ړخ نه پر مونږ راتلئ.

Ajet: 29

قَالُوْا بَلْ لَّمْ تَكُوْنُوْا مُؤْمِنِیْنَ ۟ۚ

نور به ځواب ورکړي چې : نه: بلکې تاسې په خپله ایمان راوړونکي نه واست.

Ajet: 30

وَمَا كَانَ لَنَا عَلَیْكُمْ مِّنْ سُلْطٰنٍ ۚ— بَلْ كُنْتُمْ قَوْمًا طٰغِیْنَ ۟

زمونږ خو پر تاسې کوم زور نه و. بلکې تاسې په خپله سرغړوونکي خلک واست.

Ajet: 31

فَحَقَّ عَلَیْنَا قَوْلُ رَبِّنَاۤ ۖۗ— اِنَّا لَذَآىِٕقُوْنَ ۟

هو! زمونږ د رب خبره پر مونږ پخه شوه نو ځکه د عذاب څکونکي یو.

Ajet: 32

فَاَغْوَیْنٰكُمْ اِنَّا كُنَّا غٰوِیْنَ ۟

هو! مونږ تاسې ته د همغو بې لاریو په لور بلنه درکړې چې مونږ پرې وو.

Ajet: 33

فَاِنَّهُمْ یَوْمَىِٕذٍ فِی الْعَذَابِ مُشْتَرِكُوْنَ ۟

بې له شکه نن به ټول په عذاب کې برخه من وي.

Ajet: 34

اِنَّا كَذٰلِكَ نَفْعَلُ بِالْمُجْرِمِیْنَ ۟

او مونږ مجرمانو ته همدا وړ جزا ورکوو.

Ajet: 35

اِنَّهُمْ كَانُوْۤا اِذَا قِیْلَ لَهُمْ لَاۤ اِلٰهَ اِلَّا اللّٰهُ یَسْتَكْبِرُوْنَ ۟ۙ

دوی وو چې کله به ورته وویل شو چې: پرته له الله بل معبود نشته نو لويې به يې کوله.

Ajet: 36

وَیَقُوْلُوْنَ اَىِٕنَّا لَتَارِكُوْۤا اٰلِهَتِنَا لِشَاعِرٍ مَّجْنُوْنٍ ۟ؕ

او ویلي به يې: ایا مونږ خپل خدایان د یوه لیونی شاعر په خوله پریږدو؟

Ajet: 37

بَلْ جَآءَ بِالْحَقِّ وَصَدَّقَ الْمُرْسَلِیْنَ ۟

نه: هغه لیونې نه: بلکې حق يي راوړی او پخواني پیغمبران رښتیني ګڼي.

Ajet: 38

اِنَّكُمْ لَذَآىِٕقُوا الْعَذَابِ الْاَلِیْمِ ۟ۚ

بې له شکه به تاسې دردناک عذاب وڅکئ.

Ajet: 39

وَمَا تُجْزَوْنَ اِلَّا مَا كُنْتُمْ تَعْمَلُوْنَ ۟ۙ

او د خپلو عملونو جزا به درکړای شي.

Ajet: 40

اِلَّا عِبَادَ اللّٰهِ الْمُخْلَصِیْنَ ۟

خو د الله غوره بنده ګان به له دې بدي ورځې نه خوندي وي.

Ajet: 41

اُولٰٓىِٕكَ لَهُمْ رِزْقٌ مَّعْلُوْمٌ ۟ۙ

د هغوی لپاره ټاکلې روزي ده.

Ajet: 42

فَوَاكِهُ ۚ— وَهُمْ مُّكْرَمُوْنَ ۟ۙ

هر ډول میوې او هلته به عزتمن وي.

Ajet: 43

فِیْ جَنّٰتِ النَّعِیْمِ ۟ۙ

د نعمتونو په باغونو کې به وي.

Ajet: 44

عَلٰی سُرُرٍ مُّتَقٰبِلِیْنَ ۟

یو بل ته پر مخامخ تختونو به وي.

Ajet: 45

یُطَافُ عَلَیْهِمْ بِكَاْسٍ مِّنْ مَّعِیْنٍ ۟ۙ

د خالصو او پاکو شرابو ډکې پیالې به پرې ګرځول کیږي.

Ajet: 46

بَیْضَآءَ لَذَّةٍ لِّلشّٰرِبِیْنَ ۟ۚ

تک سپین، پاک او څښونکي به ترې خوند اخلي.

Ajet: 47

لَا فِیْهَا غَوْلٌ وَّلَا هُمْ عَنْهَا یُنْزَفُوْنَ ۟

نه به پکې څه تاوان او ضرر او نه به پرې هغوی نیشه کیږي.

Ajet: 48

وَعِنْدَهُمْ قٰصِرٰتُ الطَّرْفِ عِیْنٌ ۟ۙ

نظر ژغورونکي د ښایسته غټو سترګو لرونکي ښځې به ورسره وي.

Ajet: 49

كَاَنَّهُنَّ بَیْضٌ مَّكْنُوْنٌ ۟

ګواکې پوښل شوي هکۍ دي.

Ajet: 50

فَاَقْبَلَ بَعْضُهُمْ عَلٰی بَعْضٍ یَّتَسَآءَلُوْنَ ۟

جنتیان به یو پر بل مخ اړوي او سره به پوښتي

Ajet: 51

قَالَ قَآىِٕلٌ مِّنْهُمْ اِنِّیْ كَانَ لِیْ قَرِیْنٌ ۟ۙ

نو یو به ووایې چې: زما یو دوست و.

Ajet: 52

یَّقُوْلُ ءَاِنَّكَ لَمِنَ الْمُصَدِّقِیْنَ ۟

ماته به يې ویل: ایا ته له رښتیاویونکو يې؟

Ajet: 53

ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَدِیْنُوْنَ ۟

چې کله مونږ مړه، خاورې، او هډوکي شو نو مونږ ته به جزا راکولای شي؟

Ajet: 54

قَالَ هَلْ اَنْتُمْ مُّطَّلِعُوْنَ ۟

نو غواړئ چې ددې سړي له حال نه خبر شئ؟

Ajet: 55

فَاطَّلَعَ فَرَاٰهُ فِیْ سَوَآءِ الْجَحِیْمِ ۟

چې معلومات يي واخیست نو هغه يي دوزخ په مینځ کې مینده کړ.

Ajet: 56

قَالَ تَاللّٰهِ اِنْ كِدْتَّ لَتُرْدِیْنِ ۟ۙ

نو ورته به ووایې قسم په الله چې ته خو نژدې وې چې ما هم هلاک کړې.

Ajet: 57

وَلَوْلَا نِعْمَةُ رَبِّیْ لَكُنْتُ مِنَ الْمُحْضَرِیْنَ ۟

که زما د رب لورینه پر ما نه وای نو نن به زه هم له تاسره پروت وم.

Ajet: 58

اَفَمَا نَحْنُ بِمَیِّتِیْنَ ۟ۙ

اوس مونږ مړه کیدوونکي نه یو

Ajet: 59

اِلَّا مَوْتَتَنَا الْاُوْلٰی وَمَا نَحْنُ بِمُعَذَّبِیْنَ ۟

یوازې یو مرګ و چې یو ځل تیر شوی دې او مونږ ته به هیڅ ډول عذاب نه وي.

Ajet: 60

اِنَّ هٰذَا لَهُوَ الْفَوْزُ الْعَظِیْمُ ۟

په رښتیا همدغه لوی بری دی.

Ajet: 61

لِمِثْلِ هٰذَا فَلْیَعْمَلِ الْعٰمِلُوْنَ ۟

او باید د همدغه بري د ترلاسه کولو لپاره خلک هڅه وکړي.

Ajet: 62

اَذٰلِكَ خَیْرٌ نُّزُلًا اَمْ شَجَرَةُ الزَّقُّوْمِ ۟

ایا دا غوره میلمستیا ده او که د زقوم ونه؟

Ajet: 63

اِنَّا جَعَلْنٰهَا فِتْنَةً لِّلظّٰلِمِیْنَ ۟

مونږ پرې ظالمان ازمایو.

Ajet: 64

اِنَّهَا شَجَرَةٌ تَخْرُجُ فِیْۤ اَصْلِ الْجَحِیْمِ ۟ۙ

هغه یوه ونه ده چې د دوزخ په بیخ کې راټوکیږي.

Ajet: 65

طَلْعُهَا كَاَنَّهٗ رُءُوْسُ الشَّیٰطِیْنِ ۟

د هغي غوټۍ داسې دي لکه د شیطانانو سرونه.

Ajet: 66

فَاِنَّهُمْ لَاٰكِلُوْنَ مِنْهَا فَمَالِـُٔوْنَ مِنْهَا الْبُطُوْنَ ۟ؕ

دوزخیان به يې خوري او خیټې به ترې ډکوي.

Ajet: 67

ثُمَّ اِنَّ لَهُمْ عَلَیْهَا لَشَوْبًا مِّنْ حَمِیْمٍ ۟ۚ

او بیا به ګرمي او جوش اوبه د پاسه پرې څښي.

Ajet: 68

ثُمَّ اِنَّ مَرْجِعَهُمْ لَاۡاِلَی الْجَحِیْمِ ۟

بیا يي ورتګ دوزخ ته دی.

Ajet: 69

اِنَّهُمْ اَلْفَوْا اٰبَآءَهُمْ ضَآلِّیْنَ ۟ۙ

دا هغه خلک وو چې خپل پلرونه يي بې لارې میندلي وو.

Ajet: 70

فَهُمْ عَلٰۤی اٰثٰرِهِمْ یُهْرَعُوْنَ ۟

او د هغوی پر پلونو[۸] زغولای شول.

[۸] پرته له دې چې له عقل څخه کار واخلي د پلرونو پر دین بیولی شول( تفسیر ابن کثیر)

Ajet: 71

وَلَقَدْ ضَلَّ قَبْلَهُمْ اَكْثَرُ الْاَوَّلِیْنَ ۟ۙ

او په رښتیا چې پخواني ډیر خلک يي بې لارې شوي وو.

Ajet: 72

وَلَقَدْ اَرْسَلْنَا فِیْهِمْ مُّنْذِرِیْنَ ۟

او مونږ ښه ډیر ډاروونکي ورولیږلي وو.

Ajet: 73

فَانْظُرْ كَیْفَ كَانَ عَاقِبَةُ الْمُنْذَرِیْنَ ۟ۙ

نو وګوره چې د ډارول شوو خلکو پای څه شوه؟

Ajet: 74

اِلَّا عِبَادَ اللّٰهِ الْمُخْلَصِیْنَ ۟۠

یوازې د الله سوچه او پاک شوي بنده ګان ژغورل شوي وو.

Ajet: 75

وَلَقَدْ نَادٰىنَا نُوْحٌ فَلَنِعْمَ الْمُجِیْبُوْنَ ۟ؗۖ

او مونږ ته غږ کړی او مونږ ډير ښه ځواب ورکوونکي یو.

Ajet: 76

وَنَجَّیْنٰهُ وَاَهْلَهٗ مِنَ الْكَرْبِ الْعَظِیْمِ ۟ؗۖ

مونږ هغه او د هغه کورنۍ له ستر غم نه وژغورله.

Ajet: 77

وَجَعَلْنَا ذُرِّیَّتَهٗ هُمُ الْبٰقِیْنَ ۟ؗۖ

او یوازې د هغه ځوځات مو پاتې کړل.

Ajet: 78

وَتَرَكْنَا عَلَیْهِ فِی الْاٰخِرِیْنَ ۟ؗۖ

او په وروستیو نسلونو کې مو پر هغه لورینه پريښووله.

Ajet: 79

سَلٰمٌ عَلٰی نُوْحٍ فِی الْعٰلَمِیْنَ ۟

په ګرد عالم کې دې پر نوح سلام وي.

Ajet: 80

اِنَّا كَذٰلِكَ نَجْزِی الْمُحْسِنِیْنَ ۟

مونږ نیکو کارانو ته همدا ډول بدله ورکوو.

Ajet: 81

اِنَّهٗ مِنْ عِبَادِنَا الْمُؤْمِنِیْنَ ۟

او په رښتیا چې هغه زما له مؤمنو بنده ګانو څخه و.

Ajet: 82

ثُمَّ اَغْرَقْنَا الْاٰخَرِیْنَ ۟

او بیا مو نور خلک غرق کړل.

Ajet: 83

وَاِنَّ مِنْ شِیْعَتِهٖ لَاِبْرٰهِیْمَ ۟ۘ

او ابراهیم د نوح په لار روان و.

Ajet: 84

اِذْ جَآءَ رَبَّهٗ بِقَلْبٍ سَلِیْمٍ ۟

چې په پاک زړه سره يي خپل رب ته پنا یووړه.

Ajet: 85

اِذْ قَالَ لِاَبِیْهِ وَقَوْمِهٖ مَاذَا تَعْبُدُوْنَ ۟ۚ

خپل پلار او قوم ته يي وویل: دا څه دي چې تاسې يي عبادت کوئ؟

Ajet: 86

اَىِٕفْكًا اٰلِهَةً دُوْنَ اللّٰهِ تُرِیْدُوْنَ ۟ؕ

ایا پرته له الله نه په درواغو جوړ شوي معبودان غواړئ؟

Ajet: 87

فَمَا ظَنُّكُمْ بِرَبِّ الْعٰلَمِیْنَ ۟

نو د رب العالمین په هکله ستاسې ګومان څه دی؟

Ajet: 88

فَنَظَرَ نَظْرَةً فِی النُّجُوْمِ ۟ۙ

ابراهیم د ستورو په لور وکتل[۹]

[۹] په فکر کې شو عربان هغه چاته چې فکر کوي وايي: ستورو ته ګوري( تفسیر الماوردي)

Ajet: 89

فَقَالَ اِنِّیْ سَقِیْمٌ ۟

نو ويي ویل چې زه ناروغ یم.

Ajet: 90

فَتَوَلَّوْا عَنْهُ مُدْبِرِیْنَ ۟

هغوی ټول ترې په ستنه په څټ شول.

Ajet: 91

فَرَاغَ اِلٰۤی اٰلِهَتِهِمْ فَقَالَ اَلَا تَاْكُلُوْنَ ۟ۚ

نو په خورا پټه د هغوی خدایانو ته ورغی او ورته يې وویل: ولې[۱۰] خوراک نه کوئ؟

[۱۰] دغه د خوراک څیزونه چې ستاسې په وړاندې ایښي ولې يي نه خورئ( تفسیر الماوردی).

Ajet: 92

مَا لَكُمْ لَا تَنْطِقُوْنَ ۟

ولې خبرې نه کوئ؟

Ajet: 93

فَرَاغَ عَلَیْهِمْ ضَرْبًا بِالْیَمِیْنِ ۟

په خورا زور او قوت سره يي پرې ګوزار وکړ.

Ajet: 94

فَاَقْبَلُوْۤا اِلَیْهِ یَزِفُّوْنَ ۟

ټول قوم يي ابراهیم ته په منډه ورغی.

Ajet: 95

قَالَ اَتَعْبُدُوْنَ مَا تَنْحِتُوْنَ ۟ۙ

ابراهیم ورته وویل: ایا تاسې د هغه څه عبادت کوئ چې په خپلو لاسونو يي تراشئ؟

Ajet: 96

وَاللّٰهُ خَلَقَكُمْ وَمَا تَعْمَلُوْنَ ۟

په داسې حال کې چې الله تاسې او هغه ټول پیدا کړي دي چې تاسې يې جوړوئ؟

Ajet: 97

قَالُوا ابْنُوْا لَهٗ بُنْیَانًا فَاَلْقُوْهُ فِی الْجَحِیْمِ ۟

هغوی سره وویل: یو ځای ورته جوړ کړئ او په تاوجن اور کې يې ورواچوئ.

Ajet: 98

فَاَرَادُوْا بِهٖ كَیْدًا فَجَعَلْنٰهُمُ الْاَسْفَلِیْنَ ۟

د هغه پر خلاف يې شوم پلان درلود خو مونږ پاتې راوستل.

Ajet: 99

وَقَالَ اِنِّیْ ذَاهِبٌ اِلٰی رَبِّیْ سَیَهْدِیْنِ ۟

ابراهیم وویل: زه د خپل رب لور ته ځم هغه به ماته ښوونه وکړي.

Ajet: 100

رَبِّ هَبْ لِیْ مِنَ الصّٰلِحِیْنَ ۟

ای زما ربه! ما ته یو ځوی راکړه چې له صالحانو وي.

Ajet: 101

فَبَشَّرْنٰهُ بِغُلٰمٍ حَلِیْمٍ ۟

مونږ هغه ته د زغم لرونکي هلک زیری ورکړ.

Ajet: 102

فَلَمَّا بَلَغَ مَعَهُ السَّعْیَ قَالَ یٰبُنَیَّ اِنِّیْۤ اَرٰی فِی الْمَنَامِ اَنِّیْۤ اَذْبَحُكَ فَانْظُرْ مَاذَا تَرٰی ؕ— قَالَ یٰۤاَبَتِ افْعَلْ مَا تُؤْمَرُ ؗ— سَتَجِدُنِیْۤ اِنْ شَآءَ اللّٰهُ مِنَ الصّٰبِرِیْنَ ۟

کله چې کوچنۍ تر هلو ځلو ورسید نو ابراهیم وویل: ځوی جانه! زه په خوب کې ګورم چې تا حلالوم ته وایه چې ستا نظر څه دی؟ ځوی يي وویل: پلارجانه! څه چې درته حکم کیږي هغه وکړه! ان شاء الله چې ما به صابر وویني.

Ajet: 103

فَلَمَّاۤ اَسْلَمَا وَتَلَّهٗ لِلْجَبِیْنِ ۟ۚ

بالاخره دواړو غاړه کیښووله او ځوی يي پړمخ پر تندي وګورځاو.

Ajet: 104

وَنَادَیْنٰهُ اَنْ یّٰۤاِبْرٰهِیْمُ ۟ۙ

مونږ پرې غږ وکړ چې ای ابراهیمه!

Ajet: 105

قَدْ صَدَّقْتَ الرُّءْیَا ۚ— اِنَّا كَذٰلِكَ نَجْزِی الْمُحْسِنِیْنَ ۟

تا خوب پوره کړ. مونږ په همدې توګه نیکو کارانو ته بدل وکوو.

Ajet: 106

اِنَّ هٰذَا لَهُوَ الْبَلٰٓؤُا الْمُبِیْنُ ۟

په رښتیا چې دا خورا ښکاره ازمیښت و.

Ajet: 107

وَفَدَیْنٰهُ بِذِبْحٍ عَظِیْمٍ ۟

او مونږ هغه ته یوه لویه قرباني هدیه کړه.

Ajet: 108

وَتَرَكْنَا عَلَیْهِ فِی الْاٰخِرِیْنَ ۟ؗ

او په وروستنیو نسلونو کې مو پر هغه لورینه پریښووله.

Ajet: 109

سَلٰمٌ عَلٰۤی اِبْرٰهِیْمَ ۟

سلام پر ابراهیم.

Ajet: 110

كَذٰلِكَ نَجْزِی الْمُحْسِنِیْنَ ۟

هو! مونږ نیکو کارانو ته همدا ډول بدله ورکوو.

Ajet: 111

اِنَّهٗ مِنْ عِبَادِنَا الْمُؤْمِنِیْنَ ۟

په رښتیا چې هغه زما له مؤمنو بنده ګانو څخه و.

Ajet: 112

وَبَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ ۟

او مونږ هغه ته دپیغمبر او صالح اسحق زیری ورکړ.

Ajet: 113

وَبٰرَكْنَا عَلَیْهِ وَعَلٰۤی اِسْحٰقَ ؕ— وَمِنْ ذُرِّیَّتِهِمَا مُحْسِنٌ وَّظَالِمٌ لِّنَفْسِهٖ مُبِیْنٌ ۟۠

او مونږ پر هغه او پر اسحق برکت وکړ او د هغوی دواړو له ځوځات نه ځينې نیکو کار او ځیني يي پر خپلو ځانونو ښکاره تیري کوونکي دي.

Ajet: 114

وَلَقَدْ مَنَنَّا عَلٰی مُوْسٰی وَهٰرُوْنَ ۟ۚ

او مونږ پر موسی او هارون لورینه وکړه.

Ajet: 115

وَنَجَّیْنٰهُمَا وَقَوْمَهُمَا مِنَ الْكَرْبِ الْعَظِیْمِ ۟ۚ

هغوی او قوم يي مونږ له غم نه خلاص کړل.

Ajet: 116

وَنَصَرْنٰهُمْ فَكَانُوْا هُمُ الْغٰلِبِیْنَ ۟ۚ

له هغوی سره مو کومک وکړ نو برلاسي شول.

Ajet: 117

وَاٰتَیْنٰهُمَا الْكِتٰبَ الْمُسْتَبِیْنَ ۟ۚ

او هغوی ته مې څرګندوونکی کتاب ورکړ.

Ajet: 118

وَهَدَیْنٰهُمَا الصِّرَاطَ الْمُسْتَقِیْمَ ۟ۚ

او روغه او سمه لار مو هم وروښووله.

Ajet: 119

وَتَرَكْنَا عَلَیْهِمَا فِی الْاٰخِرِیْنَ ۟ۙۖ

او په وروستنیو امتونو کې مو پر هغوی لورینه پریښووله.

Ajet: 120

سَلٰمٌ عَلٰی مُوْسٰی وَهٰرُوْنَ ۟

سلام پر موسی او هارون

Ajet: 121

اِنَّا كَذٰلِكَ نَجْزِی الْمُحْسِنِیْنَ ۟

هو! مونږ نیکوکارانو ته همدا ډول بدل ورکوو.

Ajet: 122

اِنَّهُمَا مِنْ عِبَادِنَا الْمُؤْمِنِیْنَ ۟

په رښتیا چې هغوی دواړه زما له مؤمنو بنده ګانو څخه وو.

Ajet: 123

وَاِنَّ اِلْیَاسَ لَمِنَ الْمُرْسَلِیْنَ ۟ؕ

او له شک نه وتلې ده چې الیاس هم له پیغمبرانو څخه و

Ajet: 124

اِذْ قَالَ لِقَوْمِهٖۤ اَلَا تَتَّقُوْنَ ۟

یاد کړه چې خپل قوم ته يي وویل: ایا تاسې نه ډاریږئ؟

Ajet: 125

اَتَدْعُوْنَ بَعْلًا وَّتَذَرُوْنَ اَحْسَنَ الْخَالِقِیْنَ ۟ۙ

ایا بغل نومی بوت رابلئ او تر ټولو ښه پیدا کوونکی پریږدئ؟

Ajet: 126

اللّٰهَ رَبَّكُمْ وَرَبَّ اٰبَآىِٕكُمُ الْاَوَّلِیْنَ ۟

ایا هغه الله پریږدئ چې ستاسې او ستاسې د پلرونو رب دی.

Ajet: 127

فَكَذَّبُوْهُ فَاِنَّهُمْ لَمُحْضَرُوْنَ ۟ۙ

خو هغوی درواغجن وګاڼه نو ځکه به هغوی عذاب ته حاضر کړای شي.

Ajet: 128

اِلَّا عِبَادَ اللّٰهِ الْمُخْلَصِیْنَ ۟

یوازې د الله هغه بنده ګان له عذاب نه خلاص دي چې خاص کړي شوي وو.

Ajet: 129

وَتَرَكْنَا عَلَیْهِ فِی الْاٰخِرِیْنَ ۟ۙ

او مونږ په ورستیو امتونو کې پرهغه لورینه پریښووله.

Ajet: 130

سَلٰمٌ عَلٰۤی اِلْ یَاسِیْنَ ۟

سلام پر الیاس.

Ajet: 131

اِنَّا كَذٰلِكَ نَجْزِی الْمُحْسِنِیْنَ ۟

هو! مونږ نیکوکارو ته همدا وړ بدل وکووو.

Ajet: 132

اِنَّهٗ مِنْ عِبَادِنَا الْمُؤْمِنِیْنَ ۟

په رښتیا چې هغه زمونږ له مؤمنو بنده ګانو څخه وو.

Ajet: 133

وَاِنَّ لُوْطًا لَّمِنَ الْمُرْسَلِیْنَ ۟ؕ

او له شک نه وتلې ده چې لوط هم پیغمبرانو څخه و.

Ajet: 134

اِذْ نَجَّیْنٰهُ وَاَهْلَهٗۤ اَجْمَعِیْنَ ۟ۙ

هغه یاد کړه چې مونږ هغه او د هغه ټولې کورنۍ ته نجات ورکړ.

Ajet: 135

اِلَّا عَجُوْزًا فِی الْغٰبِرِیْنَ ۟

یوازې یوه سپین سرې وه چې په پاتې کیدونکو کې وه.

Ajet: 136

ثُمَّ دَمَّرْنَا الْاٰخَرِیْنَ ۟

بیا مو نور ټول هلا کړل.

Ajet: 137

وَاِنَّكُمْ لَتَمُرُّوْنَ عَلَیْهِمْ مُّصْبِحِیْنَ ۟ۙ

او ای قریشو! تاسې ګهیځ پر هغوی تیریږئ.

Ajet: 138

وَبِالَّیْلِ ؕ— اَفَلَا تَعْقِلُوْنَ ۟۠

او د شپې له لورې هم. ایا له عقل نه کار نه اخلئ

Ajet: 139

وَاِنَّ یُوْنُسَ لَمِنَ الْمُرْسَلِیْنَ ۟ؕ

او له شک نه وتلې ده چې یونس هم له پیغمبرانو څخه و.

Ajet: 140

اِذْ اَبَقَ اِلَی الْفُلْكِ الْمَشْحُوْنِ ۟ۙ

هغه يي یاد کړه چې د یوې ډکې کښتۍ په لور وتښتید

Ajet: 141

فَسَاهَمَ فَكَانَ مِنَ الْمُدْحَضِیْنَ ۟ۚ

چې په خپلو مینځونو کې ي پچه واچوله نو یونس ماتې خوړونکی و.

Ajet: 142

فَالْتَقَمَهُ الْحُوْتُ وَهُوَ مُلِیْمٌ ۟

نو هغه وو چې یوه کب تیر کړ او ځان يې پړ ګاڼه

Ajet: 143

فَلَوْلَاۤ اَنَّهٗ كَانَ مِنَ الْمُسَبِّحِیْنَ ۟ۙ

که هغه له تسبیح ویونکو څخه نه وای؟

Ajet: 144

لَلَبِثَ فِیْ بَطْنِهٖۤ اِلٰی یَوْمِ یُبْعَثُوْنَ ۟ۚ

نو د بیرته ژوندي راپاڅیدلو تر ورځې به د کب په خیټه کې پاتې شوی ؤ

Ajet: 145

فَنَبَذْنٰهُ بِالْعَرَآءِ وَهُوَ سَقِیْمٌ ۟ۚ

په یوه هوار، خالي ‌ډاګ کې مو بې وسې او ناتوانه وغورځاو.

Ajet: 146

وَاَنْۢبَتْنَا عَلَیْهِ شَجَرَةً مِّنْ یَّقْطِیْنٍ ۟ۚ

او زیلۍ لرونکې[۱۲] ونه مو پرې رازرغونه کړه.

[۱۲] هغه بوټي ته وايي چې ډډ ونه لري او د ځمکي په مخ خوریږي( تفسیر الماوردی)

Ajet: 147

وَاَرْسَلْنٰهُ اِلٰی مِائَةِ اَلْفٍ اَوْ یَزِیْدُوْنَ ۟ۚ

او له یو لک نه زیاتو خلکو په لور مو ولیږه.

Ajet: 148

فَاٰمَنُوْا فَمَتَّعْنٰهُمْ اِلٰی حِیْنٍ ۟ؕ

ټولو ایمان راوړ نو تر یوه وخته مې مهلت ورکړ.

Ajet: 149

فَاسْتَفْتِهِمْ اَلِرَبِّكَ الْبَنَاتُ وَلَهُمُ الْبَنُوْنَ ۟ۙ

نو ته کافران وپوښته: چې ستا د رب دې لروګانې وي او د هغوی ځامن؟

Ajet: 150

اَمْ خَلَقْنَا الْمَلٰٓىِٕكَةَ اِنَاثًا وَّهُمْ شٰهِدُوْنَ ۟

او ایا دوی حاضر وو چې مونږ ملایکې ښځینه پیدا کړې؟

Ajet: 151

اَلَاۤ اِنَّهُمْ مِّنْ اِفْكِهِمْ لَیَقُوْلُوْنَ ۟ۙ

خبردار چې دوی د خپلو درواغو له مخې وايي.

Ajet: 152

وَلَدَ اللّٰهُ ۙ— وَاِنَّهُمْ لَكٰذِبُوْنَ ۟

الله زیږول کړي او په رښتیا چې ډیر درواغجن دي.

Ajet: 153

اَصْطَفَی الْبَنَاتِ عَلَی الْبَنِیْنَ ۟ؕ

ایا الله لورګانې پر ځامنو غوره کړي دي؟

Ajet: 154

مَا لَكُمْ ۫— كَیْفَ تَحْكُمُوْنَ ۟

په تاسې څه شوي؟ او څه ډول پریکړه کوئ؟

Ajet: 155

اَفَلَا تَذَكَّرُوْنَ ۟ۚ

ایا پنده نه اخلئ؟

Ajet: 156

اَمْ لَكُمْ سُلْطٰنٌ مُّبِیْنٌ ۟ۙ

او که له تاسې سره کوم څرګند دلیل شته؟

Ajet: 157

فَاْتُوْا بِكِتٰبِكُمْ اِنْ كُنْتُمْ صٰدِقِیْنَ ۟

هغه لیکنه مو راوړاندې کړئ که تاسې رښتیني یاست

Ajet: 158

وَجَعَلُوْا بَیْنَهٗ وَبَیْنَ الْجِنَّةِ نَسَبًا ؕ— وَلَقَدْ عَلِمَتِ الْجِنَّةُ اِنَّهُمْ لَمُحْضَرُوْنَ ۟ۙ

او هغوی د الله او ملایکو ترمینځ خپلوي جوړوي. په داسې حال کې چې ملایکې پوه دي چې ددې خبرې ویونکي به عذاب ته حاضر کړای شي.

Ajet: 159

سُبْحٰنَ اللّٰهِ عَمَّا یَصِفُوْنَ ۟ۙ

الله له هغه څه پاک دی چې دوی يي بیانوي

Ajet: 160

اِلَّا عِبَادَ اللّٰهِ الْمُخْلَصِیْنَ ۟

مګر یوازې د الله غوره بنده ګان يې په ښو نومونو ستايي.

Ajet: 161

فَاِنَّكُمْ وَمَا تَعْبُدُوْنَ ۟ۙ

نو ای مشرکانو! تاسې او ستاسې بللي خدایان

Ajet: 162

مَاۤ اَنْتُمْ عَلَیْهِ بِفٰتِنِیْنَ ۟ۙ

هیڅوک په دې بوت بلنې سره په ازمیښت کې نه شئ اچولی

Ajet: 163

اِلَّا مَنْ هُوَ صَالِ الْجَحِیْمِ ۟

مګر یوازې هغه خلک ښویولي شئ چې دوزخ ته تلونکي دي.

Ajet: 164

وَمَا مِنَّاۤ اِلَّا لَهٗ مَقَامٌ مَّعْلُوْمٌ ۟ۙ

او زمونږ د هرې ملایکې ځای په ګوته کړی شوی دی.

Ajet: 165

وَّاِنَّا لَنَحْنُ الصَّآفُّوْنَ ۟ۚ

او مونږ د الله په وړاندې صف په صف ولاړې یو

Ajet: 166

وَاِنَّا لَنَحْنُ الْمُسَبِّحُوْنَ ۟

او یوازې د هغه تسبیح وایو

Ajet: 167

وَاِنْ كَانُوْا لَیَقُوْلُوْنَ ۟ۙ

کافرانو به همیش ویل

Ajet: 168

لَوْ اَنَّ عِنْدَنَا ذِكْرًا مِّنَ الْاَوَّلِیْنَ ۟ۙ

که مونږ ته د پخوانیو خلکو په شان کتاب راغلی وای

Ajet: 169

لَكُنَّا عِبَادَ اللّٰهِ الْمُخْلَصِیْنَ ۟

نو مونږ به هم د الله غوره بنده ګان وای

Ajet: 170

فَكَفَرُوْا بِهٖ فَسَوْفَ یَعْلَمُوْنَ ۟

چې کتاب ورته راغی نو ترې منکر شول ډیر ژر به په عاقبت پوه شي

Ajet: 171

وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِیْنَ ۟ۚۖ

او د پیغمبرانو په هکله زمونږ پریکړه پخوا صادره شوې ده

Ajet: 172

اِنَّهُمْ لَهُمُ الْمَنْصُوْرُوْنَ ۪۟

چې کومک به ورسره کیږي

Ajet: 173

وَاِنَّ جُنْدَنَا لَهُمُ الْغٰلِبُوْنَ ۟

او یوازې زمږ لښکرې بریمني او برلاسي دي

Ajet: 174

فَتَوَلَّ عَنْهُمْ حَتّٰی حِیْنٍ ۟ۙ

نو ای محمده! تر ټاکلې مودې ترې مخ واړه وه

Ajet: 175

وَّاَبْصِرْهُمْ فَسَوْفَ یُبْصِرُوْنَ ۟

ورته ګوره ډیر ژر به هغوی خپل عاقبت وویني

Ajet: 176

اَفَبِعَذَابِنَا یَسْتَعْجِلُوْنَ ۟

ایا هغوی په تلوار زمونږ عذاب غواري؟

Ajet: 177

فَاِذَا نَزَلَ بِسَاحَتِهِمْ فَسَآءَ صَبَاحُ الْمُنْذَرِیْنَ ۟

کله چې د هغوی پر سیمه عذاب راښکته شي نو د ډارول شوو خلکو سهار به خورا ناورین وي.

Ajet: 178

وَتَوَلَّ عَنْهُمْ حَتّٰی حِیْنٍ ۟ۙ

او ای محمده! تر ټاکلې مودې ترې مخ واړوه.

Ajet: 179

وَّاَبْصِرْ فَسَوْفَ یُبْصِرُوْنَ ۟

او ورته ګوره ډیر ژر به هغوی خپل عاقبت وویني

Ajet: 180

سُبْحٰنَ رَبِّكَ رَبِّ الْعِزَّةِ عَمَّا یَصِفُوْنَ ۟ۚ

ستا رب، د عزت څښتن، له هغه څه نه پاک دی چې هغوی يې بیانوي.

Ajet: 181

وَسَلٰمٌ عَلَی الْمُرْسَلِیْنَ ۟ۚ

او سلام پر پیغمبرانو

Ajet: 182

وَالْحَمْدُ لِلّٰهِ رَبِّ الْعٰلَمِیْنَ ۟۠

او ټولې ستاینې یوازې د یو الله دي چې رب د ټول عالم دی.