Übersetzung der Bedeutungen Surah / Kapitel Al-Falaq - Albanische Übersetzung - Die Enzyklopädie von dem heiligen Quran

Suretu El Felek

Vers: 1

قُلۡ أَعُوذُ بِرَبِّ ٱلۡفَلَقِ

Thuaj: “Kërkoj mbështetje te Zoti i agimit,

Vers: 2

مِن شَرِّ مَا خَلَقَ

që të më mbrojë nga sherri i gjithçkaje që Ai ka krijuar

Vers: 3

وَمِن شَرِّ غَاسِقٍ إِذَا وَقَبَ

dhe nga sherri i natës, kur kaplon terri

Vers: 4

وَمِن شَرِّ ٱلنَّفَّٰثَٰتِ فِي ٱلۡعُقَدِ

dhe nga sherri i falltarëve, që fryjnë në nyje (duke bërë magji)^[442]

[442] Vargu bën fjalë për një formë magjie të zezë, që praktikohej shumë në Arabinë paraislamike.

Vers: 5

وَمِن شَرِّ حَاسِدٍ إِذَا حَسَدَ

dhe nga sherri i smirëziut, kur vepron me smirë.”^[443]

[443] Syri i keq që vjen si pasojë e smirës, është, sigurisht, një nga format me ndikim më të fortë negativ që mund të gjenden. Nuk mund të mohohet se, ky është një instrument të cilin e përdor shejtani për të realizuar ndikime të ndryshme dhe të rënda te njerëzit: tek ata që e pësojnë, pa i kuptuar dhe pa i njohur shkaqet e “shqetësimit” të tyre; tek ata që përpiqen ta shërojnë “syrin” me praktika të tjera magjike dhe tek ata që e shkaktojnë, duke u bërë kështu bashkëpunëtorë objektivë ose subjektivë të intrigave djallëzore kundër njerëzimit. Për t’u ruajtur nga shejtani, shërben lutja “E‘ûdhu bil-lâhi min-esh shejtân-irr raxhîm” (Strehohem tek Allahu kundër shejtanit të mallkuar), por është mirë të kujtohet edhe vargu 99 i sures 16 “në të vërtetë, djalli nuk ka kurrfarë pushteti mbi ata që besojnë dhe mbështeten tek Zoti i tyre”.