Translation of the meanings Ayah 26 Surah An-Noor - Fulani translation of Al-Mukhtsar in interpretation of the Noble Quran - The Noble Qur'an Encyclopedia

Ayah: 26

ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ

Kala ko soɓi immorde ka worɓe e ka rewɓe e ka konnguɗi e ka kuuɗe na yaadi ina hawri e kala huunde soɓunde. Kala ko laaɓi kon kadi immorde e ɗum haray ko dammbondirɗum e hawrondirɗum e kala huunde laaɓunde. Ɓen worɓe laaɓuɓe e rewɓe laaɓuɓe ko ɓe martinaaɓe e ko worɓe soɓuɓe ɓen e rewɓe soɓuɓe ɓen wowlata ɓe kon. No woodani ɓe haforaneede immorde ka Alla hiMo haforira ɗum bakkatuuji maɓɓe, no woodani ɓe arsike tedduɗo ɗum le ko Aljanna on.

Benefits of the verses in this page:

• إغراءات الشيطان ووساوسه داعية إلى ارتكاب المعاصي، فليحذرها المؤمن.

Hodooje Seytaane ɗen e sonwosiyeeji makko ɗin ko noddayɗo faade e goopi ɗin, yo gomɗinɗo on reeno e majji.

• التوفيق للتوبة والعمل الصالح من الله لا من العبد.

Hawridineede fii tuubuubuyee e golle moƴƴe ɗen immorii ka Alla wonaa immorde e jeyaaɗo on.

• العفو والصفح عن المسيء سبب لغفران الذنوب.

Yawtangol yaafanoo bonnuɗo on no wona sabu fii haforaneede junuubu on.

• قذف العفائف من كبائر الذنوب.

Tukkugol nantiiɓe (reeniiɓe) ɓen ko jeyaaɗum e junubaaji mawɗi ɗin.

• مشروعية الاستئذان لحماية النظر، والحفاظ على حرمة البيوت.

Sar'ineede sakkintinagol ngol ko fii reenugol ndarɗe ɗen, e reenugol hormo cuuɗi ɗin.