Translation of the meanings Surah Fātir - Fulani translation of Al-Mukhtsar in interpretation of the Noble Quran - Page Number 434 - The Noble Qur'an Encyclopedia

Simoore faatir

Purposes of the Surah:

بيان فقر العباد المطلق إلى فاطر السماوات والأرض، وكمال غناه عنهم.

Hollirde hatajinde jiyaaɓe katajingol bellitingol faade e Takɗo kammuuji e leydi e timmude yondinaade Mbo.

---

Ayah: 1

ٱلۡحَمۡدُ لِلَّهِ فَاطِرِ ٱلسَّمَٰوَٰتِ وَٱلۡأَرۡضِ جَاعِلِ ٱلۡمَلَٰٓئِكَةِ رُسُلًا أُوْلِيٓ أَجۡنِحَةٖ مَّثۡنَىٰ وَثُلَٰثَ وَرُبَٰعَۚ يَزِيدُ فِي ٱلۡخَلۡقِ مَا يَشَآءُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Yettoore woodanii Alla, taguɗo kammuuli ɗin e leydi ndin, no ɗi anndiranooka, waɗuɗo e Malaa'ika'en nulaaɓe siinooɓe yamaruyeeji Makko: hino e maɓɓe yottinooɓe wahayu on e Annabaaɓe ɓen, O semmbiniri ɓe nden hoolaare nde O halfini ɓe tottugol, woɗɓe ɓen ko marɓe gabitanji ɗiɗi e ɗi tati e ɗi nayi, hiɓe wiirira ɗi hunnugol ko Alla yamiri ɓe. Kanko Alla, himo ɓeyda ko O muuyi e tagu Makko ngun, immorde e tergal maa ŋari maa hito, tawde pellet, Alla ko hattanɗo kala huunde, huunde ronkintaa Mo.

Ayah: 2

مَّا يَفۡتَحِ ٱللَّهُ لِلنَّاسِ مِن رَّحۡمَةٖ فَلَا مُمۡسِكَ لَهَاۖ وَمَا يُمۡسِكۡ فَلَا مُرۡسِلَ لَهُۥ مِنۢ بَعۡدِهِۦۚ وَهُوَ ٱلۡعَزِيزُ ٱلۡحَكِيمُ

Tabitii soktirgal kala huunde, ko juuɗe Alla woni: Kala ko Alla udditani yimɓe ɓen, immorde e arsike e peewal e malal, haray alaa haɗoowo ɗum; kala kadi ko O jogitii e ɗum, hay gooto hattanaa accitugol ɓaawo O jogitaade. Ko Kanko woni Fooluɗo Mo gooto foolataa, Ñeeñuɗo e tagu Mun, e kattal Mun e toppitagol Mun.

Ayah: 3

يَٰٓأَيُّهَا ٱلنَّاسُ ٱذۡكُرُواْ نِعۡمَتَ ٱللَّهِ عَلَيۡكُمۡۚ هَلۡ مِنۡ خَٰلِقٍ غَيۡرُ ٱللَّهِ يَرۡزُقُكُم مِّنَ ٱلسَّمَآءِ وَٱلۡأَرۡضِۚ لَآ إِلَٰهَ إِلَّا هُوَۖ فَأَنَّىٰ تُؤۡفَكُونَ

Ko onon yo yimɓe! Annditiree ɓerɗe mon e ɗemɗe mon, neema Alla on e dow mooɗon, annditiron tere mon ɗen golle. E nee, haraa no woodi ko woori Alla, tagoowo arsikiroowo on ka kammu, jippingol toɓo, e ka leydi, fuɗingol dimɗe e remuruuji? Reweteeɗo e goonga alaa si wanaa Kanko! E ko honno yiilirteɗon e kaa goonga, haa fefindoɗon fenaande, aaƴoɗon wonnde kafidiiɓe no woodani Alla, tawde non O tagii on O arsikii on?

Benefits of the verses in this page:

• مشهد فزع الكفار يوم القيامة مشهد عظيم.

Kulol heeferɓe ɓen Ñalnde Darngal, ko ko mawni.

• محل نفع الإيمان في الدنيا؛ لأنها هي دار العمل.

Gomɗinal ko aduna tun nafata, tawde ko ton golletee.

• عظم خلق الملائكة يدل على عظمة خالقهم سبحانه.

Mawnugol tagu malaa'ikaaɓe ɓen, hino tinndina Manwgu taguɗo ɓe On.