Translation of the Meanings of the Noble Qur'an - الترجمة الفولانية للمختصر في تفسير القرآن الكريم * - Translations’ Index
Simoore Yaasiin
Purposes of the Surah:
إثبات الرسالة والبعث ودلائلهما.
يسٓ
Arabic explanations of the Qur’an:
وَٱلۡقُرۡءَانِ ٱلۡحَكِيمِ
Arabic explanations of the Qur’an:
لِتُنذِرَ قَوۡمٗا مَّآ أُنذِرَ ءَابَآؤُهُمۡ فَهُمۡ غَٰفِلُونَ
Alla jippiniriinde e maaɗa, fii a jertinir nden yimɓe, ɓen woni aarabeeɓe ɓe Nulaaɓe araano e mun, ko jertina ɓe: ɓen ko welsindiiɓe e gomɗinal e tawhiidi. Ko non kala mofte ɗe jertineede taƴondiri e mun wa'ata, haa ɓe hatonjina e Nulaaɓe ko jertina ɓe.
Arabic explanations of the Qur’an:
لَقَدۡ حَقَّ ٱلۡقَوۡلُ عَلَىٰٓ أَكۡثَرِهِمۡ فَهُمۡ لَا يُؤۡمِنُونَ
Gomɗii konngol lepte jojjirii e maɓɓe, immorde ka Alla, ɓaawo nde salii gomɗinde goonga ka Nulaaɓe maɓɓe addani kan, ɓe lutti e keeferaaku. Ɓen ɗon gomɗintaa Alla e Nulaaɗo Makko on, ɓe gollirtaa ko ɓen addi e goonga.
Arabic explanations of the Qur’an:
إِنَّا جَعَلۡنَا فِيٓ أَعۡنَٰقِهِمۡ أَغۡلَٰلٗا فَهِيَ إِلَى ٱلۡأَذۡقَانِ فَهُم مُّقۡمَحُونَ
Hiɓe wa'i wa ɓen ɓe kolommbooje falaa e daaɗe mun, juuɗe maɓɓe ɗen renndina daade mum en les bahe mum en haa tawa ko maa ɓe mbaawna faanude ko*e mum en ka kammu. Ɓee ɗoo kadi ko kolmbiraaɓe e gomɗingol Alla, ɓe yankinantaa- ko Mo, ɓe jippintinortaako fii Makko.
Arabic explanations of the Qur’an:
وَجَعَلۡنَا مِنۢ بَيۡنِ أَيۡدِيهِمۡ سَدّٗا وَمِنۡ خَلۡفِهِمۡ سَدّٗا فَأَغۡشَيۡنَٰهُمۡ فَهُمۡ لَا يُبۡصِرُونَ
Men waɗi yeeso maɓɓe heedo e goonga kan, ɓaawo kadi heedo, Men hippi gite maɓɓe ɗen e yi'ugol goonga, waɗi ɓe yi'ataa ko nafata ɓe. Ɗum le, ko tawde ɓe haɓɓitike luttugol e keeferaaku.
Arabic explanations of the Qur’an:
إِنَّمَا تُنذِرُ مَنِ ٱتَّبَعَ ٱلذِّكۡرَ وَخَشِيَ ٱلرَّحۡمَٰنَ بِٱلۡغَيۡبِۖ فَبَشِّرۡهُ بِمَغۡفِرَةٖ وَأَجۡرٖ كَرِيمٍ
Ko nafitorta jertinaango maa ngon tigiri, ko on jaɓuɗo Alqur'aana, o gollitiri ko woni e mayre, o huli Joomi makko ka yeewi. Awa wewlinir kala siforrɗo ɗum, wonnde Alla yaafanto ɓe junuubi maɓɓe ɗin, O yeɗa ɓe mbarjaari mawdi Ñalnde Darngal, woni naatugol Aljanna.
Arabic explanations of the Qur’an:
إِنَّا نَحۡنُ نُحۡيِ ٱلۡمَوۡتَىٰ وَنَكۡتُبُ مَا قَدَّمُواْ وَءَاثَٰرَهُمۡۚ وَكُلَّ شَيۡءٍ أَحۡصَيۡنَٰهُ فِيٓ إِمَامٖ مُّبِينٖ
Ko Menen woni wuurnitooɓe maayɓe ɓen, fii hasbugol Ñalnde Darngal, Men winnda ko ɓe ardini kon aduna e golle bonɗe maa moƴƴe, e batteeji maɓɓe heddinooɗi ɓaawo maayde maɓɓe, wano sadaaki ilooji, maa bonɗi maɓɓe heddinooɗi, wano keeferaaku. Gomɗi Men moftii kala huunde, e deftere ɓanngunde, nden woni alluwal reenaangal ngal.
Arabic explanations of the Qur’an:
Benefits of the verses in this page:
• العمل بالقرآن وخشية الله من أسباب دخول الجنة.
إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٖ فَقَالُوٓاْ إِنَّآ إِلَيۡكُم مُّرۡسَلُونَ
Nde Men nulunoo e maɓɓe Nulaaɓe ɗiɗi ka arannde, fii ko nodda ɓe e wootinɗingol Alla rewa Mo, ɓe fenni ɓen ɗon ɗiɗi. Ontuma Men semmbiniri ɓen, Nulaaɗo tataɓo, ɓe wi'ani yimɓe saare nden: "Menen ɗoo tato, ko men Nulaaɓe e mo'on, fii noddugol on e wootinɗingol Alla, jokka sari'a Makko on".
Arabic explanations of the Qur’an:
قَالُواْ مَآ أَنتُمۡ إِلَّا بَشَرٞ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ
Yimɓe saare nden jaabitii Nulaaɓe ɓen: On laataaki, si wanaa ko on ɓanndinke wano menen, huunde on ɓuraa men. Kadi, Jom-hinaranke on jippinaali hay wahayu e mooɗon. On wonaali, si wanaa ko nodditotooɓe fenaande.
Arabic explanations of the Qur’an:
وَمَا عَلَيۡنَآ إِلَّا ٱلۡبَلَٰغُ ٱلۡمُبِينُ
Arabic explanations of the Qur’an:
قَالُوٓاْ إِنَّا تَطَيَّرۡنَا بِكُمۡۖ لَئِن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٞ
Yimɓe saare nden wi'itani Nulaaɓe ɓen: Men hiitorii on kataa. Si tawii non on haɗitaaki noddugol e tawhiidi, ma men yagginir on fiɗugol on kaaƴe haa maayon, lepte muusuɗe kadi memira on immorde e amen.
Arabic explanations of the Qur’an:
قَالُواْ طَٰٓئِرُكُم مَّعَكُمۡ أَئِن ذُكِّرۡتُمۚ بَلۡ أَنتُمۡ قَوۡمٞ مُّسۡرِفُونَ
Nulaaɓe ɓen kadi wi'itani ɓe: Kiite mon ɗen, hiɗon wonndi e majji, sabu yeddugol mon Alla ngol, saloo jokkude Nulaaɓe Makko ɓen. E ko si on anndinaa- ma fii Alla, non kiitinoɗon? Tigi on, ko on yimɓe fantinooɓe e faggitagol geddi.
Arabic explanations of the Qur’an:
وَجَآءَ مِنۡ أَقۡصَا ٱلۡمَدِينَةِ رَجُلٞ يَسۡعَىٰ قَالَ يَٰقَوۡمِ ٱتَّبِعُواْ ٱلۡمُرۡسَلِينَ
Gorko iwri ka ɓuri woɗɗude e saare nden, o ari himo yaccora kulol wata yimɓe makko ɓen fennu Nulaaɓe ɓen, ɓe kammbirana ɓe warugol e lorgol e maɓɓe. O wi'i: "Ko onon yo yimɓe am, kori jokkee gomɗinon ɓee Nulaaɓe.
Arabic explanations of the Qur’an:
ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ
Hara mi jogitoto tagaaɗi Alla ɗin reweteeɗi gaanin Makko? Si woni Jom-hinaranke On muuyanii lam bone, tefoore ɗin reweteeɗi duncantaa lam hay huunde, wanaa pooɗugol nafa, wanaa duñogol loraa, ɗi waawaa kadi danɗndugol lam bone mo Alla muuyani lam, si mi arii maayude e keeferaaku. .
Arabic explanations of the Qur’an:
قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ
O teddiniraa ɓaawo sahimbineede makko, wi'aneede: Naatu Aljanna. Nde o naati ton, o yi'i neemaaji mun, o yelorani yimɓe makko ɓen wiide: Haaniino yimɓe am ɓen fennuɓe lam wari ɓen, ɓe annda ko mi heɓi e haforaneede junuubi, e teddungol ngal Alla yeɗi lam, fii no ɓe gomɗinira, no mi gomɗiniri, ɓe warjoree no mi warjoraa.
Arabic explanations of the Qur’an:
بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ
O teddiniraa ɓaawo sahimbineede makko, wi'aneede: Naatu Aljanna. Nde o naati ton, o yi'i neemaaji mun, o yelorani yimɓe makko ɓen wiide: Haaniino yimɓe am ɓen fennuɓe lam wari ɓen, ɓe annda ko mi heɓi e haforaneede bakkatuujii, e teddungol ngal Alla yeɗi lam, fii no ɓe gomɗinira, no mi gomɗiniri, ɓe warjoree no mi warjoraa.
Arabic explanations of the Qur’an:
Benefits of the verses in this page:
• أهمية القصص في الدعوة إلى الله.
۞ وَمَآ أَنزَلۡنَا عَلَىٰ قَوۡمِهِۦ مِنۢ بَعۡدِهِۦ مِن جُندٖ مِّنَ ٱلسَّمَآءِ وَمَا كُنَّا مُنزِلِينَ
Men hatonjinaano e halkirgol yimɓe makko fennunooɓe ɓen wari mo, e koneeli Malaa'ika, ɗi Men jippinirta ka kammu. Tawde fii maɓɓe no hoyani Men diini ɗum. Ko Men eɓɓirnoo halakuyee maɓɓe on, ko haacaango immorde ka kammu, wanaa jippingol Malaa'ika ko lepte ɓe.
Arabic explanations of the Qur’an:
إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ خَٰمِدُونَ
Halkeede yimɓe makko ɓen wonaano, si wanaa haacaango wooto, ngo Men wuurti e maɓɓe, tawi ɓe tallii hay gooto heddaaki, fii maɓɓe gasii. No ɓe waɗtiniri non, ko wano yiite huɓɓunoonge, nge ñifi, hara baɗte magge heddaaki.
Arabic explanations of the Qur’an:
يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ
Ee ninse jeyaaɓe fennunooɓe, ee hayrere maɓɓe Ñalnde Darngal, tuma ɓe yi'oyta lepte ɗen! Ko tawde ɓe woniino ka aduna maɓɓe, Nulaaɗo kala arunooɗo ɓe immorde ka Alla, ɓe waɗtayno mo jalnori, ɓe jalkita mo. Baɗtane maɓɓe ɗen wonti ninse Ñalnde Darngal, fii ko ɓe fantini kon e bannge Alla.
Arabic explanations of the Qur’an:
أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ
E ɓee fennooɓe jalkita Nulaaɓe yi'aali ɓe waajitora mofte adinooɓe ɓe? Ɓe annda ɓen ɗon maayiino, ɓe artataa aduna han kadi. Ɓe yahdii e kuuɗe maɓɓe. Wonnde Alla yoɓitoyay ɓe ɗum.
Arabic explanations of the Qur’an:
وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ
Hujja ummital ngal no woodani fennuɓe ɓen: e leydi yoorundi hokki ndin, Men jippini toɓo e mayri, immorde ka kammu, Men fuɗini e mayri nooneeji puɗi, Men yaltini nooneeji e gabbe, e nder ɗin puɗi, fii ko yimɓe ɓen ñaama. Yo ɓe anndu non, wuurnirɗo ndin leydi ɗon non, ko hattanɗo wuurnitugol maayɓe.
Arabic explanations of the Qur’an:
لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ
Men waɗiri ɗen gese, fii no yimɓe ɓen ñaamira e majje, immorde e kon ko Alla neemini e maɓɓe, hara ɓe yannganaaki ɗum. E ɓee yettirtaa Alla e ɗii neemaaji ɗon, rewugol Mo Kanko tun, gomɗina kadi Nulaaɓe Makko ɓen?
Arabic explanations of the Qur’an:
سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ
Senaade woodanii Alla, O toowii. On fuɗɗuɗo nooneeji ɗin fow: gila e puɗi e leɗɗe, haa e wonkiiji yimɓe ɓen, tawde O waɗirii ɓe deyel e gorel, e kon ko ɓe anndaa fii mun, e tagu Alla ngun ka njorndi e maayo ekn.
Arabic explanations of the Qur’an:
وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ
Hujja goo wonanii yimɓe ɓen e fii wootinɗingol Alla, tawde Meɗen naɓira ndaygu ngun, naɓugol ñalorma on, adda jemma on, tuma Men sortata ñalorma on e makko, Men waɗta ɗum niwre, haa yimɓe ɓen naatii e mayre.
Arabic explanations of the Qur’an:
وَٱلشَّمۡسُ تَجۡرِي لِمُسۡتَقَرّٖ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ
Maande goo hollaynde ɓe gootaagu Alla ngun, ko ngee naange dogaynge haa e ñiiɓirde nge Alla anndi eɓɓoore mun, nge haɗta ɗon. Nden, ko eɓɓoore Fooluɗo Mo fooletaake On, Annduɗo Mo huunde e fiyakuuji tagu Makko ngun wirnanaaki Mo.
Arabic explanations of the Qur’an:
وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ
Maande goo kadi tinndinnde e gootaagu Alla seniiɗo On, ko nduu lewru, ndu Men eɓɓani jipporde jemma kala. Ndu fuɗɗora toksuru, hooti ndu mawna, hooti ndu fanɗita, haa ndu waɗtinira wano baaŋal tamarohi e noone mun ka soyɗugol e ka hiɗɗugol.
Arabic explanations of the Qur’an:
لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ
Maandeeji naange ngen e lewru ndun, e jamma on e ñalorma on, ko Alla elti ɗi. Ɗi haɗtanaa yawtugol ko ɗi eɓɓanaa kon. Wanaa naange ngen woni ko waawi hewtitorgol lewru ndun, waylugol dogudu magge maa naɓugol ndaygu magge, wanaa jemaa on kadi haɗtanaa aditagol ñalorma on, ado o lannude. Ɗi fow majji non, e kala koode e ruugayɗi, ko eltanaaɗi laawi heeriiɗi.
Arabic explanations of the Qur’an:
وَءَايَةٞ لَّهُمۡ أَنَّا حَمَلۡنَا ذُرِّيَّتَهُمۡ فِي ٱلۡفُلۡكِ ٱلۡمَشۡحُونِ
Maande goo wonanii ɓe e fii gootaagu Alla ngun, e ko O neemini kon e jeyaaɓe Makko ɓen, wonnde Men roondike daɗunooɓe ɓen ndiyam tuufaana ɗam, e geyngol Aadama ngol, fewndo Nuuhu, ka laana hebbiniranooka taguuji Alla. Hari tagu kala e resondirayngel e mun no roondaa e ka laana.
Arabic explanations of the Qur’an:
وَإِذَا قِيلَ لَهُمُ ٱتَّقُواْ مَا بَيۡنَ أَيۡدِيكُمۡ وَمَا خَلۡفَكُمۡ لَعَلَّكُمۡ تُرۡحَمُونَ
Si ɓee sirkooɓe ɗuurniiɓe e gomɗingol wi'anaama: rentee e ko sutaniɗon ka laakara e caɗeele mun, rentoron e aduna feƴƴoowo, belajo'o, Alla neeminira on yurmeende Makko nden. Kono ɓe ronki waɗde ɗum, ɓe ɗuurnii fii mun.
Arabic explanations of the Qur’an:
وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٖ مُّبِينٖ
Si saɗta feere'en ɓee wi'anaama kadi: walliree waasuɓe ɓen e wonduɓe ɓen jawle mon ɗe Alla arsiki on ɗen. Ko ɓe jaaborta, ko wiide gomɗimɓe ɓen: kere men ñamminay on tawɗo si Alla muuyuno, O ñamminayno mo? Men lunndotaako muuyɗe Makko ɗen. Onon ɓee gomɗimɓe, on wonaali, si wanaa e faayere ɓanngunde, woɗɗitiinde goonga.
Arabic explanations of the Qur’an:
قَالُواْ يَٰوَيۡلَنَا مَنۢ بَعَثَنَا مِن مَّرۡقَدِنَاۜۗ هَٰذَا مَا وَعَدَ ٱلرَّحۡمَٰنُ وَصَدَقَ ٱلۡمُرۡسَلُونَ
Ɓee heeferɓe yeddunooɓe ummital ninɓe, ɓe wi'a: Ee hayrere amen! Ko hommbo immini men e genaale amen? Ɓe jaabee: ko ɗum woni ko Alla fodunoo, wonnde pellet, waɗay; Nulaaɓe ɓen goonginii e ko ɓe yottiniri ɗum kon, immorde e Joomi maɓɓe.
Arabic explanations of the Qur’an:
فَٱلۡيَوۡمَ لَا تُظۡلَمُ نَفۡسٞ شَيۡـٔٗا وَلَا تُجۡزَوۡنَ إِلَّا مَا كُنتُمۡ تَعۡمَلُونَ
Ñaawoore nden Ñalnde, ko nunɗal waɗirta, tawde onon jeyaaɓe ɓen, on tooñirtaake ɓeydaneede bonɗi maa ɗuytaneede moƴƴi, hay huunde. Ko yoɓirteɗon, ko njoɓdi kon ko gollaynoɗon aduna.
Arabic explanations of the Qur’an:
هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ
Arabic explanations of the Qur’an:
۞ أَلَمۡ أَعۡهَدۡ إِلَيۡكُمۡ يَٰبَنِيٓ ءَادَمَ أَن لَّا تَعۡبُدُواْ ٱلشَّيۡطَٰنَۖ إِنَّهُۥ لَكُمۡ عَدُوّٞ مُّبِينٞ
Mi ahodaano e mo'on, Mi haɗiri on, onon ɓiɗɓe Aadama ɓen, e konngol Nulaaɓe Am ɓen, wiide on: wata on ɗofto seytaane, faggitagol noone kala e keeferaaku maa geddi? Tawde pellet, kanko seytaane, ko o gaño mon ɓannginɗo ngayngu. Ko honno haqqilɗo ɗoftorta gaño mun ɓannginɗo ngayngu?
Arabic explanations of the Qur’an:
وَأَنِ ٱعۡبُدُونِيۚ هَٰذَا صِرَٰطٞ مُّسۡتَقِيمٞ
Mi yamiri on kadi, onon ɓiɗɓe Aadama ɓen, wonnde yo on rewan Min tun, hara on kafidaali Lam e goɗɗum. Ko rewugol Lam Min tun ngol, ɗoftoo Lam, woni laawol focciingol, ɗowayngol e welayee Am e naatugol Aljanna. Kono on waɗaali ko mi ahodunoo e mun kon, Mi yamiri on.
Arabic explanations of the Qur’an:
وَلَقَدۡ أَضَلَّ مِنكُمۡ جِبِلّٗا كَثِيرًاۖ أَفَلَمۡ تَكُونُواْ تَعۡقِلُونَ
Gomɗii seytaane majjinii tagu ɗuuɗungu e mon. E on wonaano ɓe haqqille mun yamiraynoo ɗoftagol Joomi mun, rewa Mo Kanko tun, ɗe rentina on e ɗoftagol seytaane, tawɗo ko gaño feññinanɗo on ngayngu?
Arabic explanations of the Qur’an:
ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ
Hannde, Men notay e kunndule maɓɓe ɗen, ɓe wonta mbobooɓe, hara ɓe waawataa yeddude geddi e keeferaaku ko ɓe wonunoo e mun kon. Juuɗe maɓɓe ɗen yewta Men ko ɗe huuwi aduna, koyɗe maɓɓe ɗen kadi seeditoo e kon ko ɓe wonunoo e faggitaade e geddi.
Arabic explanations of the Qur’an:
وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ
Si Men yiɗuno, Men mehayno gite maɓɓe ɗen, hara ɓe yi'ataa, ɓe adondira e laawol ngol, fii lummbitirgol ka Aljanna. Kono ɓe woɗɗondirii e ɗum, tawde gite maɓɓe ɗen mehaama.
Arabic explanations of the Qur’an:
وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيّٗا وَلَا يَرۡجِعُونَ
Si Men yiɗuno kadi, Men waylayno fii maɓɓe, Men femmpira ɓe koyɗe ɗen, hara ɓe hippataa sottude e nokku maɓɓe on: ɓe waawataa feƴƴude yeeso, wanaa fii yiltorgol ɓaawo.
Arabic explanations of the Qur’an:
وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٞ وَقُرۡءَانٞ مُّبِينٞ
Men anndinaali Muhammadu (jom kisiyee) gimɗi; ɗum haananaa mo, tawde o yahdaa e mun, sakko heɓon ka wi'on wonnde ko o yimoowo. Ko Men anndini mo kon wonaali, si wana jantoore e Qur'aanaare ɓanngannde taskoɗoo.
Arabic explanations of the Qur’an:
لِّيُنذِرَ مَن كَانَ حَيّٗا وَيَحِقَّ ٱلۡقَوۡلُ عَلَى ٱلۡكَٰفِرِينَ
Fii yo jertinir nde, kala laatiiɗo wuuruɗo ɓernde, tawde ko on ɗon nafitorta nde. Konngol lepte ngol kadi jojja e hoore yedduɓe ɓen, tawde hujja nanngirii ɓe jippangol nde ngol, nde yottinee e maɓɓe. hujja woo heddoraaki ɓe, mo ɓe ngantinora.
Arabic explanations of the Qur’an:
Benefits of the verses in this page:
• في يوم القيامة يتجلى لأهل الإيمان من رحمة ربهم ما لا يخطر على بالهم.
• أهل الجنة مسرورون بكل ما تهواه النفوس وتلذه العيون ويتمناه المتمنون.
• ذو القلب هو الذي يزكو بالقرآن، ويزداد من العلم منه والعمل.
وَلَهُمۡ فِيهَا مَنَٰفِعُ وَمَشَارِبُۚ أَفَلَا يَشۡكُرُونَ
Hino woodani ɓe ton, nafooje goo, hara wanaa waɗɗeteeɗi ɗin e ñaameteeji teew mum tun. Ɗum ko wano leeɓi baali ɗin, e leeɓi gelooɗi ɗin, e leeɓi be'i ɗin e coggeeli majji ɗin ɗi ɓe moƴƴinirta ndaɗɗudi e comci. Ɓe heɓoyay ton kadi, nooneeji njaram ka ɓe yaroyta kocce. E ɓee kan yettataa Alla neeminirɗo ɓe ɗii neemaaji ekw?
Arabic explanations of the Qur’an:
فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ
Wata wiide ɓe : wanaa a Nulaaɗo, maa wonnde ko a yimoowo, ekn fow e mun, wata sunine, an Nulaaɗo. Menen, Meɗen anndi ko ɓe suuɗata e ɗum, e ko ɓe feññinta e mun. Hunnde e mun suuɗaaki Men. Ma Men yoɓitoy ɓe ɗum.
Arabic explanations of the Qur’an:
أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٖ فَإِذَا هُوَ خَصِيمٞ مُّبِينٞ
E neɗɗanke, yedduɗo ummital ɓaawo maayde on, miijitaaki, wonnde Men tagirii mo e toɓɓere maniiyu? Refti o rewri sagaraaji haa jibinaa o mawni, refti o wonti ɗuuɗuɗo yeddondiral e wennjondiral! Kanko o yi'aali ɗum, haa o dallinora wonnde ummital waɗay?
Arabic explanations of the Qur’an:
قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ
An Muhammadu, maakan ɓe ka jaabagol ɓe: wuurnitoowo ɗee ƴi'e wuɗuɗe, ko taguɗo ɗe On ka laawol aranol. Mo tagii huunde ka arannde mayre, O ronkataa wuurnitude nde. Ko Kanko seniiɗo On woni annduɗo fii kala tagu. Hunnde e fii maggu suuɗaaki Mo.
Arabic explanations of the Qur’an:
ٱلَّذِي جَعَلَ لَكُم مِّنَ ٱلشَّجَرِ ٱلۡأَخۡضَرِ نَارٗا فَإِذَآ أَنتُم مِّنۡهُ تُوقِدُونَ
On waɗanɗo on, onon yimɓe ɓen, yiite, iwde e leɗɗe kecce, tawa ko e majje woni ko huɓɓinirton yiite. Awa faamon, kala waawuɗo hawtude benya- ndirdi ɗiɗi (woni hecciɗugol leɗɗe ɗen, e yiite huɓɓinirteenge e majje ngen), ko haɗttanɗo wuurnitugol maayɓe.
Arabic explanations of the Qur’an:
أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّٰقُ ٱلۡعَلِيمُ
Kere taguɗo kammuuli ɗin e leydi ndin e kala mawnuɗi wonɗi e majji, On haɗtanaa wuurnitugol maayɓe immintina ɓe? Ɗum ko pellet, Himo haɗtana ɗum. Ko Kanko woni Ɗuuɗuɗo tageefo, Taguɗo kala huunde, Annduɗo fii majji. Huunde suuɗaaki Mo e majji.
Arabic explanations of the Qur’an:
إِنَّمَآ أَمۡرُهُۥٓ إِذَآ أَرَادَ شَيۡـًٔا أَن يَقُولَ لَهُۥ كُن فَيَكُونُ
Anndon fiyaaku Alla on, si O faandnike waɗufol huunde, ko O wi'anay nde tun: laato, nde laatora no O yiɗiri non. Hino jeyaa ɗum, wiide si O faandike wuurnitugol maa warugol maa immintingol ekn, O waɗay tun.
Arabic explanations of the Qur’an:
فَسُبۡحَٰنَ ٱلَّذِي بِيَدِهِۦ مَلَكُوتُ كُلِّ شَيۡءٖ وَإِلَيۡهِ تُرۡجَعُونَ
Senaade e laaɓal, woodanii On Mo sirkooɓe ɓen askinta ronkugol e Mun! On Mo tawata, ko e juuɗe Makko laamateeri kala huunde woni, Himo waɗira ɗum no O haajiri. Ko e juuɗe Makko soktirgal huunde woni. Ko ka Makko tun, woni ruttorde mon laakara, O yoɓitoya on njoɓde golle mon.
Arabic explanations of the Qur’an:
Benefits of the verses in this page:
• من فضل الله ونعمته على الناس تذليل الأنعام لهم، وتسخيرها لمنافعهم المختلفة.
Hino jeyaa e ɓure Alla ɗen e neemaaji Makko ɗin e dow yimɓe ɓen, eltangol ɓe neemoraaɗi ɗin, fii nafooje maɓɓe sertuɗe.
• وفرة الأدلة العقلية على يوم القيامة وإعراض المشركين عنها.
Heewde Hujjaaji haqqilleyankooji tinndinooje daragol Darngal ngal, jolii e ɗee Aayeeje, e wonde sirkooɓe ɓen ɗuurnike ɗum.
• من صفات الله تعالى أن علمه تعالى محيط بجميع مخلوقاته في جميع أحوالها، في جميع الأوقات، ويعلم ما تنقص الأرض من أجساد الأموات وما يبقى، ويعلم الغيب والشهادة.
Hino jeyaa e sifaaji Alla Toowuɗo On: wonnde anndal Makko ngal, hino huuɓiti tagu Makko ngun fow; e fiyaaku kala, e jamaanu kala. Hino anndi ko leydi ndin ɗuytorta ɓalli maayɓe, e ko heddotoo e ɗum, Himo anndi kadi ko wirnii e ko feeñi.
Translation of the meanings Surah: Yā-Sīn
Translation of the Meanings of the Noble Qur'an - الترجمة الفولانية للمختصر في تفسير القرآن الكريم - Translations’ Index
الترجمة الفولانية للمختصر في تفسير القرآن الكريم، صادر عن مركز تفسير للدراسات القرآنية.