Translation of the meanings Ayah 12 Surah Al-Hujurāt - الترجمة الفولانية للمختصر في تفسير القرآن الكريم - The Noble Qur'an Encyclopedia

Ayah: 12

يَٰٓأَيُّهَا ٱلَّذِينَ ءَامَنُواْ ٱجۡتَنِبُواْ كَثِيرٗا مِّنَ ٱلظَّنِّ إِنَّ بَعۡضَ ٱلظَّنِّ إِثۡمٞۖ وَلَا تَجَسَّسُواْ وَلَا يَغۡتَب بَّعۡضُكُم بَعۡضًاۚ أَيُحِبُّ أَحَدُكُمۡ أَن يَأۡكُلَ لَحۡمَ أَخِيهِ مَيۡتٗا فَكَرِهۡتُمُوهُۚ وَٱتَّقُواْ ٱللَّهَۚ إِنَّ ٱللَّهَ تَوَّابٞ رَّحِيمٞ

Ko onon yo ɓen gomɗimɓe Allah ɓe golliri sari'a Makko on, waɗɗitee e ko ɗuuɗi e sikke. Pellet, yoga e sikke ko bakkaatu ; wano sikkugol goɗɗo bone, hara le ko moƴƴere feeñi e makko. Wata on wiɗo gomɗimɓe ɓen ɓaawo maaɓe, wata yoga mon kadi wowlu yoga ko mettata oya ; sabu ɗum no wa'i wa ñaamugol teewu musiɗɗo mun maay- ɗo. Hara non goɗɗo e mo'on yiɗay ñaamugol teewu musiɗɗo mun maayɗo? Awa añiree ño'ugol mo ngol wano non. Huliron Allah ɗoftagol yamiraaɗi Makko, woɗɗitoo haɗaaɗi Makko. Pellet, Allah ko Jaɓanoowo kala tuubuɗo e jeyaaɓe Makko ɓen, Hinnotooɗo ɓe.

Benefits of the verses in this page:

• سوء الظن بأهل الخير معصية، ويجوز الحذر من أهل الشر بسوء الظن بهم.

Sikke bonɗo e moƴƴuɓe ɓen ko goopol, ko bakkondingol. Hino dagoo non rentorgol bomɓe ɓen sikkugol ɓe ko boni.

• وحدة أصل بني البشر تقتضي نبذ التفاخر بالأنساب.

Ko tawi kon Banii-Aadama fow ko iwdi wootiri, no haanunoo accude wasaraade dammbe.

• الإيمان ليس مجرد نطق لا يوافقه اعتقاد، بل هو اعتقاد بالجَنان، وقول باللسان، وعمل بالأركان.

Gomɗinal, wanaa wowlugol tun hara fiɓaali. Ɗum ko fiɓugol ka ɓernde, wowlira ɗemngal ngal, gollira tere ɗen.

• هداية التوفيق بيد الله وحده وهي فضل منه سبحانه ليست حقًّا لأحد.

Hawrindineede peewal, ko e juuɗe Allah tun woni. Ɗum ko ɓural Makko ngal gooto heeroraa.