Translation of the meanings Ayah 55 Surah Al-A‘rāf - Fulani translation of Al-Mukhtsar in interpretation of the Noble Quran - The Noble Qur'an Encyclopedia

Ayah: 55

ٱدۡعُواْ رَبَّكُمۡ تَضَرُّعٗا وَخُفۡيَةًۚ إِنَّهُۥ لَا يُحِبُّ ٱلۡمُعۡتَدِينَ

Onon ɓee gomɗimɓe, noddiree Joomi mon yankinaare e gunndoo, laɓɓinanon Mo toraare nden ko jillaa e yiingo maa kadidugol Mo goɗɗum goo ka toraare. Pellet, Kanko O Yiɗaa ɓen yawtooɓe keeri Makko ɗin ka du'agol ; wano kafidugol Mo goɗɗum goo ka du'aa, golle sirkooɓe ɓen, ko ɗum ɓuri mawnude e yawtugol keeri Makko ɗin.

Benefits of the verses in this page:

• القرآن الكريم كتاب هداية فيه تفصيل ما تحتاج إليه البشرية، رحمة من الله وهداية لمن أقبل عليه بقلب صادق.

Alqur'aanaare nden ko Deftere peewal, hinde fensiti kala ko neɗɗanke hatonjinta, ɗum ko Yurmeende Alla, fewnaynde kala jaɓirɗo nde goonga.

• خلق الله السماوات والأرض في ستة أيام لحكمة أرادها سبحانه، ولو شاء لقال لها: كوني فكانت.

Alla Tagirii kammuuli ɗin e leydi ndin balɗe jeegoo e Ñeeñal Makko, si O Muuyuno, O Daalanayno ɗi : Laatee! Ɗi laatoo.

• يتعين على المؤمنين دعاء الله تعالى بكل خشوع وتضرع حتى يستجيب لهم بفضله.

Hino waɗɗii ka gomɗimɓe ɓen torota Alla yankinaare timmunde, fii no ɓe jaabiniranee Ɓural Makko.

• الفساد في الأرض بكل صوره وأشكاله منهيٌّ عنه.

Bonnugol ka leydi ko haɗaa ɗum e kala mbaadi.